ଲଣ୍ଡନ, ୭/୨ : ଭାରତରେ ଅଟୋ, ଟ୍ରେନ, ବସ୍ ଏବଂ ମେଟ୍ରୋରେ ଚୋରୀ କିମ୍ବା ପକେଟ ମରାର ଘଟଣା ହୋଇଥାଏ । ଏଭଳି ସ୍ଥଳେ ଲୋକେ ଭିଡ଼ରେ ଯାତ୍ରା କରିବା ସମୟରେ ନିଜ ଜିନିଷକୁ ନେଇ ସାବଧାନ ବି ରହିଥାନ୍ତି, କିନ୍ତୁ ଜଣେ ଭାରତୀୟ ଚିଫ୍ ଏକଜିକ୍ୟୁଟିଭ ଅଫିସର(ସିଇଓ)ଙ୍କ ବିଲକୁଲ୍ ଜଣା ନ ଥିଲା କି ଲଣ୍ଡନର ସବୁଠାରୁ ଲୋକପ୍ରିୟ ଅଞ୍ଚଳ ମେଫେୟାରରେ ତାଙ୍କର ଏକ ଦାମୀ ଜିନିଷ ଚୋରୀ ହୋଇପାରେ । ନିଜ ଅନୁଭବ ସେୟାର କରି ଭାରତୀୟ ବ୍ୟବସାୟୀ କହିଛନ୍ତି କି, ଆପଣ ଦିଲ୍ଲୀରେ କେଉଁଠି ବି ବୁଲି ପାରନ୍ତି । ଆପଣଙ୍କ ସହ ଧୋକ୍କା ହେବ ନାହିଁ । କିନ୍ତୁ ଲଣ୍ଡନରେ ଏଭଳି ଏଭଳି ନୁହେଁ । 

ସନଦେବ ରିନେଓ୍ବାବଲେଶର ଫାଉଣ୍ଡର ଡେବିନ ନାରଙ୍ଗ ନୂଆ ଦିଲ୍ଲୀ ଏବଂ ଲଣ୍ଡନ ମଧ୍ୟରେ ହେଉଥିବା ଦ୍ବିପାକ୍ଷୀକ ବ୍ୟାପାର ବୁଝାମଣାର ମିଟିଂ ଲାଗି ୟୁକେର ଶ୍ୟାଡୋ ଫାରିନ ସେକ୍ରେଟାରୀ ଡେଭିଡ଼ ଲ୍ୟାମି ଦିଲ୍ଲୀ ଆସିଥିଲେ । ଡେଭିନ ନାରଙ୍ଗ ଏହି ସମୟରେ ମେଫେୟାରରେ ଚୋରି ହୋଇଥିବା ରୋଲେକ୍ସ ଘଣ୍ଟାର ଘଟଣା ଉଠାଇଥିଲେ । ଡେବିନ ନାରଙ୍ଗ କହିଥିଲେ କି, ଲଣ୍ଡନର ରାସ୍ତାରେ ଲୋକଙ୍କ ସହ ବହୁ ଧୋକ୍କା ହେଉଛି । ଭାରତର ବହୁ ସିଇଓ ଚୋରୀ କିମ୍ବା ଧୋକ୍କାର ଅନୁଭନ ସେୟାର କରିଛନ୍ତି । ସେ ପୋଲିସ ପକ୍ଷରୁ କୌଣସି ବି ସାହାଯ୍ୟ ନ ମିଳିବା ନେଇ ଅଭିଯୋଗ ବି କରିଛନ୍ତି । ଏହା ମଧ୍ୟରେ ପୋଲିସର ପ୍ରବକ୍ତା କହିଛନ୍ତି କି , ବିଭାଗ ଏଭଳି ଚୋରୀ ଏବଂ ଡକାୟତି ମାମଲାର ଯାଞ୍ଚ ଦ୍ରୁତ ବେଗରେ କରିଦେଇଛି । ଏକ୍ସପର୍ଟ ଟିମ୍ ତତ୍ପର ଭାବେ ବଡ଼ ଅପରାଧି ଏବଂ ଡକାୟତଙ୍କୁ ହଟସ୍ପଟର ନିଶାନା କରୁଛନ୍ତି ।