ଭୁବନେଶ୍ୱର ୩୦/୦୪: ଆହୁରି ୧୦ ଦିନ ମିଳିବନି ନିସ୍ତାର ନାହିଁ । ଆଗାମୀ ୩ ଦିନ ଅତି ପ୍ରଚଣ୍ଡ  ଆଉ ୨/୩ ଡିଗ୍ରୀ ବଢ଼ିଯିବ ଦିନ ତାପମାତ୍ରା ।ଟାଇଁ ଟାଇଁ ଖରା। ସତେ ଯେପରି ଆକାଶରୁ ନିଆଁ ପିଣ୍ଡୁଳା। ଗୁଳୁଗୁଳି ସାଙ୍ଗକୁ କଲବଲ କରୁଛି ଅସହ୍ୟ ତାତି । ସକାଳୁ ସାଢ଼େ ୮ଟା ସୁଦ୍ଧା ତତଲା ସହର ପାଲଟିଲା ବାରିପଦା। ୩୮.୪ ଡିଗ୍ରୀ ଛୁଇଁଲା ପାରଦ। ସେହିଭଳି ୧୪ ସହର ତାପମାତ୍ରା ୩୪ ଡିଗ୍ରୀ ଉପରେ ରହିଥିବା ନେଇ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଜାରି କରିଛି।

 ମଙ୍ଗଳବାର ସକାଳ ୮ଟା ୩୦ ସୁଦ୍ଧା ରେକର୍ଡ ତାପମାତ୍ରା ଅନୁଯାୟୀ ବାରିପଦା ସବୁଠୁ ଉତ୍ତପ୍ତ ରହିଛି।  ବାରିପଦାରେ ୩୮.୪ ଡିଗ୍ରୀ, ତାଳଚେରରେ ୩୭.୮ ଡିଗ୍ରୀ, ବାଲେଶ୍ୱରରେ ୩୬.୬ ଡିଗ୍ରୀ, କେନ୍ଦୁଝରରେ ୩୬.୪ ଡିଗ୍ରୀ, କଟକରେ ୩୫.୮ ଡିଗ୍ରୀ, ରାଉରକେଲାରେ ୩୫ ଡିଗ୍ରୀ, ଭବାନୀପାଟଣାରେ ୩୪.୮ ଡିଗ୍ରୀ, ଭୁବନେଶ୍ୱରରେ ୩୪. ୬ ଡିଗ୍ରୀ, ଝାରସୁଗୁଡ଼ାରେ ୩୪.୬ ଡିଗ୍ରୀ, ହୀରାକୁଦରେ ୩୪.୪ ଡିଗ୍ରୀ, ଚାନ୍ଦବାଲିରେ ୩୪.୨ ଡିଗ୍ରୀ, ବଲାଙ୍ଗୀରରେ ୩୪ ଡିଗ୍ରୀ, କେନ୍ଦ୍ରାପଡ଼ାରେ ୩୪ ଡିଗ୍ରୀ, ଅନୁଗୁଳରେ ୩୪ ଡିଗ୍ରୀ ରେକର୍ଡ ହୋଇଛି ।