ଭୁବନେଶ୍ୱର,୧୩/୦୪: ଯାତ୍ରା ଜଗତର ବହୁଚର୍ଚ୍ଚିତ ଅଭିନେତ୍ରୀ ରାନୀ ପଣ୍ଡା ପ୍ରେମରେ ଧୋକା ଖାଇଛନ୍ତି ।  ବିବାହର ପ୍ରତିଶ୍ରୁତି ଦେଇ ଦୀର୍ଘ ୭ ବର୍ଷ  ହେବ ତାଙ୍କୁ ଶାରୀରିକ ଓ ମାନସିକ  ନିର୍ଯାତନା ଦେଇଛନ୍ତି ପୁରୁଷ ବନ୍ଧୁ ବିକ୍ରମ  ବିକାଶ ଓରଫ କାହ୍ନା । ଏନେଇ ସେ  ମହିଳା ଥାନାରେ ଏତଲା ଦେଇଛନ୍ତି ।  ପୁଲିସ୍‌ ମାମଲା (୭୪/୨୪) ରୁଜୁ କରି  ଘଟଣାର ତଦନ୍ତ ଆରମ୍ଭ କରିଛି ।   

ସାମନ୍ତରାପୁରସ୍ଥିତ ନୂଆଗାଁରେ  ରହୁଥିବା ବିକ୍ରମଙ୍କ ସହ ୭ ବର୍ଷ  ତଳେ ସହ ରାନୀଙ୍କର ପ୍ରେମ ସମ୍ପର୍କ  ଗଢ଼ି ଉଠିଥିଲା । ବିବାହର ପ୍ରତିଶ୍ରୁତି ଦେଇ ବିକ୍ରମ ତାଙ୍କ ସହ ବାରମ୍ବାର  ଶାରୀରିକ ସମ୍ପର୍କ ରଖିଥିଲେ । କିଛି  ମାସ ତଳେ ରାନୀ ତାଙ୍କୁ ବିବାହ  କରିବାକୁ କହିଥିଲେ । ହେଲେ ବିକ୍ରମ  ବାହା ହେବାକୁ ମନା କରି ଦେଇଥିଲେ ।  ଲୁଚିଛପି ଅନ୍ୟ ଜଣେ ଯୁବତୀଙ୍କ ସହ  ନିର୍ବନ୍ଧ କରିଥିଲେ । ରାନୀ ଏହି ଘଟଣା  ବିଷୟରେ ପଚାରିବାରୁ ବିକ୍ରମ ତାଙ୍କୁ  ବିଭିନ୍ନ ପ୍ରକାର ଧମକ ଦେଉଥିଲେ ।  ବିକ୍ରମଙ୍କ ବାପା ବି ତାଙ୍କୁ ଧମକ  ଦେଉଥିବା ସେ ଏତଲାରେ ଦର୍ଶାଇଛନ୍ତି । ତେବେ କିଛି ଉପାୟ ନ ପାଇ ରାନୀ  ଶୁକ୍ରବାର ମହିଳା ଥାନାରେ ଏତଲା  ଦେଇଛନ୍ତି । ପୁଲିସ୍‌ ଅଭିଯୁକ୍ତଙ୍କୁ  ଧରିବାକୁ ବିଭିନ୍ନ ଆଡ଼େ ଚଢ଼ଉ କରିଛି ।