ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ଅନୁପମ ଖେରଙ୍କ ଅଫିସରୁ ଚୋରି, ମାମଲା ରୁଜୁ

ମୁମ୍ବାଇ,୨୧/୬:  ବଲିଉଡ ଅଭିନେତା ଅନୁପମ ଖେରଙ୍କ ଅଫିସରେ ଚୋରି । ବୁଧବାର ରାତିରେ ଚୋର ତାଲା ଭାଙ୍ଗି ବୁଲାଇଲେ କଳାକନା । ଚୋରମାନେ ଅଭିନେତାଙ୍କ କାର୍ଯ୍ୟାଳୟରୁ କିଛି ନଗଦ ଟଙ୍କା ଏବଂ ଚଳଚ୍ଚିତ୍ରର କିଛି ସାମଗ୍ରୀ ମଧ୍ୟ ଚୋରି କରିଛନ୍ତି । ଏହି ଚୋରି ମୁମ୍ୱାଇ ସ୍ଥିତ ଭେରା ଦେଶାଇ ରୋଡରେ ଥିବା ତାଙ୍କ କାର୍ଯ୍ୟାଳୟରେ ଘଟିଥିଲା । ତେଣୁ ଅଭିନେତା ଏହି ଘଟଣାକୁ ନେଇ ଏକ ମାମଲା ରୁଜୁ କରିଛନ୍ତି । ଏନେଇ ଅଭିନେତା ନିଜେ ଏକ ଭିଡିଓ ପୋଷ୍ଟ କରି ଏହି ସୂଚନା ଦେଇଛନ୍ତି । 

ଯେଉଁଥିରେ ସେ କହିଛନ୍ତି, "ଗତକାଲି ରାତିରେ ଭେରା ଦେଶାଇ ରୋଡରେ ଥିବା ଦୁଇଜଣ ଚୋର ଦୁଇଟି କବାଟ ଭାଙ୍ଗି ମୋ ଅଫିସରେ ପଶିଥିଲେ।  ସେ ଏକ ବାକ୍ସରେ ଥିବା ଏକ ଚଳଚ୍ଚିତ୍ରର ନେଗେଟିଭ୍ସ ଚୋରି କରି ନେଇଯାଇଛନ୍ତି । ଆମର ଅଫିସ ଏନେଇ ମାମଲା ରୁଜୁ କରିଛି । ଚୋରମାନେ ଖୁବ୍ ଶୀଘ୍ର ଧରାଯିବ ବୋଲି ପୋଲିସ ନିଶ୍ଚିତ କରିଛି । କାରଣ ଉଭୟ ସିସିଟିଭି କ୍ୟାମେରାରେ ଲଗେଜ୍ ନେଇ ଅଟୋରେ ବସିଥିବାର ନଜର ଆସିଛନ୍ତି  ।"

ପୋଲିସ ସୂତ୍ରନୁଯାୟୀ, ଅଭିନେତା ଅନୁପମ ଖେରଙ୍କ କାର୍ଯ୍ୟାଳୟରୁ ପ୍ରାୟ 4.15 ଲକ୍ଷ ଟଙ୍କା ଚୋରି ହୋଇଥିବା ଜଣାପଡିଛି । ଘଟଣା ନେଇ ଗୁରୁବାର ମୁମ୍ବାଇ ପୋଲିସ ଏକ ମାମଲା ପଞ୍ଜିକରଣ କରିଛି । ବୁଧବାର ରାତି ୯ଟାରେ ଖେରଙ୍କ କର୍ମଚାରୀମାନେ କାର୍ଯ୍ୟାଳୟ ବନ୍ଦ କରିଦେଇଥିଲେ ଏବଂ ଗୁରୁବାର ସକାଳେ ସେମାନେ ଅଫିସ୍ ଖୋଲିବାକୁ ଆସିଥିବା ବେଳେ ସେମାନେ ଏହି ଚୋରି ହୋଇଥିବା ଜାଣିବାକୁ ପାଇଥିଲେ ।


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.