ମାଲକାନଗିରି,୧/୨ : ଜିଲ୍ଲା ଖାଦ୍ୟସୁରକ୍ଷା ବିଭାଗ ପୌରପରିଷଦ ପକ୍ଷରୁ ଆମିଷ ବଜାର ରେ ଚଢାଉ କରାଯାଇ ୨୫ହଜାର ଟଙ୍କା ଜରିମାନା ଆଦାୟ କରାଯାଇଛି।
ମାଲକାନଗିରି ଜିଲ୍ଲା ସଦର ମହାକୁମା ଦୈନିକ ବଜାର ରେ ଥିବା ମାଛ ଚିକେନ ବଜାର ଉପରେ ଖାଦ୍ୟ ସୁରକ୍ଷା ଅଧିକାରୀ ପ୍ରଭାସ କୁମାର ସେଠି ଙ୍କ ନେତୃତ୍ୱ ରେ ଜିଲ୍ଲା ମାଇକ୍ରୋଲୋଜିଷ୍ଠ ପ୍ରଣବିକା ସିଂ,ପୌରପରିଷଦ ପରିମଳ ବିଶେଷଜ୍ଞ ଲିଙ୍ଗରାଜ ପାଳ ଓ ଅନ୍ୟାନ କର୍ମଚାରୀ ପୁଲିସ ଟିମ ସହିତ ଚଢ଼ାଉ କରିଥିଲେ। ୭ ଟି ମାଛ ଦୋକାନ, ୪ଟି ଚିକେନ ଦୋକାନ ଉପରେ ଚଡାଉ କରାଯାଇ ୫ହଜାର ଟଙ୍କା ଜରିମାନା ଆଦାୟ କରିଥିଲେ। ସେହିପରି ଏମଭି ୪୨ ଗ୍ରାମ ଠାରେ ଥିବା ହୋଲସେଲ କୁକୁଡ଼ା ବ୍ୟବସାୟୀ ଙ୍କ ଟ୍ରେଡ଼ ଲାଇସେନ୍ସ ନଥିବାରୁ ପରିବେଶ କୁ ଅପରିଷ୍କାର କରିବା ବାବଦରେ ୨୦ ହଜାର ଟଙ୍କା ଜରିମାନା ଆଦାୟ କରାଯାଇଛି।
ଆହୁରି ପଢନ୍ତୁ : ମଦ ପିଇ ଯୁବକଙ୍କ ଉନ୍ମତକାଣ୍ଡ, ନିଜ ବେକକୁ ଧାରୁଆ ଅସ୍ତ୍ରରେ କାଟିଲେ
