ନୂଆଦିଲ୍ଲୀ: ଲୋକସଭା ନିର୍ବାଚନ ପାଇଁ ସମାଜବାଦୀ ପାର୍ଟି ଏହାର ପ୍ରଥମ ପ୍ରାର୍ଥୀ ତାଲିକା ପ୍ରକାଶ କରିଛି । ଏହି ତାଲିକାରେ ଦଳ ୧୬ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି । ସପା ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଯାଦବଙ୍କୁ ମୈନପୁରୀରୁ ମୈଦାନକୁ ଓହ୍ଲାଇଛି । ଏହା ବ୍ୟତୀତ ଦଳ ସମ୍ୱଲରୁ ଶାଫିକୁର ରହମାନ ବର୍କଙ୍କୁ ଟିକେଟ ଦେଇଛି। ସମାଜବାଦୀ ପାର୍ଟି ରାଜଧାନୀ ଲକ୍ଷ୍ନୌରୁ ରବିଦାସ ମେହରୋତ୍ରାଙ୍କୁ ପ୍ରାର୍ଥୀ କରିଛି । ଏହି ପ୍ରାର୍ଥୀ ତାଲିକାରେ ଡିମ୍ପଲ୍ ଯାଦବଙ୍କ ସମେତ ଅଖିଳେଶ ଯାଦବଙ୍କ ପରିବାରର ତିନିଜଣ ଲୋକ ଅନ୍ତର୍ଭୁକ୍ତ ହୋଇଛନ୍ତି । ଧର୍ମେନ୍ଦ୍ର ଯାଦବ ଏବଂ ଅକ୍ଷୟ ଯାଦବଙ୍କ ନାମ ମଧ୍ୟ ଏଥିରେ ସାମିଲ ରହିଛି ।
ସମାଜବାଦୀ ପାର୍ଟି ସମ୍ୱଲରୁ ଶାଫିକର ରହମାନ ବର୍କ, ଫିରୋଜାବାଦରୁ ଅକ୍ଷୟ ଯାଦବ, ମୈନପୁରୀରୁ ଡିମ୍ପଲ ଯାଦବ, ଏଟାରୁ ଦେବେଶ ଯାଦବ, ବନ୍ଦାୟୁରୁ ଧର୍ମେନ୍ଦ୍ର ଯାଦବ, ଖୀରିରୁ ଉତ୍କର୍ଷ ବର୍ମା, ଧୌରହରାରୁ ଆନନ୍ଦ ଭଦୌରିଆ, ଉନ୍ନାବରୁ ଅନୁ ଟଣ୍ଡନ, ଲକ୍ଷ୍ନୌରୁ ରବିଦାସ ମେହରୋତ୍ରା, ଫାରୁଖାବାଦରୁ ଡ. ନଭଲ କିଶୋର ଶାକ୍ୟ, ଆକବରପୁରରୁ ରାଜାରାମ ପାଲ, ବାନ୍ଦାରୁ ଶିବଶଙ୍କର ସିଂ ପଟେଲ, ଫୈଜାବାଦରୁ ଅବଦେଶ ପ୍ରସାଦ, ଆମ୍ବେଦକର ନଗରରୁ ଲାଲଜୀ ଭର୍ମା, ବସ୍ତିରୁ ରାମପ୍ରସାଦ ଚୌଧୁରୀ, ଗୋରଖପୁରରୁ କାଜଲ ନିଷାଦଙ୍କୁ ଟିକେଟ୍ ଦିଆଯାଇଛି ।
— Samajwadi Party (@samajwadiparty) January 30, 2024
ଯଦି ଆମେ ଏଠାରେ ପୂର୍ବ ନିର୍ବାଚନ ଫଳାଫଳକୁ ଦେଖିବା, ତେବେ ଉତ୍ତରପ୍ରଦେଶରେ ଲୋକସଭା ନିର୍ବାଚନରେ ବିଜେପି ବମ୍ପର ଆସନ ଜିତିଥିଲା । ଗତ ନିର୍ବାଚନରେ ବିଜେପି ୮୦ ଟି ଲୋକସଭା ଆସନ ମଧ୍ୟରୁ ୬୨ ଟି ଜିତିଥିଲା। ସମାଜବାଦି ପାର୍ଟିକୁ ମାତ୍ର ପାଞ୍ଚଟି ସିଟ୍ ମିଳିଥିଲା । ଏହା ବ୍ୟତୀତ ବିଏସପି ୧୦ ଟି ସିଟ୍ ଜିତିଛି। କଂଗ୍ରେସ କେବଳ ଗୋଟିଏ ଆସନ ପାଇଥିବା ବେଳେ ଅପନା ଦଳ ଦୁଇଟି ଆସନ ଜିତିଥିଲା ।