ପ୍ରମୁଖ ଖବର
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଜିଲ୍ଲା ପ୍ରଶାସନର ପ୍ରତିଶ୍ରୁତି ପରେ କାହ୍ନୁଗୁଡ଼ା ଗ୍ରାମବାସୀଙ୍କ ଆନ୍ଦୋଳନ ସ୍ଥଗିତ

କାଶୀପୁର, ୨୭/୦୧: ଗାଁକୁ ରାସ୍ତା ଏବଂ ପୋଲ ନିର୍ମାଣ ଭଳି ମୌଳିକ ସୁବିଧାର ଦାବି କରି କାଶୀପୁର ବ୍ଲକ କାହ୍ନୁଗୁଡ଼ା ଗ୍ରାମବାସୀ ଶୁକ୍ରବାର ସନ୍ଧ୍ୟାରୁ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ । କିନ୍ତୁ, ପ୍ରଶାସନର ହସ୍ତକ୍ଷେପ ପରେ ଗ୍ରାମବାସୀମାନେ ଆନ୍ଦୋଳନକୁ ସ୍ଥଗିତ କରିଥିବା ଜଣାପଡ଼ିଛି । ଉପଜିଲ୍ଲାପାଳ, ପୁଲିସ ଏସଡିପିଓ କାଶୀପୁର ବିଡିଓ ମନୀଷା ଦାଶ ପ୍ରମୁଖ ଆନ୍ଦୋଳନରତ ଗ୍ରାମବାସୀଙ୍କୁ ବୁଝାସୁଝା କରିଥିଲେ । ସପ୍ତାହକ ମଧ୍ୟରେ ଆବଶ୍ୟକ ପଦକ୍ଷେପର ପ୍ରତିଶ୍ରୁତି ପରେ ଆନ୍ଦୋଳନ ସ୍ଥଗିତ କରିଥିବାର ଗ୍ରାମବାସୀମାନେ କହିଛନ୍ତି ।

ଶନିବାର ସକାଳେ କୋରାପୁଟ ସାଂସଦ ସପ୍ତଗିରି ଉଲ୍ଲକା କାଶୀପୁର ଗସ୍ତରେ ଆସିଥିବା ବେଳେ ଆନ୍ଦୋଳନରତ ଗ୍ରାମବାସୀଙ୍କ ସହିତ ସମସ୍ୟା ନେଇ ଆଲୋଚନା କରିଥିଲେ । ମୌଳିକ ସମସ୍ୟା ନେଇ ଗ୍ରାମବାସୀମାନେ ଆନ୍ଦୋଳନ ପାଇଁ ରାଜରାସ୍ତାକୁ ଓହ୍ଲାଇ ଥିବାବେଳେ ପ୍ରଶାସନ ତଥା ସରକାରଙ୍କ ନିରବତାକୁ ସାଂସଦ ସମାଲୋଚନା କରିଥିଲେ । ସରକାରଙ୍କ ଅପାରଗତା ନେଇ ଆଗାମୀ ଦିନରେ ପାର୍ଲାମେଣ୍ଟରେ ଉପସ୍ଥାପନ କରିବେ ବୋଲି କହିବା ସହ ଖୋଲା ଛାତ ତଳେ ଧାରଣା ଦେଇଥିବା ସତ୍ୟାଗ୍ରହୀମାନଙ୍କୁ ଟେଣ୍ଟ ଏବଂ ପିଇବା ପାଣିର ସୁବିଧା ଦେବା ପାଇଁ ଉପସ୍ଥିତ ଦଳୀୟ କାର୍ଯ୍ୟକର୍ତ୍ତାମାନଙ୍କୁ କହିଥିଲେ । ଏହାପରେ ପ୍ରଶାସନ ତତ୍ପରତା ପ୍ରକାଶ କରି ଆନ୍ଦୋଳନକାରୀଙ୍କ ସହିତ ଆଲୋଚନା କରିଥିଲେ ।

ସୂଚନା ଯୋଗ୍ୟ, କାହ୍ନୁଗୁଡ଼ା ଗ୍ରାମବାସୀଙ୍କ ବାରମ୍ବାର ଦାବି ଫଳରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ଗାଁ ପର୍ଯ୍ୟନ୍ତ ପକ୍କା ରାସ୍ତା ଏବଂ ପୋଲ ନିର୍ମାଣରେ ଅନୁଦାନ ମଞ୍ଜୁର କରାଯାଇଛି । ପୋଲ ନିର୍ମାଣ ପାଇଁ ୫କୋଟି ୫୧ ଲକ୍ଷ ୨୮ ହଜାର ଟଙ୍କା ବ୍ୟୟ ଅଟକଳ କରାଯାଇଛି । କିନ୍ତୁ, କୌଣସି କାରଣରୁ ଟେଣ୍ଡର ପ୍ରକ୍ରିୟାରେ ବିଳମ୍ବ କରାଯାଇଛି । ସେହିପରି ଗୋରଖପୁର ପଞ୍ଚାୟତର ତଳଢେସ୍କା ଆରଡ଼ି ରାସ୍ତାଠାରୁ କାମ ଆରମ୍ଭ କରିବା ପରିବର୍ତ୍ତେ ହାଡ଼ିଗୁଡ଼ା ପଞ୍ଚାୟତର ଜାପୁଗୁଡ଼ାଠାରୁ ରାସ୍ତା କାମ ଆରମ୍ଭ କରାଯାଇଥିବାର ଗ୍ରାମବାସୀମାନେ ଅଭିଯୋଗ କରିଛନ୍ତି । ବିଭିନ୍ନ କାମ ପାଇଁ ଗ୍ରାମବାସୀ ଗୋରଖପୁର ପଞ୍ଚାୟତ ସଦରକୁ ଯାତାୟାତ କରୁଥିବାରୁ ତୁରନ୍ତ ତଳଢେସ୍କାଠାରୁ କାହ୍ନୁଗୁଡ଼ାକୁ ପକ୍କା ରାସ୍ତା ଏବଂ ନଦୀରେ ନିର୍ମାଣ ପାଇଁ ଲୋକଙ୍କ ଦାବି ହେଉଛି  । ରାସ୍ତା ଏବଂ ପୋଲନିର୍ମାଣରେ ଆରଡ଼ି ବିଭାଗର ଅବହେଳାକୁ ଗ୍ରାମବାସୀମାନେ ଦାୟୀ କରିଛନ୍ତି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.