ଭୁବନେଶ୍ଵର, ୨୦/୦୯ : ଭରତପୁର ଥାନାରେ ମେଜର ଓ ବାନ୍ଧବୀଙ୍କୁ ମାଡ଼ ମାରିବା ଘଟଣା। ଧରାହେଲେ ୭ ରୋଡ୍ ରୋମିଓ। ସିସିଟିଭି ଆଧାରରେ ୭ ଜଣ ରୋଡ୍ ରୋମିଓଙ୍କୁ ଧରିଲା କମିଶନରେଟ୍ ପୋଲିସ। ସେମାନଙ୍କୁ ଏବେ ଚନ୍ଦକା ଥାନାରେ ପଚରାଉଚୁରା କରାଯାଉଛି।
ଆର୍ମି ମେଜର ଗୁରୁବଂଶ ସିଂ ଓ ତାଙ୍କ ବାନ୍ଧବୀ ଅଙ୍କିତାଙ୍କୁ ନିର୍ଯାତନା ଦେବା ଘଟଣା ଦିନକୁ ଦିନ ବିବାଦୀୟ ହେବାକୁ ଲାଗିଛି। ଶନିବାର ରାତିରେ ଗୁରୁବଂଶ ଓ ତାଙ୍କ ବାନ୍ଧବୀ ଅଙ୍କିତା ପଟିଆରୁ ଭରତପୁରକୁ ଆସୁଥିଲେ । ମଝି ରାସ୍ତାରେ ୨ଟି କାର୍କୁ ସେ ଓଭରଟେକ୍ କରିଥିଲେ । କାର୍ରେ ଥିବା ଯୁବକମାନେ ଆର୍ମି ଅଫିସର ଓ ତାଙ୍କ ବାନ୍ଧବୀଙ୍କୁ ଅଟକାଇ ଦୁର୍ବ୍ୟବହାର କରିଥିଲେ। ଏନେଇ ଭରତପୁର ଥାନାକୁ ଅଭିଯୋଗ କରିବାକୁ ଆସିଥିଲେ ଆର୍ମି ଅଫିସର ଗୁରୁବଂଶ ଓ ଅଙ୍କିତା । ତେବେ ସେଠାରେ ଉଭୟଙ୍କୁ ପୁଲିସ ନିର୍ଯାତନା ଦେଇଥିବା ସେମାନେ ଅଭିଯୋଗ କରିଥିଲେ।
ଏହାରି ଭିତରେ ପୁଲିସ୍ ରୋଡ୍ ରୋମିଓଙ୍କ ଆତଙ୍କରାଜ ଭୁଲି ଯାଇଥିଲା। ଡିଜିପି ଭୁବନେଶ୍ୱର ଡିସିପି ପ୍ରତୀକ ସିଂହଙ୍କୁ ତୁରନ୍ତ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିବାକୁ ନିର୍ଦ୍ଦେଶ ଦେଇଥିଲେ । ଏବେ କମିଶନରେଟ୍ ପୋଲିସ ୭ ଜଣଙ୍କୁ ଅଟକ ରଖି ପଚରାଉଚୁରା କରୁଥିବା ସୂଚନା ମିଳିଛି।
