ନୂଆଦିଲ୍ଲୀ,୭।୯: ସନାତନ ଧର୍ମ ବିରୋଧରେ ହେଟସ୍ପିଚ୍ର ଧାରା ଥମୁନି। ଡିଏମ୍କେର ଉଦୟନିଧି ଷ୍ଟାଲିନଙ୍କ ପରେ ଡିଏମ୍କେର ଆଉ ଜଣେ ନେତା କରିଛନ୍ତି ସନାତନ ଧର୍ମକୁ ଅପମାନ। ସେ ହେଲେ ଏ ରାଜା। ସନାତନ ଧର୍ମକୁ ଏ ରାଜା ଏଚଆଇଭି ସହିତ ତୁଳନା କରିଛନ୍ତି। ଏ.ରାଜାଙ୍କ କହିବା ଅନୁସାରେ, ସନାତନ ଧର୍ମ ସାମାଜିକ ରୋଗ। ଏହା କୁଷ୍ଠ ରୋଗ ଓ ଏଚଆଇଭିଠାରୁ ଅଧିକ ଘାତକ।’
ଗତ ସପ୍ତାହ ଶନିବାର ଡିଏମକେର ମୁଖ୍ୟମନ୍ତ୍ରୀ ଏମକେ ଷ୍ଟାଲିନଙ୍କ ପୁଅ ଉଦୟନିଧି ଷ୍ଟାଲିନ୍, ଯିଏକି ତାମିଲନାଡୁ ସରକାରରେ ମନ୍ତ୍ରୀ ଅଛନ୍ତି ସେ ସନାତନ ଧର୍ମକୁ ଶେଷ କରିବା କଥା କହିଥିଲେ। ଏହାପରେ ପୁରା ଦେଶ ତାଙ୍କ ଏହି ବୟାନକୁ କଡା ସମାଲୋଚନା କରିଥିଲେ। ବିଜେପି ନେତା ଅମିତ ମାଲବୀୟ ଟ୍ବିଟ୍ କରି ଏହି ବୟାନକୁ କଡା ସମାଲୋଚନା କରିଥିଲେ।
ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବୀୟ ଟ୍ବିଟ୍ କରି କହିଛନ୍ତି, ଏବେ ଡିଏମ୍କେ ସାଂସଦ ଏ.ରାଜା ହିନ୍ଦୁ ଧର୍ମକୁ ସାମାଜିକ ରୋଗ ବୋଲି କହୁଛନ୍ତି। ସେ ଏଭଳି ଧର୍ମ ବିଷୟରେ କହୁଛନ୍ତି, ଯେଉଁ ଧର୍ମରେ ଦେଶର ୮୦% ଲୋକ ଅଛନ୍ତି। ଏହା ଏକ ଧର୍ମ ବିରୋଧରେ ଘୃଣାଜନକ ମନ୍ତବ୍ୟ। କଂଗ୍ରେସର ‘ଇଣ୍ଡିଆ’ ମେଣ୍ଟର ଏହା ହେଉଛି ପ୍ରକୃତ ଚରିତ୍ର।
