ନୂଆଦିଲ୍ଲୀ : କିଛି ଦିନ ପୂର୍ବେ ମନୁ ଭାକର କହିଥିଲେ- ସଚିନ ତେନ୍ଦୁଲକର , ଏମଏସ ଧୋନୀ ଓ ବିରାଟ କୋହଲି ସାର୍ଙ୍କ ସହ ଯଦି ଘଣ୍ଟାଟିଏ ମଧ୍ୟ ବିତେଇବାକୁ ସୁଯୋଗ ମିଳେ ତ , ଏହା ମୋ ପାଇଁ ସମ୍ମାନର କଥା ହେବ। ଏବେ ମନୁ ଭାକର ସଚିନ ତେନ୍ଦୁଲକରଙ୍କ ସହ ସାକ୍ଷାତର ଫଟୋ ସେୟାର କରିଛନ୍ତି। ମନୁ ଭାକର ନିଜ ପରିବାର ସହ ସଚିନ ତେନ୍ଦୁଲକର ଓ ତାଙ୍କ ପତ୍ନୀ ଅଞ୍ଜଳିଙ୍କୁ ସାକ୍ଷାତ୍ କରିଛନ୍ତି।
ଉଲ୍ଲେଖନୀୟ ଯେ, ମନୁ ଭାକର କୌନ ବନେଗା କରୋଡପତି ଶୋ’ର ଏପିସୋଡ୍ରେ ଆସିବାକୁ ଯାଉଛନ୍ତି ଏବଂ ଏଥିପାଇଁ ସେ ମୁମ୍ୱାଇରେ ଅଛନ୍ତି। ମନୁ ଭାକର ଓ ସଚିନ ତେନ୍ଦୁଲକରଙ୍କର ସାକ୍ଷାତ୍ର ଫଟୋ ଦେଖି ଆପଣଙ୍କର ହୃଦୟ ମଧ୍ୟ ଖୁସି ହୋଇ ଯିବ।
ମନୁ ଭାକର ଏହି ଫଟୋ ସେୟାର କରି ଲେଖିଛନ୍ତି – “ କେବଳ ହିଁ କେବଳ ଜଣେ ସଚିନ ତେନ୍ଦୁଲକର ସାର୍ ! କ୍ରିକେଟିଂ ଆଇଡଲଙ୍କ ସହ ଏହି ସମୟ ବିତାଇ ମୁଁ ଖୁବ୍ ଅଧିକ ବ୍ଲେସଡ୍ ଫିଲ୍ କରୁଛି , ତାଙ୍କର ଯାତ୍ରା ମୋତେ ଓ ଆମ ସମସ୍ତଙ୍କୁ ନିଜ ସ୍ୱପ୍ନର ପିଛା କରିବା ପାଇଁ ପ୍ରୋତ୍ସାହିତ କରିଛି। ଏହି ଅଭୁଲା କ୍ଷଣ ପାଇଁ ଧନ୍ୟବାଦ ସାର୍।“
ସଚିନ ତେନ୍ଦୁଲକର ଜବାବରେ ଲେଖିଛନ୍ତି , ମନୁ ଆପଣ ଓ ଆପଣଙ୍କ ପରିବାରକୁ ସାକ୍ଷାତ କରିବା ମୋ ପାଇଁ ଖୁବ୍ ସ୍ୱତନ୍ତ୍ର। ଆପଣଙ୍କର ସଫଳତାର କାହାଣୀକୁ ଦେଖି ଅନେକ ଝିଅ ପ୍ରେରଣା ପାଉଛନ୍ତି , ଏମିତି ଆଗକୁ ବଢି ଚାଲ ଏବଂ ନୂଆ ବେଞ୍ଚମାର୍କ ସେଟ୍ କର। ଇଣ୍ଡିଆ ଆପଣଙ୍କ ପାଇଁ ଚିୟର କରୁଛି।
Meeting you and your family was truly special, Manu.
— Sachin Tendulkar (@sachin_rt) August 30, 2024
Your success story is now a source of inspiration for young girls everywhere to dream big and achieve their targets. Keep striving for excellence and setting new benchmarks—India is cheering for you! https://t.co/BL5GJ0GEZF
ସୂଚନା ଯେ , ମନୁ ଭାକର ପ୍ୟାରିସ୍ ଅଲିମ୍ପିକ୍ ଗେମ୍ସରେ ଭାରତ ପକ୍ଷରୁ ଦୁଇଟି ପଦକ ଜିତିଛନ୍ତି, ଯେଉଁଥିରୁ ଗୋଟିଏ ପଦକ ସେ ଇଣ୍ଡିଭିଜୁଆଲ ଇଭେଣ୍ଟରେ , ଆଉ ଗୋଟେ ପଦକ ମକ୍ସଡ୍ ଟିମ୍ ଇଭେଣ୍ଟରେ ଜିତିଛନ୍ତି। ମନୁ ଭାକର କିଛି ଦିନ ପୂର୍ବେ ସଚିନ ତେନ୍ଦୁଲକରଙ୍କୁ ଭେଟିବାର ଇଚ୍ଛା ପ୍ରକାଶ କରି ଥିଲେ। ମନୁ ଭାକର ବର୍ତ୍ତମାନ ୩ ମାସର ବ୍ରେକ୍ରେ ରହିଛନ୍ତି ଏବଂ ଏହାପରେ ସେ ସୁଟିଂକୁ ଫେରିବେ। ଗୋଟିଏ ହିଁ ଅଲିମ୍ପିକ୍ ଗେମ୍ସରେ ଦୁଇ ପଦକ ଜିତି ଥିବା ମନୁ ଭାକର ହେଉଛନ୍ତି ପ୍ରଥମ ଭାରତୀୟ ଆଥଲେଟ୍। ତାଙ୍କ ପୂର୍ବରୁ ଏହି କାରନାମା ଆଉ କେହି କରି ପାରି ନାହାନ୍ତି।
