ନୂଆଦିଲ୍ଲୀ,୨୭।୩: କ୍ରିକେଟ ଫ୍ୟାନ୍ଙ୍କ ପାଇଁ ଖୁସି ଖବର। ପୁଣିଥରେ ମୈଦାନରେ ଭାରତ ଓ ପାକିସ୍ତାନ ମଧ୍ୟରେ ଦେଖିବାକୁ ମିଳିବ ଟକ୍କର। ମହିଳା ଏସିଆ କପ୍ର ଜାରି ହୋଇଛି ସିଡ୍ୟୁଲ। ଶ୍ରୀଲଙ୍କାର ଡମ୍ବୁଲାରେ ଭାରତ ଓ ପାକିସ୍ତାନ ମହିଳା କ୍ରିକେଟ ଟିମ୍ ହେବେ ମୁହାଁମୁହିଁ। ଦୁଇ ଦେଶ ଭିତରେ ଏସିଆ କପ୍ ୨୦୨୪ ବେଳେ ବ୍ଲକବଷ୍ଟର ମୁକାବିଲା ହେବ। ଏସିଆନ୍ କ୍ରିକେଟ କାଉନସିଲ(ଏସିସି) ୨୬ ମାର୍ଚ୍ଚ(ମଙ୍ଗଳବାର) ଓ୍ବିମେନ୍ସ ଏସିଆ କପ୍ର ସିଡ୍ୟୁଲ ଜାରି କରି ଦେଇଛି।
ଓ୍ବିମେନ୍ସ ଏସିଆ କପ୍ ୨୦୨୪ରେ ଭାରତ-ପାକିସ୍ତାନ ଭିତରେ ମ୍ୟାଚ୍ ୨୧ ଜୁଲାଇରେ ହେବ। ଉଲ୍ଲେଖନୀୟ ଯେ, ଓ୍ବିମେନ୍ସ କପ୍ ୧୯ ରୁ ୨୮ ଜୁଲାଇ ପର୍ଯ୍ୟନ୍ତ ଶ୍ରୀଲଙ୍କାର ଡାମ୍ବୁଲାରେ ଆୟୋଜିତ ହେବାର ଅଛି। ଏହି ଟୁର୍ଣ୍ଣାମେଣ୍ଟରେ ମୋଟ ୮ଟି ଟିମ୍ ରହିବେ। ବର୍ତ୍ତମାନ ଚମ୍ପିଆନ ଭାରତକୁ ପାକିସ୍ତାନ, ନେପାଳ ଓ ୟୁଏଇ ସହିତ ଗ୍ରୁପ୍-ଏରେ ରଖାଯାଇଛି। ସେଭଳି ଦ୍ବିତୀୟ ଗ୍ରୁପ୍ରେ ବାଂଲାଦେଶ, ମାଲେସିଆ, ନେପାଳ ଓ ୟୁଏଇ ସହିତ ଗ୍ରୁପ୍-ଏ’ରେ ରଖାଯାଇଛି। ସେଭଳି ଦ୍ବିତୀୟ ଗ୍ରୁପ୍ରେ ବାଂଲାଦେଶ, ମାଲେସିଆ, ଶ୍ରୀଲଙ୍କା ଓ ଥାଇଲାଣ୍ଡ ରହିଛି। ଗତ ସଂସ୍କରଣରେ କେବଳ ୭ଟି ଟିମ୍ ଭାଗ ନେଇଥିଲେ।
ଓ୍ବିମେନ୍ସ ଏସିଆ କପ୍ରେ ଭାରତୀୟ ଟିମ୍ ନିଜର ପ୍ରଥମ ମ୍ୟାଚ୍ ୧୯ ଜୁଲାଇରେ ୟୁଏଇରେ ଖେଳିବ। ପରେ ପାକିସ୍ତାନ ସହ ମ୍ୟାଚ୍ ପରେ ତା’ର ଟକ୍କର ୨୩ ଜୁଲାଇରେ ନେପାଳ ସହ ହେବ। ପ୍ରତ୍ୟେକ ଗ୍ରୁପ୍ରୁ ଟପ୍- ଦୁଇ ଟିମ୍ ସେମିଫାଇନାଲ ପାଇଁ କ୍ବାଲିଫାଏ କରିବ। ସେମି ଫାଇନାଲ ମ୍ୟାଚ୍ ୨୬ ଜୁଲାଇ, ସେଭଳି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ ୨୮ ଜୁଲାଇରେ ଖେଳାଯିବ।
ଏସିଆ କପ୍ ୨୦୨୪ର ପୁରା ସିଡ୍ୟୁଲ
ଜୁଲାଇ ୧୯- ଭାରତ ବନାମ ୟୁଏଇ ଓ ପାକିସ୍ତାନ ବନାମ ନେପାଳ
ଜୁଲାଇ ୨୦- ମ୍ୟାଲେସିୟା ବନାମ ଥାଇଲ୍ୟାଣ୍ଡ ଓ ଶ୍ରୀଲଙ୍କା ବନାମ ବାଂଲାଦେଶ
ଜୁଲାଇ ୨୧ –ନେପାଳ ବନାମ ୟୁଏଇ ଓ ଭାରତ ବନାମ ପାକିସ୍ତାନ
ଜୁଲାଇ ୨୨- ଶ୍ରୀଲଙ୍କା ବନାମ ମ୍ୟାଲେସିୟା ଓ ବାଂଲାଦେଶ ବନାମ ଥାଇଲ୍ୟାଣ୍ଡ
ଜୁଲାଇ ୨୩ – ପାକିସ୍ତାନ ବନାମ ୟୁଏଇ ଓ ଭାରତ ବନାମ ନେପାଳ
ଜୁଲାଇ ୨୪ – ବାଂଲାଦେଶ ବନାମ ମ୍ୟାଲେସିୟା ଓ ଶ୍ରୀଲଙ୍କା ବନାମ ଥାଇଲ୍ୟାଣ୍ଡ
