ନୂଆଦିଲ୍ଲୀ,୧୭।୯: ସୁପ୍ରିମକୋର୍ଟ ସାରା ଦେଶରେ ଡିମୋଲିସନ୍ ବା ବୁଲଡୋଜର ଆକ୍ସନକୁ ରୋକ ଲଗାଇଛନ୍ତି। ଏହି ରୋକ୍ ଅକ୍ଟୋବର ପର୍ଯ୍ୟନ୍ତ ଲଗାଯାଇଛି। କୋର୍ଟ କହିଛନ୍ତି ସାର୍ବଜନୀନ ଅଧିଗ୍ରହଣ ଉପରେ ହିଁ ଆକ୍ସନ ନିଆଯିବ। ବୁଲଡୋଜର ଆକ୍ସନ ଉପରେ କୋର୍ଟ ରାଜ୍ୟ ଗୁଡିକୁ ନିର୍ଦେଶ ଦେଇ କହିଛନ୍ତି, ବୁଲଡୋଜୋର ନ୍ୟାୟର ବନ୍ଦ ହେବା ଦରକାର। ଆଇନଗତ ପକ୍ରିୟା ଅନୁସାରେ, ଅଧିଗ୍ରହଣ ହଟାଯାଉ।
ସଲିସିଟର ଜେନେରାଲ କହିଥିଲେ, ବେଆଇନ ନିର୍ମାଣ ଗୁଡିକୁ ନୋଟିସ୍ ପରେ ବୁଲଡୋଜର ଆକ୍ସନ ନିଆଯାଉଛି। ଏନେଇ ଜଷଟିସ୍ ବିଆର ଗବଇ କହିଛନ୍ତି, ସଡକ, ଗଳି, ଫୁଟପାଥ କିମ୍ବା ସାର୍ବଜନୀକ ସ୍ଥାନରେ ହୋଇଥିବା ବେଆଇନ ନିର୍ମାଣକୁ ସମୁଚିତ ପକ୍ରିୟାରେ ଭାଙ୍ଗି ହେବ।
ଉଲ୍ଲେଖନୀୟ ଯେ, ଉତ୍ତର ପ୍ରଦେଶ ସହିତ ବହୁ ରାଜ୍ୟରେ ବୁଲଡୋଜର ଆକ୍ସନ ବିରୋଧରେ ଦାଖଲ ଜମିୟତ ଉଲେମା-ଇ-ହିନ୍ଦର ଆବେଦନ ଉପରେ ଶୁଣାଣି କରି କୋର୍ଟ ଏହି କଥା କହିଛନ୍ତି। ସୁପ୍ରିମକୋର୍ଟରେ ଜଷ୍ଟିସ୍ ବିଆର ଗବଇ ଓ ଜଷ୍ଟିସ୍ କେଭି ବିଶ୍ବନାଥନଙ୍କ ଖଣ୍ଡପୀଠ ନିକଟରେ ସଲିସିଟର ତୁଷାର ମେହେତା କହିଛନ୍ତି, ଡିମୋଲିସନ୍ କାର୍ଯ୍ୟାନୁଷ୍ଠାନ ଯେଉଁଠି ହୋଇଛି, ସେଠାରେ ଆଇନଗତ ପକ୍ରିୟାର ପାଳନ କରି ହୋଇଛି। କେବଳ ଏକ ସମ୍ପ୍ରଦାୟକୁ ଟାର୍ଗେଟ କରିବାର ଅଭିଯୋଗ ସମ୍ପୂର୍ଣ୍ଣ ଭୁଲ। ଏଭଳି ଏକ ପ୍ରକାର ଭୁଲ କଥାକୁ ଚାରିଆଡେ ପ୍ରଚାର କରାଯାଉଛି।
