ନୂଆଦିଲ୍ଲୀ ୦୬/୦୪: ଚୀନ୍ର ଜଣେ କଲେଜ ଛାତ୍ରଙ୍କ କାହାଣୀ ଆଜିକାଲି ଖୁବ୍ ଚର୍ଚ୍ଚାରେ । ସ୍ଥାନୀୟ ଖବରସଂସ୍ଥା ଅନୁସାରେ, ଲିୟୁ ନାମକ ଏହି ଯୁବକଙ୍କ ସମସ୍ୟା ହେଉଛି ତାଙ୍କୁ ଲାଗୁଛି ଯେ ତାଙ୍କ ଆଖପାଖର ସବୁ ଝିଅ ତାଙ୍କ ପ୍ରେମରେ ପୂରାପୂରି ପାଗଳ । କୌଣସି ଝିଅ ତାଙ୍କୁ ଯେତେ ଖରାପ ବ୍ୟବହାର ପ୍ରଦର୍ଶନ କଲେ ବି ସେ ପ୍ରେମ କରୁଛନ୍ତି ବୋଲି ଲିୟୁ ଭାବୁଛନ୍ତି ।
ଚଳିତ ମାସ ଫେବ୍ରୁଆରୀରେ ଲିୟୁ ଏଭଳି ଅନୁଭବ କଲେ । ତେବେ ଏହାର ପ୍ରଭାବ ତାଙ୍କ ପଢ଼ା ଉପରେ ପଡ଼ିବାକୁ ଅବସ୍ଥା ଆହୁରି ବିଗିଡ଼ିବାକୁ ଲାଗିଲା । ସେ ରାତିଦିନ ଏ ବିଷୟରେ ଚିନ୍ତା କରିବାକୁ ଲାଗିଲେ । ତେବେ ଲିୟୁ ଏଭଳି ଭ୍ରମର ଶିକାର କାହିଁକି ହୋଇଛନ୍ତି ବୋଲି ଏବେ ପ୍ରଶ୍ନ ଉଠୁଛି । ଜାଣି ଆଶ୍ଚର୍ଯ୍ୟ ହେବେ, ଡାକ୍ତର ତାଙ୍କ ମସ୍ତିଷ୍କରେ ଏକ ସ୍ୱତନ୍ତ୍ର ପ୍ରକାର ବିକାର ଚିହ୍ନଟ କରିଛନ୍ତି । ଏହାକୁ ଡିଲ୍ୟୁଜନାଲ ଲଭ୍ ଡିଜଡର୍ କୁହାଯାଏ । ଏହି ସ୍ଥିତିରେ ବ୍ୟକ୍ତି ଭାବନ୍ତି, ଅନ୍ୟମାନେ ତାଙ୍କ ପ୍ରେମରେ ପାଗଳ । ଡିଲ୍ୟୁଜନାଲ ଡିଜର୍ଡର ଏକ ମାନସିକ ସ୍ୱାସ୍ଥ୍ୟ ସ୍ଥିତି । ଏଥିରେ ବ୍ୟକ୍ତି ବାସ୍ତବତାକୁ କଳ୍ପନାଠୁ ଅଲଗା କରିବାକୁ ସଂଘର୍ଷ କରନ୍ତି । ଉତ୍ପୀଡ଼ନ, ଈର୍ଷାଭାବ ଭଳି ବିଭିନ୍ନ ରୂପରେ ଏହା ସାମ୍ନାକୁ ଆସେ । ଇରୋଟୋମାନିକ୍ ଡିଲ୍ୟୁଜନ୍ ଏହାର ଏକ ଖାସ୍ ପ୍ରକାର । ଏଥିରେ ବ୍ୟକ୍ତିକୁ ଲାଗେ ଯେ ତାଙ୍କ ପ୍ରତି ଅନ୍ୟ ବ୍ୟକ୍ତିଙ୍କ ମନରେ ରୋମାଣ୍ଟିକ୍ ଭାବନା ରହିଛି । ଧ୍ୟାନ ନ ଦେଲେ, ଏହି ବିକାର ଦୈନନ୍ଦିନ ଜୀବନକୁ ଖୁବ୍ ପ୍ରଭାବିତ କରିପାରେ ।
ଇରୋଟୋମାନିକ୍ର ମୁଖ୍ୟ ଲକ୍ଷଣ ହେଉଛି ବ୍ୟକ୍ତିଙ୍କ ମନରେ ଦୃଢ଼ ବିଶ୍ୱାସ ଜନ୍ମିବାକୁ ଲାଗେ ଯେ ଅନ୍ୟ ଜଣେ ତାଙ୍କୁ ଗୋପନରେ ଖୁବ୍ ଭଲପାଉଛନ୍ତି । ସାଧାରଣତଃ ବସନ୍ତ ଋତୁରେ ଏହି ସ୍ଥିତି ରୋଗୀଙ୍କଠାରେ ଦେଖିବାକୁ ମିଳେ । ଏଥିରେ ନିଦ୍ରାଭାବ ଓ ଯୌନ ନିଶା ମଧ୍ୟ ସାମିଲ । ଅନେକ ମାମଲାରେ ବ୍ୟକ୍ତି ଆକ୍ରାମକ ହୋଇ ଲୋକଙ୍କ ଉପରେ ଆକ୍ରମଣ ବି କରିପାରନ୍ତି ।