ପ୍ରମୁଖ ଖବର
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଶୀତଦିନେ ଦେଖାଯାଉଛି କି କେଶ ଝଡ଼ିବା ଭଳି ସମସ୍ୟା ? ଏ ସମସ୍ୟାରୁ ମୁକ୍ତି ଦେବ ଏହି ଘରୋଇ ଉପାୟ...

ଥଣ୍ଡା ଦିନେ ଅନେକଙ୍କର କେଶ ଝଡ଼ିବା ଭଳି ସମସ୍ୟା ଦେଖାଯାଏ । ପାଗ ପରିବର୍ତ୍ତନ ଯୋଗୁଁ ଶରୀର ସହ କେଶ ଉପରେ ମଧ୍ୟ ଏହାର ପ୍ରଭାବ ପଡ଼ିଥାଏ । ଶୀତଦିନେ ମୁଣ୍ଡର ସ୍କାଲ୍ପ ଶୁଷ୍କ ହୋଇଯିବାରୁ କେଶ ଝଡ଼ିବା ଆରମ୍ଭ କରେ । କେଶ ପତଳା ହୋଇଯିବା ସହ ରୂପି ସମସ୍ୟା ମଧ୍ୟ ଦେଖାଦିଏ । ଏଭଳି ସମସ୍ୟାରୁ ନିସ୍ତାର ପାଇବା ଲାଗି ରହିଛି କିଛି ଘରୋଇ ଉପାୟ । ଯାହା ଖୁବ୍ କମ୍ ଦିନରେ କେଶ ଝଡ଼ିବା ଭଳି ସମସ୍ୟା ହ୍ରାସ କରିବାରେ ସହାୟ ହେବ । 

ଅଣ୍ଡାର ହେୟାର ମାସ୍କ: କେଶକୁ ଭରପୂର ପୋଷଣ ଓ ପ୍ରୋଟିନ୍ ଦେବା ଲାଗି ୧୫ ଦିନରେ ଥରେ ଅଣ୍ଡାର ହେୟାର୍ ମାସ୍କ ଲଗାନ୍ତୁ । ଏହାକୁ ପ୍ରସ୍ତୁତ କରିବା ଲାଗି ଏକ ଚାମଚ ଦହିରେ ଅଣ୍ଡା ମିଶାନ୍ତୁ । ଭଲଭାବେ ମିଳାଇବା ପରେ ଏହାକୁ କେଶରେ ଲଗାଇ ଅଧଘଣ୍ଟା ଧରି ରଖି କେଶକୁ ଧୋଇଦିଅନ୍ତୁ । ଫଳରେ କେଶ ଝଡ଼ିବା କମ୍ ହେବ । 

ଭୁର୍ସଙ୍ଗ ପତ୍ର: ଗୋଟିଏ କି ଦୁଇଟି ନୁହେଁ ଅନେକ ପ୍ରକାର କେଶ ସମସ୍ୟା ଦୂର କଲେ ଭୁର୍ସଙ୍ଗ ପତ୍ର । କେଶ ଝଡ଼ିବା, କେଶ ଦୁର୍ବଳ ହେବା, ବୟସ ପୂର୍ବରୁ କେଶ ଧଳା ହେବା ଭଳି ସମସ୍ୟାକୁ ମଧ୍ୟ ସମାଧାନ କରେ ଏହି ପତ୍ର । ଭୁର୍ସଙ୍ଗ ପତ୍ରରୁ ଆପଣ ହେୟାର ମାସ୍କ କିମ୍ୱା ଏହାର ତେଲ ପ୍ରସ୍ତୁତ କରି ମଧ୍ୟ ବ୍ୟବହାର କରିପାରିବେ । ହେୟାର ମାସ୍କ ପ୍ରସ୍ତୁତ କରିବାକୁ ହେଲେ ପ୍ରଥମେ କିଛି ଭୁର୍ସଙ୍ଗ ପତ୍ରକୁ ବାଟି ନିଅନ୍ତୁ । ପରେ ଏହାକୁ କେଶରେ ୨୦ରୁ ୩୦ ମିନିଟ୍ ଲଗାଇ କେଶ ଧୋଇନିଅନ୍ତୁ । ତେଲ ପ୍ରସ୍ତୁତ କରିବାକୁ ଚାହୁଁଥିଲେ ଦୁଇ ମୁଠା ଭୁର୍ସଙ୍ଗ ପତ୍ର ନଡ଼ିଆ ତେଲରେ ମିଶାଇ ଏହାକୁ ଫୁଟାନ୍ତୁ । ପତ୍ର କଳା ପଡ଼ିଯିବା ପରେ ଏହି ତେଲକୁ ଛାଣି ନିଅନ୍ତୁ । ସପ୍ତାହରେ ୨ ଥର ଏହି ତେଲକୁ ମୁଣ୍ଡରେ ମାଲିସ କରନ୍ତୁ । ଦେଖିବେ କେଶ ଝଡ଼ିବା ବନ୍ଦ ହେବା ସହ କେଶ ଲମ୍ୱା ହେବାକୁ ଲାଗିବ । 

ପିଆଜ ରସ: ସପ୍ତାହକୁ ଥରେ କେଶରେ ପିଆଜ ରସ ଲଗାନ୍ତୁ । ପିଆଜକୁ ଗ୍ରାଇଣ୍ଡିଂ କରି ଏକ କପଡ଼ାରେ ଚିପୁଡ଼ି ଏହାର ରସକୁ ବାହାର କରିନିଅନ୍ତୁ । ଏହି ରସକୁ କେଶମୂଳରୁ ଆରମ୍ଭ କରି କେଶ ଅଗ ଯାଏ ଲଗାନ୍ତୁ । ଅଧଘଣ୍ଟା ଧରି ରଖି ମୁଣ୍ଡ ଧୋଇନିଅନ୍ତୁ । ନଡ଼ିଆ ତେଲରେ ପିଆଜକୁ ଫୁଟାଇ ଏହାର ତେଲ ମଧ୍ୟ ବ୍ୟବହାର କରିପାରିବେ । ଏହି ତେଲ କେଶ ଝଡ଼ିବା ହ୍ରାସ କରିବାରେ ସାହାଯ୍ୟ କରେ । 


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.