ପ୍ରମୁଖ ଖବର
  • କେନ୍ଦୁଝର ପାଟଣା ଗଣିତ ପ୍ରଶ୍ନପତ୍ର ଲିକ୍ ଅଭିଯୋଗ, ସୋସିଆଲ ମିଡିଆ​‌ରେ ଭାଇରାଲ
  • ||
  • କପି ଚେକିଂ ଆଳରେ ଅସଦାଚରଣ ଅଭିଯୋଗ, ଥାନାରେ ମାଟ୍ରିକ ପରୀକ୍ଷାର୍ଥୀ
  • ||
  • ଲୋକସେବା ଭବନ ଘେରିବ କଂଗ୍ରେସ, ବିଶାଳ ଶୋଭାଯାତ୍ରାରେ ସାମିଲ ହେବେ ହଜାର ହଜାର କଂଗ୍ରେସ କର୍ମୀ
  • ||
  • ଆଜି ଓଡ଼ିଶାର ୨୧ ଅମୃତ ଭାରତ ରେଳ ଷ୍ଟେସନର ଶିଳାନ୍ୟାସ କରିବେ ପ୍ରଧାନମନ୍ତ୍ରୀ
  • ||
  • ଗର୍ଭବତୀଙ୍କ ପେଟକୁ ନର୍ସ ଖୁନ୍ଦା ମାରିଥିବା ଅଭିଯୋଗ, ଚାଲିଗଲା ମା ଓ ଛୁଆଙ୍କ ଜୀବନ
  • ||
  • ଓଡ଼ିଶା ଗଞ୍ଜେଇ ଚକୋଲେଟ୍‌ରେ ଝୁମୁଛି ହାଇଦ୍ରାବାଦ: ବାଲେଶ୍ୱରରେ ତିଆରି, ଦାଦନଙ୍କ ମାଧ୍ୟମରେ ହେଉଛି ଚାଲାଣ
  • ||
  • ଓସ୍ତପୁର ହଳଦିଢ଼ିଅ ନିକଟ ଗଛକୁ ପିଟିଲା ବୋଲେରୋ: ୩ ମୃତ, ୪ ଗୁରୁତର
  • ||
  • ଆଜି ୫-ଟି ଅଧ୍ୟକ୍ଷଙ୍କ ଅନୁଗୁଳ ଗସ୍ତ, ଛାତ୍ରବୃତ୍ତି ପ୍ରମାଣପତ୍ର ବଣ୍ଟନ କାର୍ଯ୍ୟକ୍ରମରେ ଯୋଗଦେବେ
  • ||
  • ରାଜ୍ୟରେ ଆହୁରି ତିନି ଦିନ ବର୍ଷା: ଉପକୂଳରେ ଅଧିକ ବର୍ଷିବା ସମ୍ଭାବନା, ୨୮ ଯାଏ କୋହଲା ପାଗ
  • ||

୩ ରାଜ୍ୟରେ ବିଜେପିର କମାଲ, ମୋଦୀ କହିଲେ- ସବକା ସାଥ୍‌, ସବକା ବିକାଶ ଭାବନାର ବିଜୟ ହୋଇଛି

ନୂଆଦିଲ୍ଲୀ: ୩ଟି ରାଜ୍ୟରେ ବିଶାଳ ବିଜୟ ପରେ ବିଜେପି ଶିବିରରେ ଉତ୍ସବର ମାହୋଲ ଦେଖିବାକୁ ମିଳିଛି । ଦିଲ୍ଲୀର ବିଜେପି ମୁଖ୍ୟାଳୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରିବା ସହ ଦେଶବାସୀଙ୍କୁ ଧନ୍ୟବାଦ ଦେଇଛନ୍ତି । ମଧ୍ୟପ୍ରଦେଶ, ଛତିଶଗଡ଼ ଏବଂ ରାଜସ୍ଥାନରେ ବଡ଼ ବ୍ୟବଧାନରେ ବିଜେପି ବିଜୟୀ ହୋଇଥିବା ବେଳେ ସରକାର ଗଢ଼ିବାକୁ ଯାଉଛି । କାର୍ଯ୍ୟକର୍ତ୍ତାଙ୍କୁ ସମ୍ବୋଧନ ଅବସରରେ ମୋଦୀ କଂଗ୍ରେସକୁ ଟାର୍ଗେଟ କରିଛନ୍ତି । 

ସେ କହିଛନ୍ତି, କଂଗ୍ରେସ ସମାଜକୁ ଜାତି ଆଧାରରେ ବାଣ୍ଟିବାକୁ ଚେଷ୍ଟା କରୁଛି । ସେ ଆହୁରି ମଧ୍ୟ କହିଛନ୍ତି, ବିରୋଧୀ ସମାଜକୁ ଜାତି ଆଧାରରେ ବିଭାଜିତ କରିବାକୁ ଚେଷ୍ଟା କରିଛି । ହେଲେ ଆମେ ଦେଶର ୪ଟି ମୁଖ୍ୟ ଜାତି ଥିବା କଥା କହିଥିଲୁ । ନାରୀ ଶକ୍ତି, ଯୁବ ଶକ୍ତି, କୃଷକ ଏବଂ ଗରିବ ପରିବାର ଭଳି ୪ ପ୍ରମୁଖ ଜାତିକୁ ସଶକ୍ତ କରିବା ଦ୍ବାରା ଦେଶ ସଶକ୍ତ ହେବ । ବର୍ତ୍ତମାନ ସମୟରେ ବଡ଼ ସଂଖ୍ୟାର ଓବିସି ଏବଂ ଆଦିବାସୀ ଏହି ଜାତିରେ ଆସୁଛନ୍ତି ବୋଲି ମୋଦୀ କହିଛନ୍ତି ।

