ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ଜି. ଉଦୟଗିରିରେ ହେବ ବିଗ୍ ଫାଇଟ୍, ବିଜେଡି-କଂଗ୍ରେସ ମଧ୍ୟରେ ହେବ କଡ଼ା ଟକ୍କର

ଦାରିଙ୍ଗବାଡି, ୦୩/୦୪ : ଜି. ଉଦୟଗିରି ନିର୍ବାଚନ ମଣ୍ଡଳୀରେ ବିଧାୟକ ପ୍ରାର୍ଥୀ ନିମନ୍ତେ ବିଜେପି, ବିଜେଡ଼ି ଓ କଂଗ୍ରେସ ଦଳ ପକ୍ଷରୁ ପ୍ରାର୍ଥୀ ଘୋଷଣା ସରିଲା। ବିଜେଡ଼ିରୁ ସାଲୁଗା ପ୍ରଧାନ ପ୍ରାର୍ଥୀ ହୋଇଥିବା ବେଳେ ବିଜେପିରୁ ମାନଗୋବିନ୍ଦ ପ୍ରଧାନ ଓ କଂଗ୍ରେସର ପ୍ରଫୁଲ ଚନ୍ଦ୍ର ପ୍ରଧାନ ପ୍ରାର୍ଥୀ ହୋଇଛନ୍ତି । ୨୦୧୯ ନିର୍ବାଚନରେ ସାଲୁଗା ପ୍ରଧାନ ୧୧ ହଜାରରୁ ଉର୍ଦ୍ଧ୍ଵ ଭୋଟରେ କଂଗ୍ରେସ ପ୍ରାର୍ଥୀ ଶ୍ୟାମଘନ ପ୍ରଧାନଙ୍କ ଠାରୁ ବିଜୟ ହୋଇଥିଲେ । ଏହା ପୂର୍ବରୁ ବିଜେଡ଼ି ଏକାକୀ କେବେ ମଧ୍ୟ ଉକ୍ତ ନିର୍ବାଚନ ମଣ୍ଡଳୀରୁ ବିଜୟ ହାସଲ କରିନଥିଲା । ୨୦୧୯ ରେ ପ୍ରଥମ ଥର ପାଇଁ ବିଜେଡ଼ି ଏକାକୀ ଲଢ଼ି ବିଜୟ ହାସଲ କରିଥିଲା। ବିଜେପି ଓ ବିଜେଡି ମେଣ୍ଟ ସମୟରେ ୨୦୦୧ ମସିହାରେ ସାଲୁଗା ପ୍ରଧାନ ବିଜୟ ହୋଇଥିଲେ । ୨୦୧୯ ନିର୍ବାଚନରେ  ଟିକାବାଲି ବ୍ଲକରେ ବିଜେଡ଼ିର ଭୋଟ ହାର ବୃଦ୍ଧି ପାଇଥିବା ଯୋଗୁଁ ବିଜେଡି ପ୍ରାର୍ଥୀ ସାଲୁଗା ପ୍ରଧାନ ବିଜୟୀ ହୋଇଥିଲେ । ହେଲେ ଚଳିତ ନିର୍ବାଚନରେ ଟିକାବାଲି ଅଞ୍ଚଳର ପ୍ରଫୁଲ ଚନ୍ଦ୍ର ପ୍ରଧାନ କଂଗ୍ରେସରୁ ପ୍ରାର୍ଥୀ ହୋଇଥିବା ବେଳେ ଉଦୟଗିରି ଓ ଟିକାବାଲିରେ କଂଗ୍ରେସ ଭୋଟ ବୃଦ୍ଧି ପାଇବ ବୋଲି ଆଶା କରାଯାଉଛି। 

ଅନ୍ୟପଟେ ବିଜେପି ପ୍ରାର୍ଥୀ ମାନଗୋବିନ୍ଦ ପ୍ରଧାନ ୨୦୧୪ରେ ପ୍ରାର୍ଥୀ ହୋଇଥିବା ବେଳେ ୨୨ ପ୍ରତିଶତ ଭୋଟ ପାଇ ୩ ନମ୍ୱର ସ୍ଥାନରେ ରହି ପରାଜୟ ହୋଇଥିଲେ। ଦଳ ପୁଣି ଥରେ ମାନଗୋବିନ୍ଦ ପ୍ରଧାନଙ୍କୁ ବିଶ୍ୱାସକୁ ନେଇ ଚଳିତ ନିର୍ବାଚନରେ ପ୍ରାର୍ଥୀ କରିଛି । ହେଲେ ଜି. ଉଦୟଗିରି ନିର୍ବାଚନ ମଣ୍ଡଳୀରେ ପୂର୍ବ ଭଳି ଚଳିତ ଥର ମଧ୍ୟ ବିଜେଡ଼ି ଓ କଂଗ୍ରେସ ମଧ୍ୟରେ ହିଁ କଡା ଟକ୍କର ହେବ । ହେଲେ ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ତଥା ବିଧାୟକ ସାଲୁଗା ପ୍ରଧାନଙ୍କ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକୁ ନେଇ ବିଜେଡ଼ି ବିଜୟ ହେବାର ବହୁ ସମ୍ଭାବନା ରହିଥିବା ଦେଖିବାକୁ ମିଳିଛି । କଂଗ୍ରେସରେ ବହୁ ଆଶାୟୀ ରହିଥିଲେ । ହେଲେ ବିଧାୟକ ପ୍ରାର୍ଥୀ ଭାବେ ପ୍ରଫୁଲ୍ଲ ଚନ୍ଦ୍ର ପ୍ରଧାନଙ୍କୁ ଦଳ ଚୟନ କରିଥିବା ବେଳେ ଅନ୍ୟ ଆଶାୟୀମାନେ ନିରାଶ ହୋଇଛନ୍ତି । ୨୦୧୯ ନିର୍ବାଚନ ଭଳି ଆସନ୍ତୋଷ ଆଶାୟୀ ପ୍ରାର୍ଥୀ ଦଳ ବିରୋଧୀ କାର୍ଯ୍ୟ କରିବେ ନା ଏକାକୀ ହୋଇ ନିର୍ବାଚନ ଲଢ଼ିବେ ତାକୁ ନେଇ ଦେଖିବାକୁ ବାକି ରହିଲା।

  • prameyanews
  • PrameyaOdia
  • prameya
  • General Election 2024
  • Odisha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.