ନୂଆଦିଲ୍ଲୀ,୩୧।୧: ପୂର୍ବ ଲଦାଖର ପେଙ୍ଗୋଙ୍ଗ ହ୍ରଦର ଉତ୍ତରରେ ଭାରତୀୟ ମେଷ ପାଳକ ଓ ଚୀନ୍ ସୈନିକଙ୍କ ଭିତରେ ସଂଘର୍ଷ। ଏହା କାରଣ ହେଉଛି ଏଲଏସି ନିକଟକୁ ଚୀନ୍ ସୈନିକମାନ ଭାରତୀୟ ମେଷ ପାଳକଙ୍କୁ ଯିବାକୁ ମନା କରିଥିଲେ। ୨୦୨୦ ରେ ଗଲଓ୍ବାନ ଘାଟିରେ ହୋଇଥିବା ସଂଘର୍ଷ ପରେ ସ୍ଥାନୀୟ ମେଷ ପାଳକ ଏହି ଅଞ୍ଚଳରେ ନିଜର ପଶୁଙ୍କ ଚରାଇବା ବନ୍ଦ କରିଦେଇଥିଲେ। ହେଲେ ଏବେ ଯାଇଥିବା ସମୟରେ ତାଙ୍କୁ ଅଟକା ଯାଇଥିଲା। ତେବେ ଭାରତୀୟ ମେଷ ପାଳକ ଏହାକୁ ବିରୋଧ କରି କହିଲେ ଏହା ହେଉଛି ଆମ ଭାରତୀୟ ଅଞ୍ଚଳ।
ଯେତେବେଳେ ଭାରତୀୟ ମେଷ ପାଳକ ଡ୍ରାଗନ୍ ସେନା ସହ ହାତାହାତି ହେଉଥିଲେ, ସେତେବେଳେ ଭାରତୀୟ ସୈନିକ ସେଠାରେ ପହଁଞ୍ଚି ତାଙ୍କର ସାହାଯ୍ୟ କରିଥିଲା। ତେବେ ଦୁଇ ଦେଶର ସୈନିକଙ୍କ ଭିତରେ ହିଂସା ଘଟିଥିବାର ସୂଚନା ନାହି। ତେବେ ଭାରତୀୟ ମେଷ ପାଳକ ଚୀନ୍ ସୈନିକଙ୍କ ସହ ହାତାହାତି ହେବାର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଲୋକମାନେ ମେଷପାଳକଙ୍କ ସାହାକୁ ନେଇ ଖୁବ୍ ପ୍ରଶଂସା କରିଛନ୍ତି ।
It is heartening to see the positive impact made by @firefurycorps_IA
— Konchok Stanzin (@kstanzinladakh) January 30, 2024
in Border areas of Eastern Ladakh in facilitating the graziers & nomads to assert their rights in traditional grazing grounds along the north bank of Pangong.
I would like to thank #IndianArmy for such strong… pic.twitter.com/yNIBatPRKE
ଲଦାଖରେ ଭାରତୀୟ ମେଷପାଳକମାନଙ୍କୁ ଅଟକାଇବା ସମୟର ଭିଡିଓ ସେୟାର କରି କଂଗ୍ରେସ ଲେଖିଛି, 'ଚୀନ୍ ଏହାର ହୀନ କାର୍ଯ୍ୟକଳାପକୁ ବନ୍ଦ କରିପାରୁନି। ବର୍ତ୍ତମାନ ଲଦାଖରୁ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ଚାଇନାର ସୈନିକମାନେ ମେଷପାଳକଙ୍କୁ ଆମ ଦେଶରେ ପ୍ରବେଶ କରିବାକୁ ଅଟକାଉଛନ୍ତି। ଚାଇନାର ସୈନିକମାନେ ମଧ୍ୟ ମେଷପାଳକଙ୍କ ସହିତ ସଂଘର୍ଷ କରିଛନ୍ତି।’
It is heartening to see the positive impact made by @firefurycorps_IA
— Konchok Stanzin (@kstanzinladakh) January 30, 2024
in Border areas of Eastern Ladakh in facilitating the graziers & nomads to assert their rights in traditional grazing grounds along the north bank of Pangong.
I would like to thank #IndianArmy for such strong… pic.twitter.com/yNIBatPRKE
ଭିଡିଓ ଟୁଇଟ୍ କରି କଂଗ୍ରେସ ପ୍ରଶ୍ନ ପଚାରିଛି, ଚୀନ୍ କିପରି ସାହସ କରୁଛି? ସେମାନେ କିପରି ଆମ ଦେଶରେ ପାଦ ଦେବାକୁ ସାହସ କଲେ? ଏହା ସହିତ କଂଗ୍ରେସ ଦଳ କଡା ଶବ୍ଦରେ ଲେଖିଛି, 'ପ୍ରଧାନମନ୍ତ୍ରୀ ମୋଦି ଏଥର ମଧ୍ୟ ଚାଇନାକୁ ଏକ କ୍ଲିନ୍ ଚିଟ୍ ଦେଇ କହିବେ ନା କେହି ପ୍ରବେଶ କରିନାହାନ୍ତି। କଂଗ୍ରେସ ପକ୍ଷରୁ ଏହି ଘଟଣାକୁ ନିନ୍ଦା କରାଯିବା ସହ ସରକାରଙ୍କୁ ଦାବି କରାଯାଇଛି ଯେ, ଚୀନ୍ ସୈନିକଙ୍କ ଏଭଳି ଘୃଣ୍ୟ କାର୍ଯ୍ୟ ପାଇଁ ତାଙ୍କୁ କଡା ବାର୍ତ୍ତା ଦିଆଯାଉ।
