ମୁମ୍ବାଇ,,୧୧/୬:ଖୁବ୍‌ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉୃଛନ୍ତି ଅଭିନେତ୍ରୀ ସୋନାକ୍ଷୀ ସିହ୍ନା। ନିଜର ଲଙ୍ଗ-ଟାଇମ୍‌ ବୟଫ୍ରେଣ୍ଡ ଜାହିର ଇକବାଲଙ୍କ ସହ କରିବେ ବିବାହ। ଚଳିତ ମାସ ପଡ଼ିବ ଉଭୟଙ୍କ ହାତ ଗଣ୍ଠି। ତେବେ ଏହି ଖବର ଏକ ରିପୋର୍ଟରୁ ପ୍ରକାଶ ପାଇଥିବା ବେଳେ ଏନେଇ ଉଭୟ କିନ୍ତୁ କୌଣସି ଅଫିସିଆଲ ଷ୍ଟେଟମେଣ୍ଟ ଦେଇ ନାହାନ୍ତି।

ତେବେ ବଲିଉଡର ଏହି ହାଇ ପ୍ରୋଫଇଲ ବିବାହ ମୁମ୍ବାଇରେ ଅନୁଷ୍ଠିତ ହେବ । ଏଥିନିମନ୍ତେ ମେନ୍ୟୁ ଫାଇନାଲ୍‌ ହୋଇ ସାରିଥିବା ଜଣାଯାଇଛି। ରିପୋର୍ଟ ଅନୁଯାୟୀ, ବିବାହ କାର୍ଡ ଏକ ମାଗାଜିନ କଭର ପରି ଡିଜାଇନ ହୋଇଛି ଓ ଏହାର ଉପରେ ଲେଖାଯାଇଛି ‘ଗୁଜବ ସତ ଅଟେ’। ୟ ମୁମ୍ବାଇରେ ହିଁ ପରିବାର ଲୋକଙ୍କ ଉପସ୍ଥିତିରେ ବିବାହ କରିବେ। ଏଥିସହ ବଲିଉଡର କିଛି  କଳାକାର ଓ ‘ହୀରାମଣ୍ଡି’ର ସମ୍ପୂର୍ଣ୍ଣ ଷ୍ଟାର କାଷ୍ଟ ଉପସ୍ଥିତ ରହିବେ ବୋଲି ଜଣାଯାଇଛି। ସୋନାକ୍ଷୀ- ଜାହିରଙ୍କ ବିବାହରେ ଅତିଥିମାନେ ଫର୍ମାଲ ପୋଷାକ ପିନ୍ଧି ଆସିବାକୁ କୁହାଯାଇଛି। ପ୍ରକାଶ ଥାଉକି, ସୋନାକ୍ଷୀ ଓ ଜାହିର ଇକବାଲ ନିଜ ସମ୍ପର୍କକୁ ନେଇ ମୁହଁ ଖୋଲୁ ନ ଥିବା ବେଳେ ଉଭୟ କିନ୍ତୁ ବହୁ ସମୟରେ ଏକାଠି ସ୍ପଟ୍‌ ହୋଇଥାନ୍ତି।