ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଗ୍ୟାସ ଚୁଲାରୁ ନିଆଁ ଲାଗି ମହିଳାଙ୍କ ମୃତ୍ୟୁ , ବଞ୍ଚାଇବାକୁ ଯାଇ ସ୍ୱାମୀ ଓ ପୁଅ ଆହତ

ଖଲ୍ଲିକୋଟ , ୨୯।୪ : ଗ୍ୟାସ ଚୁଲାରୁ  ନିଆଁ ଲାଗି  ଚିକିତ୍ସାଧିନ ଅବସ୍ଥାରେ ଜଣେ ମହିଳାଙ୍କ ମୃତ୍ୟୁ  ଘଟିଛି। ଅନ୍ୟପକ୍ଷରେ ମହିଳାଙ୍କୁ   ବଞ୍ଚେଇବାକୁ  ଯାଇ ତାଙ୍କ ସ୍ୱାମୀ ଓ ପୁଅ ଆହତ ହୋଇଥିବା ବେଳେ ଘରର ଏଭଳି ଘଟଣାରେ ମିୟମ୍ରାଣ ହୋଇ  ଶ୍ୱଶୁର ଆଖି ବୁଜିଛନ୍ତି। ପୁରୁଷୋତ୍ତମପୁର ଥାନା ସିକୁଳା ଗ୍ରାମରେ ଏପରି ଘଟଣା ଘଟିଛି।  ମୃତକ  ଜଣକ ହେଲେ ବ୍ରହ୍ମପୁର ଗ୍ରାମର ମିନତି ଲେଙ୍କା । 

 ମିଳିଥିବା ସୂଚନା ଅନୁଯାୟୀ, ଖଲ୍ଲିକୋଟ ଥାନା ଅନ୍ତର୍ଗତ ନୂତନ ବ୍ରହ୍ମପୁର ଗ୍ରାମର ମିନତି ଲେଙ୍କା ଗତ ୧୪ ବର୍ଷ ତଳେ ସିକୁଳା ଗ୍ରାମ ର ଯୋଗେନ୍ଦ୍ର ଲେଙ୍କା ଙ୍କୁ ବିବାହ କରିଥିଲେ। ଇତି ମଧ୍ୟରେ ତାଙ୍କର ଦୁଇଟି ପୁଅ ଅଛନ୍ତି। ଗତ ୧୫ ତାରିଖ ସନ୍ଧ୍ୟା ରେ ମିନତୀ ରୋଷେଇ କରିବା ପାଇଁ ଗ୍ୟାସ ଚୁଲା ରେ ଅଗ୍ନି ସଂଯୋଗ କରିବା ମାତ୍ରେ ନିଆଁ ହୁତୁହୁତୁ ହୋଇ ଜଳି ଉଠିଥିଲା। ମିନତୀ ଙ୍କ ଶାଢ଼ୀ ରେ ନିଆଁ ଲାଗି ଶରୀର ର ପ୍ରାୟ ୭୦ ଭାଗ ପୋଡି ଯାଇଥିଲା। ମିନତୀ ଙ୍କ ଚିତ୍କାର ଶୁଣି ପାଖ ରୁମ ରେ ଥିବା ସ୍ୱାମୀ ଯୋଗେନ୍ଦ୍ର ଲେଙ୍କା ଓ ୧୧ ବର୍ଷ ର ସାନ ପୁଅ କାହ୍ନା ଲେଙ୍କା ଦୌଡ଼ି ଆସି ବଂଚେଇବାକୁ ଚେଷ୍ଟା କରିବା ବେଳେ ସେମାନେ ମଧ୍ୟ ନିଆଁ ରେ ପୋଡି ହୋଇ ଆହତ ହୋଇଥିଲେ। ତୁରନ୍ତ ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ପ୍ରଥମେ କୋଦଳା ଓ ପରେ ବ୍ରହ୍ମପୁର ବଡ଼ ମେଡ଼ିକାଲ କୁ ନେଇ ଯାଇଥିଲେ । ସେଠାରେ ସ୍ୱାସ୍ଥ୍ୟବସ୍ଥା ଅଧିକ ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇ ଥିଲା । 

 ତେବେ ସେଠାରେ ଆଶା ଜନକ ଚିକିତ୍ସା ସୁବିଧା ନ ମିଳିବାରୁ ମିନତିଙ୍କ ବାପ ଘର ନୂତନ ବ୍ରହ୍ମପୁର କୁ ନେଇ ଆସିଥିଲେ । ଆଜି ସନ୍ଧ୍ୟା ରେ ମିନତିଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଚିକିତ୍ସା ପାଇଁ ଆଣିଥିଲେ । ତେବେ ଏଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ୍ୟୁ ଖବର ଶୁଣି ମେଡ଼ିକାଲ ପରିସର ରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିବା ଦେଖିବାକୁ ମିଳିଛି । ସେପଟେ ଘର ର ଏଭଳି ଅବସ୍ଥା ଦେଖି ମିନତୀ ଙ୍କ ଶ୍ୱଶୁର ବିଜୟ ଲେଙ୍କା (୭୦) ଚିନ୍ତା ରେ ଗତ ସୋମବାର ଆଖି ବୁଜିଛନ୍ତି।ମିନତୀ ଙ୍କ ମୃତ୍ୟୁ ସମ୍ପର୍କରେ ମେଡ଼ିକାଲ ପକ୍ଷରୁ ଖଲ୍ଲିକୋଟ ଥାନା ପୋଲିସକୁ ଖବର ଦିଆ ଯାଇଥିବା ସୂଚନା ମିଳିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.