ନୂଆଦିଲ୍ଲୀ: ଉତ୍ତରପ୍ରଦେଶର ମଦ୍ରାସା ଆଇନକୁ ଅସାମ୍ବିଧାନିକ ଘୋଷଣା କରିବା ପରେ ଆହ୍ଲାବାଦ ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ସୁପ୍ରିମକୋର୍ଟରେ ଏକ ଆବେଦନ କରାଯାଇଛି । ମାର୍ଚ୍ଚ ୨୨ରେ ହାଇକୋର୍ଟର ଲକ୍ଷ୍ନୌ ବେଞ୍ଚ ନିର୍ଦ୍ଦେଶ ଦେଇଥିଲେ ଯେ,  ସମସ୍ତ ମଦ୍ରାସା ଛାତ୍ରଛାତ୍ରୀଙ୍କୁ ରାଜ୍ୟ ସରକାରୀ ସାଧାରଣ ବିଦ୍ୟାଳୟରେ ଭର୍ତ୍ତି କରାଯାଉ ।

ଅଞ୍ଜୁମ କାଦ୍ରି ନାମକ ଜଣେ ବ୍ୟକ୍ତି ଏହା ବିରୋଧରେ ସୁପ୍ରିମକୋର୍ଟରେ ଆବେଦନ କରିଛନ୍ତି । ଖୁବ୍ ଶୀଘ୍ର ଅଲ ଇଣ୍ଡିଆ ମୁସଲିମ ପର୍ସନାଲ ଲ ବୋର୍ଡ ସମେତ ଅନ୍ୟ ଦଳ ମଧ୍ୟ ସୁପ୍ରିମକୋର୍ଟରେ ପହଞ୍ଚିପାରନ୍ତି।

ଅଞ୍ଜୁମ କାଦ୍ରି ଏବଂ ଅନ୍ୟମାନେ ଦାଖଲ କରିଥିବା ଆବେଦନରେ ହାଇକୋର୍ଟଙ୍କ ନିଷ୍ପତ୍ତି ଉପରେ ତୁରନ୍ତ ରହିତାଦେଶ ଲଗାଇବାକୁ ଦାବି କରାଯାଇଛି । ଏହା ମଧ୍ୟ କୁହାଯାଇଛି ଯେ, ଏହି ଆଦେଶ ମଦ୍ରାସାରେ ପଢୁଥିବା ଲକ୍ଷ ଲକ୍ଷ ଛାତ୍ରଙ୍କ ଭବିଷ୍ୟତକୁ ନଷ୍ଟ କରିବ।

ସୂଚନାଥାଉକି, ମାର୍ଚ୍ଚ ୨୨, ୨୦୨୩ ତାରିଖ ଦିନ ହାଇକୋର୍ଟ କହିଛନ୍ତି ଯେ ଧର୍ମନିରପେକ୍ଷ ରାଷ୍ଟ୍ରର ଧାର୍ମିକ ଶିକ୍ଷା ପାଇଁ ବୋର୍ଡ ଗଠନ କିମ୍ବା ଏହା ସହିତ ଜଡିତ ଏକ ନିର୍ଦ୍ଦିଷ୍ଟ ଧର୍ମ ଏବଂ ବିଦ୍ୟାଳୟ ଶିକ୍ଷା ପାଇଁ ଏକ ବୋର୍ଡ ଗଠନ କରିବାର କ୍ଷମତା ନାହିଁ ।