ଖଲ୍ଲିକୋଟ ,୧୩/୦୪-ଖଲ୍ଲିକୋଟ ବ୍ଲକ ଅନ୍ତର୍ଗତ ଲଙ୍ଗଳେଶ୍ୱର ଓ ପଥରା ରେ ଆଜି ଦଣ୍ଡ ଯାତ୍ରା ର ଶେଷ ପର୍ବ ମାସନ୍ତ ମେରୁ ଅନୁଷ୍ଠିତ ହୋଇ ଯାଇଛି। ଏହି ମେରୁ ଯାତ୍ରା ଦେଖିବା ପାଇଁ ପ୍ରବଳ ଜନ ସମାଗମ ହୋଇଥିଲା। ଏହି ଜନଗହଳିର ସୁଯୋଗ ନେଇ ଲୁଟେରାମାନେ ସକ୍ରିୟ ହୋଇ ଉଠିଥିଲେ। 

ଲଙ୍ଗଳେଶ୍ୱର ମେରୁ ଯାତ୍ରା ଦେଖିବା ପାଇଁ ଆସିଥିବା ୩ ଜଣ ମହିଳା ଙ୍କ ବେକ ରୁ ସୁନା ଚେନ ଲୁଟ ହୋଇଥିବା ଭେଜିପୁଟ ଫାଣ୍ଡି ରେ ଅଭିଯୋଗ ହୋଇଛି। ଛତ୍ରଗଡ଼ ର ଅଞ୍ଜଳି ସାହୁ ଙ୍କ ସମେତ ବିକ୍ରମପୁର ଓ ବିରିପୁର ଗ୍ରାମ ର ଦୁଇ ଜଣ ମହିଳା ଙ୍କ ବେକ ରୁ ସୁନା ଚେନ ଓ ଧାନୁଆମାଳି ଲୁଟ ହୋଇଛି। ଅଞ୍ଜଳି ଙ୍କ ଅଭିଯୋଗ ଅନୁଯାୟୀ, ଭିଡ଼ ଭିତରେ ଜଣେ ମହିଳା ତାଙ୍କୁ ଧକ୍କା ଦେଇ ତରବରିଆ ଭାବେ ଚାଲିଯାଇଥିଲା। ଏହାପରେ ସେ ଦେଖିବା ବେଳକୁ ତାଙ୍କ ବେକ ରେ ସୁନା ଚେନ ନ ଥିଲା। ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରି ଦେଇଛନ୍ତି ଭେଜିପୁଟ ଫାଣ୍ଡି ଅଧିକାରୀ ଦେବାଶିଷ ମିଶ୍ର।