ନୂଆଦିଲ୍ଲୀ,୨୫/୫: ନିର୍ବାଚ ପୂର୍ବରୁ ପଶ୍ଚିମବଙ୍ଗରୁ ପୁଣି ଏକ ବଡ ଘଟଣା ସାମ୍ନାକୁ ଆସିଛି । ଏଠାରେ ଗତକାଲି ରାତିରେ ମିଦାନପୁର ଜିଲ୍ଲାର ମହିଷାଦାଲରେ ତୃଣମୂଳ କଂଗ୍ରେସ ନତାଙ୍କୁ ହତ୍ୟା କରାଯାଇଛି । ତେବେ ଭାରତୀୟ ଜନତା ପାର୍ଟି (ବିଜେପି) କର୍ମୀମାନେ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ମୃତ ନେତାଙ୍କ ନାମ ଶେଖ ମାଇବୁଲ ବୋଲି ଜଣାପଡିଛି । ସେ ଗ୍ରାମ ପଞ୍ଚାୟତର ପୂର୍ବତନ ସଦସ୍ୟ ଥିଲେ । 

ଅଭିଯୋଗ ଅନୁଯାୟୀ, ଶୁକ୍ରବାର ରାତି ପ୍ରାୟ ୧୧ ଟା ସମୟରେ ପାର୍ଟି କର୍ମୀଙ୍କୁ ଛାଡି ମାଇବୁଲ ବାଇକରେ ଘରକୁ ଫେରୁଥିଲେ । ତା’ପରେ ତାଙ୍କୁ ଆକ୍ରମଣ କରାଯାଇଥିଲା । ଆକ୍ରମଣକାରୀମାନେ ତାଙ୍କୁ ଅନେକ ଥର ତୀକ୍ଷ୍ନ ଅସ୍ତ୍ରରେ ଆକ୍ରମଣ କରିଥିଲେ । ତାଙ୍କ ମୃତ୍ୟୁ ପରେ ଅଭିଯୁକ୍ତ ତାଙ୍କ ମୃତଦେହକୁ ପୋଖରୀରେ ଫିଙ୍ଗି ଦେଇଥିଲା । ଏହି ଘଟଣାକୁ ନେଇ ସ୍ଥାନୀୟ ବାସିନ୍ଦା ଜାଣିବା ପରେ ତାଙ୍କୁ ଉଦ୍ଧାର କରି ଡାକ୍ତରଖାନାକୁ ନେଇଥିଲେ । ହେଲେ ଡାକ୍ତର ସେଠାରେ ମାଇବୁଲଙ୍କୁ ମୃତ ଘୋଷଣା କରିଥିଲେ । ତେବେ ପୋଲିସ ଏହି ଘଟଣାକୁ ନେଇ ଅଧିକ ତଦନ୍ତ ଜାରି ରଖିଛି ।