ନୂଆଦିଲ୍ଲୀ : ତାଇୱାନ ସାଗରରେ ଚୀନ୍ ଲଗାତାର ଅନେକ ହରକତ ଚଳେଇଛି। ସମୁଦ୍ରରେ ମିଲିଟାରୀ ଡ୍ରିଲ୍ କରୁଛି। ସାମରିକ ଜାହାଜ ଓ ବ୍ୟବସାୟିକ ଡଙ୍ଗାକୁ ରୋକୁଛି। ଏହାସହ ଏହା ବି ଶୁଣିବାକୁ ମିଳୁଛି କି, ଚୀନ ତାଇୱାନ ଉପରେ ହମଲାର ପ୍ରସ୍ତୁତିରେ ଲାଗି ପଡ଼ିଛି। ଏମିତି ସ୍ଥିତିରେ ଆମେରିକୀୟ ନୌସେନାର ସ୍ପେଶାଲ କମାଣ୍ଡୋ ୟୁନିଟ୍ ଅର୍ଥାତ୍ ନେଭି ସିଲ୍ ଟିମ୍ -୬ ତାଇୱାନୀ ସେନାର ସ୍ପେଶାଲ ଫୋର୍ସକୁ ଟ୍ରେନିଂ ଦେଉଛି। ନେଭି ସିଲ୍ ଟିମ-୬ ସେହି କମାଣ୍ଡୋ ୟୁନିଟ୍ , ଯିଏକି ଓସାମା ବିନ୍ ଲାଡେନ୍କୁ ପାକିସ୍ତାନରେ ହିଁ ମାରି ଦେଇ ଥିଲେ।
କହି ରଖୁଛୁ କି , ଆମେରିକୀୟ ନେଭି ସିଲ୍ ଟିମ୍-୬ର ଟ୍ରେନିଂ ଖୁବ୍ କଠିନ ହୋଇଥାଏ। ତାଇୱାନର ଯବାନଙ୍କୁ ଏହାର ଟ୍ରେନିଂ ମିଳିବା ଦ୍ୱାରା ସ୍ଥାନୀୟ ସନ୍ତୁଳନ ରଖା କରିବା ଦିଗରେ ସାହାଯ୍ୟ ହେବ। ସିଲ୍ ଟିମ୍ ଏହି ସମୟରେ ତାଇୱାନକୁ ଭିଜିଟ୍, ବୋର୍ଡ , ସର୍ଚ୍ଚ ଆଣ୍ଡ ସିଜର ଟ୍ରେନିଂ ଦେଉଛନ୍ତି। ଏହା ଏକ ସ୍ୱତନ୍ତ୍ର ପ୍ରକାରର ନୌସୈନିକ ଟ୍ରେନିଂ , ଯେଉଁଥିରେ ତାଇୱାନୀ ସୈନିକ ଶତ୍ରୁକୁ ଖୋଜିବା, ତାକୁ ଘେରିବା ଓ ମାରିବା ଶିଖୁଛନ୍ତି । SEALs ବାସ୍ତବରେ Sea , Air ଓ Land ଟିମ୍ର ସର୍ଟ ଫର୍ମ। ଏହାକୁ ବିଶ୍ୱର ସବୁଠୁ ବିପଜ୍ଜନକ କମାଣ୍ଡୋ ଫୋର୍ସରେ ଗଣାଯାଏ । 
ଦୁନିଆର ସବୁଠୁ ଏଲିଟ୍ ସ୍ପେଶାଲ ଫୋର୍ସେସ ମଧ୍ୟରେ ଗୋଟିଏ ନେଭି ସିଲ୍ ଟିମ୍-୬ ତାଇୱାନୀ ସୈନିକଙ୍କୁ ଅଣ-ପାରମ୍ପରିକ ଯୁଦ୍ଧର ତରିକା ଶିଖାଉଛନ୍ତି। ଏହାସହ ଡାଇରେକ୍ଟ ଆକ୍ସନ ମିଶନରେ କେମିତି ଯିବାକୁ ହେବ ଏହା ମଧ୍ୟ କହୁଛନ୍ତି। ଏହା ବ୍ୟତୀତ କଠିନ ଶାରୀରିକ ଓ ମାନସିକ ଟ୍ରେନିଂ ଚାଲୁଛି। ନେଭି ସିଲ୍ ଟିମ୍-୬ର ଅପରେସନ୍ସର ସୂଚନା ଲିକ୍ ହୁଏ ନାହିଁ । ଏମାନେ ଚୁପଚାପ୍ ନିଜ କାମ କରନ୍ତି , ଆଉ ବାହାରି ଯାଆନ୍ତି । ଯେମିତି ଓସାମା ବିନ ଲାଡେନକୁ ମାରିବା ବେଳେ କରିଥିଲେ।
ସିଲ୍ ଟିମକୁ ତାଇୱାନରେ ମୁତୟନ କରି ଆମେରିକା ଏହା କହିବାକୁ ଚାହୁଁଛି କି , ସେ ନିଜର ମିତ୍ର ଦେଶର ସୁରକ୍ଷା ପାଇଁ ସଂପୂର୍ଣ୍ଣ ରୂପେ ତତ୍ପର ରହିଥାଏ। ଏହାସହ ଶତ୍ରୁକୁ ଦୂରେଇ ରହିବାକୁ ମେସେଜ ଦେଇଛି ଯେ ଏଠାରେ ଏକ ବଡ଼ ଲଢେଇ ପାଇଁ ଯୋଦ୍ଧାଙ୍କ ପ୍ରସ୍ତୁତି ଚାଲିଛି।
ସିଲ୍ ଟିମ୍ -୬ ବିଶ୍ୱର ସବୁଠୁ ବିପଜ୍ଜନକ ଓ ଗୁପ୍ତ ସୈନ୍ୟ ୟୁନିଟ୍ ମଧ୍ୟରେ ଗୋଟିଏ, ଯାହା ବିଶେଷ ଭାବେ ଆତଙ୍କବାଦ ବିରୋଧି ଓ କାଉଣ୍ଟର-ଟେରରିଜିମ୍ ଅପରେସନ୍ସ ପାଇଁ ପ୍ରସ୍ତୁତ କରାଯାଇଛି। ନେଭି ସିଲ୍ ଟିମ୍-୬କୁ ଅଫିସିଆଲି ଭାବେ ୟୁନାଇଟେଡ୍ ଷ୍ଟେଟ୍ସ ନେଭିର ସ୍ପେଶାଲ ୱାରଫେୟାର ଡେଭଲପମେଣ୍ଟ ଗ୍ରୁପ୍ ଭାବେ ଜଣାଯାଏ।
