ନୂଆଦିଲ୍ଲୀ,୨୮/୪ : ବଲିଉଡ଼ ଅଭିନେତା ରଣବୀର କପୁର ୨୭ଏପ୍ରିଲରେ ଦୁଇଟି କାରଣରୁ ସୋସିଆଲ ମିଡ଼ିଆରେ ଟ୍ରେଣ୍ଡିଂ ରହିଥିଲେ।  ଗୋଟିଏ ତାଙ୍କ ଆସୁଥିବା ଫିଲ୍ମ ରାମାୟଣର ସେଟରୁ ଦୁଇଟି ଫଟୋ ଭାଇରାଇ ହୋଇଥିଲା । ଯେଉଁଥିରେ ରଣବୀର କପୁର ରାମଙ୍କ ଭୂମିକା ନିଭାଉଥିବା ନଜର ଆସିଥିଲେ ଏବଂ ସାଇ ପଲ୍ଲବୀ ମାତା ସୀତାଙ୍କ ଭୂମିକା ନିଭାଉଥିବା ନଜର ଆସିଥିଲେ । ସେହିଭଳି ଦ୍ବିତୀୟ କାରଣ ହେଲା କି ରଣବୀର କପୁରଙ୍କ ଗୋଡ଼ ଏକ ଇଭେଣ୍ଟରେ ଖସିଗଲା ଏବଂ ଭିଡ଼ିଓ ଭାଇରାଲ ହୋଇଯାଇଥିଲା ।

ରଣବୀର କପୁର କୌଣସି ଇଭେଣ୍ଟରେ ପହଞ୍ଚିଥିଲେ ଯେଉଁଠାରୁ ବାହାରିବା ସମୟରେ ତାଙ୍କ ଗୋଡ଼ ଖସିଯାଇଥିଲା। ଫ୍ୟାନ୍ସ ବି ଏହି କାରଣରୁ ଚିନ୍ତିତ ରହିଯାଇଥିଲେ । ମାତ୍ର ରଣବୀର ପଡ଼ି ନ ଥିଲେ ସେ ସମ୍ଭାଳି ନେଇଥିଲେ କିନ୍ତୁ ସେହି ଭିଡ଼ିଓ ସୋସିଆଲ ମିଡ଼ିଆରେ ଜବରଦସ୍ତ ଭାଇରାଲ ହେବାରେ ଲାଗିଛି ।

ଇନଷ୍ଟାଗ୍ରାମରେ ଏକ ଭିଡ଼ିଓ ଭାଇରାଲ ହେବାରେ ଲାଗିଛି ଯେଉଁଥିରେ ରଣବୀର କପୁର କୌଣସି ଇଭେଣ୍ଟରେ ଯାଇଥିଲେ । ରଣବୀର କପୁରଙ୍କ ବ୍ଲାକ ଲୁକ୍ ଫ୍ୟାନ୍ସଙ୍କୁ ଖୁବ୍ ପସନ୍ଦ ଆସିବାରେ ଲାଗିଛି । ଏହା ମଧ୍ୟରେ ତାଙ୍କ ଗୋଡ଼ ସିଡ଼ିରେ ଖସି ଯାଉଛି କିନ୍ତୁ ଅଭିନେତା ତୁରନ୍ତ ନିଜକୁ ସମ୍ଭାଳି ନେଉଛନ୍ତି । ତାଙ୍କ ଚେହେରାରେ ବିଲକୁଲ ବି ନିରାଶ ଦେଖିବାକୁ ମିଳିନଥିଲା ଯାହା ଫ୍ୟାନ୍ସଙ୍କୁ ବହୁ ପସନ୍ଦ ଆସିବାରେ ଲାଗିଛି ।

ରଣବୀର କପୁରଙ୍କ ଏହି ଭିଡ଼ିଓ ଉପରେ ଫ୍ୟାନ୍ସମାନେ ବହୁ କମେଣ୍ଟ୍ସ କରିଥିଲେ । କେହି ଆରକେଙ୍କୁ ସମ୍ଭାଳିବାକୁ କହିଥିଲେ ତ କେହି ରଣବୀରଙ୍କୁ ହାର୍ଟ ଇମୋଜି ପଠାଇଥିଲେ । ସେହିଭଳି ବହୁ ଫ୍ୟାନ୍ସ ରଣବୀରଙ୍କୁ ହ୍ୟାଣ୍ଡସମ ଅଭିନେତା ବୋଲି କହିଥିଲେ ।