 ବିଜେପି ମୁଖ୍ୟାଳୟରେ କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରି ମୋଦୀ କହିଛନ୍ତି, ଆଜିର ଏହି ବିଜୟ ଐତିହାସିକ । ସବକା ସାଥ, ସବକା ବିକାଶ ଭାବନାର ବିଜୟ ହୋଇଛି । ବିକଶିତ ଭାରତ ଆହ୍ବାନର ବିଜୟ ହୋଇଛି । ଆତ୍ମନିର୍ଭର ଭାରତ ଜିତିଛି । ଭାରତର ବିକାଶ ପାଇଁ ରାଜ୍ୟର ବିକାଶ ଚିନ୍ତାଧାରାର ବିଜୟ ହୋଇଥିବା ବେଳେ ସଚ୍ଚୋଟପଣିଆ ଜିତିଛି ବୋଲି ସେ କହିଛନ୍ତି । ମଧ୍ୟପ୍ରଦେଶରେ ବିଜେପି ଅପରିବର୍ତ୍ତିତ ଥିବା ବେଳେ ରାଜସ୍ଥାନ ଏବଂ ଛତିଶଗଡ଼ରେ କଂଗ୍ରେସକୁ ଗାଦିଚ୍ୟୁତ କରିଛି । 

ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଆଜିର ଏହି ଫଳାଫଳ ଅନ୍ୟ ଏକ ଚିତ୍ର ସ୍ପଷ୍ଟ କରିଦେଇଛି । ଦେଶର ଯୁବପିଢ଼ି ବିକାଶ ଚାହୁଁଛି । ଯେଉଁ ସରକାର ଯୁବକଙ୍କ ବିରୋଧରେ କାମ କରିଛି ତାକୁ ଶାସନରୁ ବିଦା ହେବାକୁ ପଡ଼ିଛି । ରାଜସ୍ଥାନ, ଛତିଶଗଡ଼ ଏବଂ ତେଲେଙ୍ଗାନା ଏହାର ଉଦାହରଣ । ଏହି ୩ ରାଜ୍ୟରେ ଶାସନରେ ଥିବା ଦଳକୁ ପରାଜୟ ସ୍ବୀକାର କରିବାକୁ ପଡ଼ିଛି ବୋଲି ମୋଦୀ କହିଛନ୍ତି । ଦୁର୍ନୀତି ବିରୋଧରେ ଏହା ଜନସମର୍ଥନ ହୋଇଥିବା ବେଳେ ୨୦୨୪ ଲୋକସଭା ନିର୍ବାଚନରେ ହ୍ୟାଟ୍ରିକ୍‌ର ଗ୍ୟାରେଣ୍ଟି । 

 ନିର୍ବାଚନ ଫଳାଫଳ କଂଗ୍ରେସ ଏବଂ ଏହାର ମେଣ୍ଟ ପାଇଁ ଝଟକା ବୋଲି ମୋଦୀ କହିଛନ୍ତି ।  ସବୁ ପରିବାରବାଦୀ ଗୋଟିଏ ମଞ୍ଚରେ ଛିଡ଼ା ହୋଇଗଲେ ବି ଦେଶର ଭରସା ଜିତିପାରିଲେ ନାହିଁ । ଜନତାଙ୍କ ହୃଦୟ ଜିଣିବାକୁ ହେଲେ ରାଷ୍ଟ୍ର ସେବା ପାଇଁ ଉତ୍ସାହ ଥିବା ଦରକାର ବୋଲି ପ୍ରଦାନମନ୍ତ୍ରୀ କହିଛନ୍ତି । 

 ଅନ୍ୟପଟେ, ତେଲେଙ୍ଗାନାର ଜନତା ଏବଂ କାର୍ଯ୍ୟକର୍ତ୍ତାଙ୍କୁ ବିଶେଷ ଧନ୍ୟବାଦ ଦେଉଛି ବୋଲି କହିବା ସହ ପ୍ରତି ନିର୍ବାଚନରେ ରାଜ୍ୟରେ ବିଜେପିର ଗ୍ରାଫ୍‌ ବଢ଼ୁଛି ବୋଲି ମୋଦୀ କହିଛନ୍ତି । ରାଜ୍ୟର ଲୋକମାନଙ୍କ ପାଇଁ କାର୍ଯ୍ୟ ଜାରି ରଖିବେ ବୋଲି ସେ କହିଛନ୍ତି । ସେପଟେ ମୋଦୀ ଆହୁରି ମଧ୍ୟ କହିଛନ୍ତି, ଏହି ନିର୍ବାଚନ ପରିଣାମର ଧ୍ବନି ବହୁ ଦୂରକୁ ଯିବ । ସମଗ୍ର ବିଶ୍ବରେ ଏହି ଧ୍ବନି ଗୁଞ୍ଜରିତ ହେବ । ବିଶ୍ବବ୍ୟାପୀ ନିବେଶକଙ୍କୁ ଏହି ପରିଣାମ ବିଶ୍ବାସ ଦେବ ।

 

  • Narendra Modi
  • Narendra Modi
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.