ନୂଆଦିଲ୍ଲୀ,୧୬/୦୯: ଆମେରିକା  ଏବଂ ଚୀନ ମଧ୍ୟରେ ଚାଲିଥିବା ବାଣିଜ୍ୟ  ଯୁଦ୍ଧର ପ୍ରଭାବ ଭାରତ ଉପରେ  ପଡ଼ିପାରେ । ଚୀନ୍‌ରୁ ଆସୁଥିବା କିଛି  ସାମଗ୍ରୀର ଆମଦାନି ଶୁଳ୍କ ବଢ଼ାଇଦେଇଛି  ଆମେରିକା । ଏହି ଟାରିଫ ଲାଗୁ ହେବା  ପୂର୍ବରୁ ଚୀନ୍‌ ଏହାର ଅଧିକରୁ ଅଧିକ ସାମଗ୍ରୀ ଆମେରିକାକୁ ପଠାଇଦେବାକୁ  ଚାହେଁ । ଏଥିପାଇଁ ବିଶ୍ୱର ବିଭିନ୍ନ ପ୍ରାନ୍ତରୁ  ପ୍ରଚୁର ମାତ୍ରାରେ ଖାଲି କଣ୍ଟେନର ଯାଉଛି  ଚୀନ୍‌କୁ । ଏହାଦ୍ୱାରା ଭାରତରେ କଣ୍ଟେନର ଅଭାବ ସ୍ଥିତି ଉପୁଯିଛି । ଜଣେ ସରକାରୀ  ଅଧିକାରୀଙ୍କ କହିବାନୁସାରେ, ଭାରତୀୟ  ରପ୍ତାନିକାରୀଙ୍କୁ ସେମାନଙ୍କ ସାମଗ୍ରୀ ରପ୍ତାନି  କରିବା ପାଇଁ କଣ୍ଟେନର ମିଳୁନାହିଁ । ତେଣୁ  ଅଗଷ୍ଟ ଏବଂ ସେପ୍ଟେମ୍ବରରେ ଭାରତର ରପ୍ତାନିରେ ହ୍ରାସ ଦେଖିବାକୁ ମିଳିପାରେ ।  

ପ୍ରକାଶଯୋଗ୍ୟ, ଆମେରିକାର  ବାଇଡେନ ପ୍ରଶାସନ ଚୀନ୍‌ର ଅନେକ  ସାମଗ୍ରୀ ଉପରେ ଟାରିଫ ବଢ଼ାଇବା  ପାଇଁ ଘୋଷଣା କରିଛନ୍ତି । ଏଥିରେ  ଷ୍ଟିଲ୍‌ରୁ ଆରମ୍ଭ କରି ସୋଲାର ସେଲ,  ଲିଥିୟମ ଆୟନ ବ୍ୟାଟେରି, ଇଲେକ୍ଟ୍ରିକ୍‌  ଯାନ ଏବଂ ମେଡିକାଲ ଉପକରଣ ଆଦି  ସାମିଲ ଅଛି । ଏହି ଟାରିଫ୍‌କୁ ଏହି ବର୍ଷରୁ  ୨୦୨୬ ପର୍ଯ୍ୟନ୍ତ ପର୍ଯ୍ୟାୟ ଭିତ୍ତିରେ ଲାଗୁ  କରାଯିବ । ଏହା ଲାଗୁ ହେବା ପୂର୍ବରୁ  ଚୀନ୍‌ ଏହାର ବଡ଼ ପରିମାଣର ସାମଗ୍ରୀକୁ  ଆମେରିକା ପଠାଇ ଦେବାକୁ ଚାହୁଁଛି ।  ଏଥିପାଇଁ ଚୀନ୍‌ରେ ହଠାତ୍‌ କଣ୍ଟେନର  ଚାହିଦା ପ୍ରବଳ ମାତ୍ରାରେ ବଢ଼ିଯାଇଛି ।  ବିଶ୍ୱର ବିଭିନ୍ନ ସ୍ଥାନରୁ ସେଠାକୁ ଖାଲି  କଣ୍ଟେନର ଯାଉଛି । ଲୋହିତ ସାଗରରେ  ହିଂସା ଯୋଗୁ ପୂର୍ବରୁ କଣ୍ଟେନର ଦରରେ  ଉଛାଳ ଆସିଥିଲା । ଏବେ ସ୍ଥିତିରେ ସୁଧାର  ଆସିବାକୁ ଆରମ୍ଭ ହେଉଥିବାବେଳେ ପୁଣି  କଣ୍ଟେନର ଦର ବଢ଼ିବାକୁ ଯାଉଥିବା