ପ୍ରମୂଖ ଖବର
  • ମାହାଙ୍ଗା: ଭାରସାମ୍ୟ ହରାଇ କେନାଲକୁ ଖସିଲା କାର୍, ଯୁବକଙ୍କ ମୃତ୍ୟୁ
  • ||
  • ମୋହନ ସରକାରଙ୍କ ପ୍ରଥମ ଅଧିବେଶନ, ୨୪ରେ ଉପବାଚସ୍ପତି ନିର୍ବାଚନ, ୨୫ରେ ପୂର୍ଣ୍ଣାଙ୍ଗ ବଜେଟ୍
  • ||
  • ପ୍ୟାରିସ୍‌ ଅଲିମ୍ପିକ ୨୦୨୪: ୨୫ରୁ ତୀରନ୍ଦାଜୀ ଇଭେଣ୍ଟ, ରିକର୍ଭ ଇଭେଣ୍ଟରେ ଭାଗ ନେବେ ୬ ଭାରତୀୟ
  • ||
  • ଆସନ୍ତା ୨୬ ସୁଦ୍ଧା ଆଉ ଏକ ଲଘୁଚାପ, ତିନିଦିନ ପ୍ରବଳ ବର୍ଷା ସମ୍ଭାବନା: ଏବେ ବି ନିଅଣ୍ଟିଆ ସ୍ଥିତିରୁ ବାହାରିନି ୧୬ ଜିଲ୍ଲା
  • ||
  • ମୋଦି ୩.୦ ସରକାରର ପ୍ରଥମ ବଜେଟ୍‌, ୭ମ ଥର ପାଇଁ ବଜେଟ୍‌ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||

ସପ୍ତଶଯ୍ୟା ପାହାଡ଼ରେ ନିଖୋଜ ୫ ଛାତ୍ର ଉଦ୍ଧାର କଲା ବନ ବିଭାଗ, ଆଜି ପରିବାର ଲୋକଙ୍କୁ କରାଯିବ ହସ୍ତାନ୍ତର

ଢେଙ୍କାନାଳ,୦୧/୦୭: ଢେଙ୍କାନାଳ  ସପ୍ତଶଯ୍ୟାକୁ ବୁଲିବାକୁ ଆସି ନିଖୋଜ ହୋଇଯାଇଥିବା ୫ ଛାତ୍ରଙ୍କୁ ବନ ବିଭାଗ ଓ  ପୁଲିସ୍‌ ଟିମ୍‌ ଦୀର୍ଘ ଘଣ୍ଟା ଧରି ଖୋଜାଖୋଜି  କରିବା ପରେ ରବିବାର ରାତି ପ୍ରାୟ ୧୧ଟା  ୪୦ରେ ଠାବ କରିଛି । ସମସ୍ତଙ୍କୁ ଏକ  ରେଷ୍ଟ ହାଉସ୍‌ରେ ରଖାଯାଇଛି । ସୋମବାର  ସକାଳୁ ସମସ୍ତଙ୍କୁ ପରିବାର ଲୋକଙ୍କୁ  ହସ୍ତାନ୍ତର କରାଯିବ ବୋଲି ପୁଲିସ୍‌ କହିଛି ।  

ପ୍ରାକୃତିକ ଶୋଭାରାଜିରେ ଭରପୂର  ସାତ ପାହାଡ଼ ଘେରା ସପ୍ତଶଯ୍ୟାକୁ ବର୍ଷସାରା  ପର୍ଯ୍ୟଟକଙ୍କ ସୁଅ ଛୁଟିଥାଏ । ସୋମବାର  କଟକ ଅଞ୍ଚଳର ଅରକ୍ଷିତ ମହାପାତ୍ର, ଶୁଭମ୍‌  ମହାପାତ୍ର, ହିମାଂଶୁ ଦାସ, ସୁଜିତ ସାହୁ ଓ  ଲକି ଦାସ ପ୍ରମୁଖ ୫ ଜଣ ଛାତ୍ର ବୁଲିବାକୁ  ଆସିଥିଲେ । ସମସ୍ତଙ୍କ ବୟସ ୧୮ରୁ ୨୦ ବର୍ଷ  ମଧ୍ୟରେ ହେବ । ବୁଲାବୁଲି କରିବା ମଧ୍ୟରେ ପାହାଡ଼ ଉପରେ ଥିବା ବିଷ୍ଣୁ ବାବାଙ୍କ ଆଶ୍ରମ  ଡେଇଁ ଆହୁରି ଉପରକୁ ଚାଲିଯାଇଥିଲେ । ବର୍ଷା  ହେବା କାରଣରୁ ଫେରିପାରି ନ ଥିଲେ । ସନ୍ଧ୍ୟା  ହୋଇଯାଇଥିଲା । ଜଙ୍ଗଲରେ ଫେରିବାର ରାସ୍ତା ଜାଣି ନ ପାରି ସେମାନେ ବାଟବଣା ହୋଇଯାଇଥିଲେ । ଏ ସମ୍ପର୍କରେ ଫୋନ୍‌ କରି  ପରିବାର ଲୋକଙ୍କୁ ଜଣାଇଥିଲେ । ଘଟଣା ପ୍ରଘଟ ହେବା ପରେ ପୁଲିସ ଏବଂ ବନ  କର୍ମଚାରୀ ତତ୍ପର ହୋଇ ଉଠିଥିଲେ । ସଦର ଥାନା ଆଇଆଇସି ଦୀପକ ଲେଙ୍କା ଓ ସଦର ରେଞ୍ଜର ବିଭୁଦାନନ୍ଦ ମିଶ୍ରଙ୍କ ନେତୃତ୍ୱରେ ପୁଲିସ ଓ ବନ ବିଭାଗ ୩ଟି ଟିମ୍‌ ମିଳିତ ଭାବେ  ତଲାସି ଅଭିଯାନ ଆରମ୍ଭ କରିଥିଲେ । ତେବେ  ନେଟୱର୍କ ସମସ୍ୟା ଯୋଗୁଁ ଛାତ୍ରମାନଙ୍କ ସହ ଯୋଗାଯୋଗ ହୋଇପାରି ନ ଥିଲା । ଜଙ୍ଗଲିଆ  ପରିବେଶ ସହ ତୁହାକୁ ତୁହା ବର୍ଷା କାରଣରୁ  ଖୋଜିବାରେ ସମସ୍ୟା ହୋଇଥିଲା । ବାଣ ଫୁଟା  ଯାଇ ଛାତ୍ରମାନଙ୍କ ସହ ଯୋଗାଯୋଗ କରିବାକୁ  ଚେଷ୍ଟା କରାଯିବା ପରେ ସଫଳତା ମିଳିଥିଲା । ବାଣ ଶବ୍ଦ ସେମାନେ ଶୁଣିଥିବାର ସୂଚନା  ଦେବା ସହ ଲୋକେସନ ସେୟାର କରିଥିବାରୁ ସେମାନଙ୍କୁ ଠାବ କରାଯାଇଥିଲା । ସପ୍ତଶଯ୍ୟା ପାହାଡ଼ର ଭୁଆଷୁଣି ଖାଲ ନିକଟରୁ ସମସ୍ତଙ୍କୁ  ସୁରକ୍ଷିତ ଭାବେ ଉଦ୍ଧାର କରାଯାଇଥିବା ରେଞ୍ଜର ଶ୍ରୀ ମିଶ୍ର ସୂଚନା ଦେଇଛନ୍ତି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.