ନୂଆଦିଲ୍ଲୀ: ପ୍ରତିବର୍ଷ ଦେଶର ସୈନିକମାନଙ୍କ ସହ ଦିୱାଲୀ ପାଳନ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୀମାରେ ପହଞ୍ଚିଥାନ୍ତି । ଏଥର ମଧ୍ୟ ପ୍ରଧାନମନ୍ତ୍ରୀ ମୋଦୀ ହିମାଚଳ ପ୍ରଦେଶରେ ସୈନିକ ମାନଙ୍କ ସହ ଦିୱାଲୀ ପାଳନ କରିବାକୁ ଯାଇଛନ୍ତି । ୨୦୧୪ ପରଠାରୁ ପ୍ରଧାନମନ୍ତ୍ରୀ ପ୍ରତ୍ୟେକ ଥର ଦେଶର ସୈନିକମାନଙ୍କ ସହିତ ଦିୱାଲୀ ପର୍ବ ପାଳନ କରିବାକୁ ଆସୁଛନ୍ତି । 

 ୨୦୧୪ ମସିହାରେ ପ୍ରଧାନମନ୍ତ୍ରୀ ହେବା ପରେ ନରେନ୍ଦ୍ର ମୋଦୀ ସିଆଚେନ୍ ଗ୍ଲାସିଅର୍ ଯାଇ ସୈନିକ ମାନଙ୍କ ସହ ଦୀପାବଳି ପାଳନ କରିଥିଲେ । ୨୦୧୫ ମସିହାରେ ପଂଜାବର ଅମୃତସରରେ ସୈନିକମାନଙ୍କ ସହିତ ଦିୱାଲୀ ପାଳନ କରିଥିଲେ । ଏହା ପରେ, ୨୦୧୬ରେ, ପ୍ରଧାନମନ୍ତ୍ରୀ ହିମାଚଳ ପ୍ରଦେଶର କିନ୍ନୌର ସହରରେ ସୈନିକମାନଙ୍କ ସହ ଦିୱାଲୀ ପାଳନ କରିଥିଲେ । ଏହା ପରେ, ୨୦୧୭ରେ ପ୍ରଧାନମନ୍ତ୍ରୀ କାଶ୍ମୀରର ଗୁରେଜରେ, ୨୦୧୮ରେ ଉତ୍ତରାଖଣ୍ଡର କେଦାରନାଥରେ ଏବଂ ୨୦୧୯ ରେ ଜାମ୍ମୁ ରାଜୌରୀରେ ସେନା କର୍ମଚାରୀଙ୍କ ସହ ଦିୱାଲୀ ପାଳନ କରିଥିଲେ।

 ସେହିଭଳି ୨୦୨୦ରେ, ପ୍ରଧାନମନ୍ତ୍ରୀ ମୋଦି ରାଜସ୍ଥାନର ଜୈସଲମେରରେ ଦିୱାଲୀ ପାଳନ କରିଥିଲେ, ୨୦୨୧ ମସିହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜୌରୀ ଜିଲ୍ଲାର ନୌଶହରା ଏବଂ ୨୦୨୨ମସିହାରେ କାର୍ଗିଲରେ ସୈନିକମାନଙ୍କ ସହ ଦିୱାଲୀ ପାଳନ କରିଥିଲେ।

 ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟରେ ପ୍ରଧାନମନ୍ତ୍ରୀ ମୋଦୀ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଲେଖିଛନ୍ତି, "ଦେଶର ସମସ୍ତ ପରିବାର ସଦସ୍ୟଙ୍କୁ ଦିୱାଲୀ ଶୁଭେଚ୍ଛା । ଏହି ବିଶେଷ ପର୍ବ ଆପଣଙ୍କ ଜୀବନରେ ସୁଖ, ସମୃଦ୍ଧତା ଏବଂ ଉତ୍ତମ ସ୍ୱାସ୍ଥ୍ୟ ଆଣନ୍ତୁ ।"

Reached Lepcha in Himachal Pradesh to celebrate Diwali with our brave security forces. pic.twitter.com/7vcFlq2izL

— Narendra Modi (@narendramodi) November 12, 2023