ବାରଙ୍ଗ,୧୨/୦୮:  ଆଜି ବିଶ୍ୱ ହସ୍ତୀ ଦିବସ। ନନ୍ଦନକାନନ ପ୍ରଣୀ ଉଦ୍ୟାନରେ ହେଉଛି ପାଳନ  । ହେଲେ ଯାହାଙ୍କ ପାଇଁ ଆଜି ଏହି ଦିବସ  ତାଙ୍କ ସଂଖ୍ୟା ମାତ୍ର ୨ । ଯାହାଙ୍କ ପାଇଁ ଏ ଦିବସ ତାଙ୍କ ସ୍ଥିତି ଆଜି  ଏମିତି । ୨୦୧୯ରେ ନନ୍ଦନକାନନ ହାତୀ ଶାଳରେ ୯ଟି ହାତୀ ଥିବା  ବେଳେ ଏହି ସଂଖ୍ୟ ୨କୁ ଖସିଆସିବା ପରିତାପର ବିଷୟ ପାଲଟିଛି ।  ଏବେ ହାତୀ ଶାଳରେ ପର୍ଯ୍ୟଟକଙ୍କୁ ମନୋରଞ୍ଜନ କରୁଥିବା ଦୁଇ  ହାତୀ ହେଲେ ‘ହୀରା’ ଓ ‘ବାସନ୍ତି’ । ‘ବାସନ୍ତୀ’ ଏବେ ବାର୍ଦ୍ଧକ୍ୟରେ  ଉପନୀତ । ସବୁବେଳେ ଅସୁସ୍ଥ ରହୁଛି । ସେପଟେ ଅନାଥ ହାତୀଙ୍କ ଏନ୍ତୁଡ଼ି ଶାଳ କହୁଥିବା ନନ୍ଦନକାନନରେ ୩ଟି ହାତୀ ‘ଆଶା’, ‘ଲିଶା’  ଓ ‘ଅଭି’ ଅଛନ୍ତି । ସେମାନଙ୍କୁ ପ୍ରାଣୀ ଉଦ୍ୟାନ ମଧ୍ୟରେ ଏକ ସ୍ୱତନ୍ତ୍ର  ଶାଳରେ ପର୍ଯଟକଙ୍କ ଆଢ଼ୁଅଳରେ ରଖାଯିବା ପରେ କେନ୍ଦ୍ରୀୟ  ଚିଡ଼ିଆଖାନା ଅଧିକାରୀଙ୍କ ନିୟମ ଅନୁଯାଇ ସେମାନଙ୍କୁ ପୁଣି ଜଙ୍ଗଲରେ  ଛଡ଼ାଯିବ । ତେଣୁ ନନ୍ଦନକାନନରେ ଏବେ ମାତ୍ର ୨ଟି ହାତୀ ପର୍ଯ୍ୟଟକଙ୍କୁ  ମନୋରଞ୍ଜନ କରୁଥିବା ବେଳେ କେବଳ ହାତୀ ‘ହୀରା’ ନନ୍ଦନକାନନ  ପାଇଁ ଏକ ମାତ୍ର ଶାହା ଭରସା ।  

ହାତୀ ମାନଙ୍କ ସୁରକ୍ଷା ଓ ସେମାନଙ୍କ ବଂଶ ବୃଦ୍ଧି ପାଇଁ ୨୦୧୨  ମସିହା ଠାରୁ ଅଗଷ୍ଟ ୧୨ ତାରିଖକୁ ବିଶ୍ୱ ହସ୍ତୀ ଦିବସ  ଭାବରେ ପାଳନ  କରାଯାଉଛି । ଏହି ଦିନ ହାତୀ ମାନଙ୍କ ସୁରକ୍ଷା ଓ ବଂଶ ବୃଦ୍ଧି ସମ୍ପର୍କରେ  ସମସ୍ତଙ୍କୁ ସଚେତନ କରାଯାଇଥାଏ । ତେବେ ନନ୍ଦନକାନନ ପ୍ରାଣୀ  ଉଦ୍ୟାନରେ ହାତୀ ବଂଶ ବୃଦ୍ଧି ପାଇଁ କର୍ତ୍ତୃପକ୍ଷ ଚେଷ୍ଟା କରୁନଥିବା  ପର୍ଯ୍ୟଟକଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି । ବଡ଼ ହାତୀ  ଅପେକ୍ଷା ଛୋଟ ହାତୀଙ୍କୁ ପର୍ଯ୍ୟଟକ ଦେଖିବାକୁ ଅଧିକ ଖୁସି ପାଇଥାନ୍ତି ।  ଛୋଟ ହାତୀ ‘ମାମା’ ଚନ୍ଦକା ଯିବା ପରଠାରୁ ପର୍ଯ୍ୟଟକ  ନିରାଶ ହେଉଛନ୍ତି ।