ନୂଆଦିଲ୍ଲୀ,୨୯।୩: ୧୫ ମାସର ଲମ୍ବା ବ୍ରେକ୍ ପରେ ଆଇପିଏଲ ୨୦୨୪ରେ ପ୍ରତ୍ୟାବର୍ତ୍ତନ କରିଥିବା ଋଷଭ ପନ୍ତ ଖରାପ ଫର୍ମ ଦେଇ ଗତି କରୁଛନ୍ତି। ଆଇପିଏଲ୍ରେ ଏପର୍ଯ୍ୟନ୍ତ ଖେଳିଥିବା ଦୁଇଟ ମ୍ୟାଚ୍ରେ ସେ ବଡ଼ ଇନିଂସ ଖେଳି ପାରି ନାହାନ୍ତି। ପଞ୍ଜାବ କିଙ୍ଗସ୍ ବିପକ୍ଷ ପ୍ରଥମ ମ୍ୟାଚ୍ ସେ ୧୩ ବଲ୍ରେ ୧୮ ରନ୍ କରି ଆଉଟ୍ ହୋଇଥିଲେ। ସେଭଳି ରାଜସ୍ଥାନ ରୟାଲ୍ସ ବିପକ୍ଷରେ ଦ୍ବିତୀୟ ମ୍ୟାଚ୍ରେ ତାଙ୍କ ବ୍ୟାଟ୍ରୁ ୨୬ ବଲରେ ୨୮ ରନ୍ ହୋଇଥିଲା। ବଡସ୍କୋର ନହେବାର ଚିନ୍ତା ଏବେ ପନ୍ତଙ୍କ ଚେହେରାରୁ ସ୍ପଷ୍ଟ ବାରି ହେଉଛି। ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ରେ ଆଉଟ୍ ହେବାପରେ ପନ୍ତଙ୍କ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ସେ ରାଗିକି କାନ୍ଥରେ ବ୍ୟାଟ୍ ଫୋପାଡୁଥିବାର ଦେଖିବାକୁ ମିଳୁଛନ୍ତି।
Rishabh pant frustrated after getting out last night !!#DCvsRR #RishabhPant pic.twitter.com/8D35ziXMqw
— Sportstalker._ (@C13RajuSingh) March 29, 2024
ଆରଆର ବିପକ୍ଷ ମ୍ୟାଚ୍ରେ ପନ୍ତ ନିଜର ନମ୍ବର-୪ ପୋଜିସନ୍ରେ ବ୍ୟାଟିଂ କରୁଥିବାର ନଜର ଆସିଥିଲେ, କିନ୍ତୁ ତାଙ୍କର ବ୍ୟାଟିଂ ପାଳି ଆସିଥିଲା ସେତେବେଳେ ଟିମ୍ ଦୁଇ ଓ୍ବିକେଟ ମିଚେଲ ମାର୍ଶ ଓ ରିକି ଭୁଇକୁ ହରାଇ ସାରିତିଲା। ଆସିବା ମାତ୍ରେ ଡେଭିଡ୍ ଓ୍ବାର୍ଣ୍ଣରଙ୍କ ସହିତ ପନ୍ତ ଖେଳିବା ଆରମ୍ଭ କରିଥିଲେ। ପନ୍ତ ଏହି କାମ ଖୁବ୍ ଭଲ ଭାବରେ କରିଥିଲେ, ଯେତେବେଳେ ସେ ଧୁଆଁଧାର ଇନିଂସ ଆରମ୍ଭ କରିଥିଲେ ସେତେବେଳ ଯୁଜଭେନ୍ଦ୍ର ଚହଲଙ୍କ ହାତରେ ଆଉଟ୍ ହୋଇଥିଲେ।
ପନ୍ତ ୨୮ ରନ୍ରେ ୨ଟି ଚୌକା ଓ ଗୋଟିଏ ଛକା ମାରିଥିଲେ। ଯେତେବେଳେ ପନ୍ତ ଆଉଟ ହୋଇ ପାଭିଲିଅନ୍ ଫେରୁଥିଲେ ସେ ମୈଦାନର ବାହାରକୁ ଯାଇ କାନ୍ଥରେ ବ୍ୟାଟ୍ ଫୋପାଡିବାର ଦେଖିବାକୁ ମିଳିଥିଲେ। ଏବେ ଏହି ଘଟଣାର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
