ନୂଆଦିଲ୍ଲୀ – ବାଂଲାଦେଶର ରାଜଧାନୀ ଢାକାରେ ପୁଣି ଥରେ ବିକ୍ଷୋଭ ପ୍ରଦର୍ଶନ ଆରମ୍ଭ ହୋଇ ଯାଇଛି। ପ୍ରଧାନମନ୍ତ୍ରୀ ଶେଖ୍ ହସିନାଙ୍କର ଇସ୍ତଫା ଦାବିକୁ ନେଇ ବିରୋଧ ପ୍ରଦର୍ଶନ କରୁଥିବା ଲୋକ ଓ ଶାସକ ଅବାମୀ ଲିଗ୍ର ସମର୍ଥକଙ୍କ ମଧ୍ୟରେ ରବିବାର ରକ୍ତାକ୍ତ ସଂଘର୍ଷରେ ଅତି କମ୍ରେ ୯୧ ଜଣଙ୍କ ମୃତ୍ୟୁ ହୋଇଛି , ଯେଉଁଥିରେ ୧୪ ପୁଲିସକର୍ମୀ ମଧ୍ୟ ସାମିଲ ଅଛନ୍ତି। ମୃତ୍ୟୁ ସଂଖ୍ୟା ଲଗାତାର ବଢିବାରେ ଲାଗିଛି। ଅଧିକାରୀଙ୍କ ମୋବାଇଲ ଇଣ୍ଟରନେଟ୍ ସେବା ବନ୍ଦ କରି ଦିଆ ଯାଇଛି ଏବଂ ଅନିଶ୍ଚିତକାଳ ପାଇଁ ପୂରା ଦେଶରେ କର୍ଫ୍ୟୁ ଲାଗୁ କରି ଦିଆ ଯାଇଛି।
ସରକାରୀ ଚାକିରିରେ ସଂରକ୍ଷଣ ବ୍ୟବସ୍ଥା ମାମଲାରେ ହଙ୍ଗାମାକୁ ନେଇ ସରକାରଙ୍କ ଇସ୍ତଫା ଦାବି କରି ପ୍ରଦର୍ଶନକାରୀ ରବିବାର , ଷ୍ଟୁଡେଣ୍ଟ୍ସ ଏଗନେଷ୍ଟ ଡିସ୍କ୍ରିମିନେସନର ବ୍ୟାନରରେ ଆୟୋଜିତ ଅସହଯୋଗ କାର୍ଯ୍ୟକ୍ରମରେ ଭାଗ ନେବାକୁ ପହଞ୍ଚି ଥିଲେ। ସେତେବେଳେ ଅୱାମୀ ଲିଗ୍, ଛାତ୍ର ଲିଗ୍ଓ ଜୁବୋ ଲିଗ୍ର କାର୍ଯ୍ୟକର୍ତ୍ତାମାନେ ତାଙ୍କର ବିରୋଧ କରିଥିଲେ ଏବଂ ପୁଣି ଉଭୟ ପକ୍ଷରେ ସଂଘର୍ଷ ହୋଇଥିଲା।
କିଛି ସମୟ ପରେ ଏହି ଉତ୍ତେଜନା ଏତେ ବଢିଗଲା ଯେ ଉତ୍ତେଜିତ ଲୋକେ ରାସ୍ତରେ ଥିବା ଗାଡ଼ି ଗୁଡ଼ିକରେ ନିଆଁ ଲଗେଇ ଦେଲେ। ସରକାର ପୁଣି ଥରେ ରାଷ୍ଟ୍ରବ୍ୟାପୀ କର୍ଫ୍ୟୁ ଘୋଷଣା କରିଛନ୍ତି। ଏପଟେ ଭାରତ ମଧ୍ୟ ବାଂଲାଦେଶରେ ରହୁଥିବା ନିଜର ନାଗରିକଙ୍କୁ ଆଲର୍ଟ ରେ ରହିବାକୁ କହିଛନ୍ତି। ଆଡଭାଇଜରୀ ସହ ହେଲ୍ପଲାଇନ୍ ନମ୍ୱର ମଧ୍ୟ ଜାରି କରିଛନ୍ତି।
ମାସ ମାସ ଧରି ହିଂସାର ନିଆଁରେ ଜଳୁଥିବା ବାଂଲାଦେଶ ଏବେସୁଦ୍ଧା ଏଥିରୁ ବର୍ତ୍ତିପାରିନାହିଁ । ରବିବାର ଅୱାମୀ ଲିଗ୍ ସମର୍ଥକ ଓ ପୁଲିସ୍ ସହ ବିକ୍ଷୋଭ ପ୍ରଦର୍ଶନକାରୀଙ୍କ ଧ୍ୟରେ ସଂଘର୍ଷ ହୋଇଥିଲା। ବିକ୍ଷୋଭ ପ୍ରଦର୍ଶନକାରୀ ସଡ଼କରେ ଶାନ୍ତିର ସହ ପିଏମ ଶେଖ ହସିନାଙ୍କ ଇସ୍ତଫା ଦାବି କରୁଥିଲେ , ସେତେବେଳେ ଅୱାମୀ ଦଳର ସମର୍ଥକ ସେଠାକୁ ଆସି ଧମକ ଦେଇଥିଲେ ଏବଂ ଉଭୟ ପକ୍ଷ ମଧ୍ୟରେ ବିବାଦ ଆରମ୍ଭ ହୋଇଥିଲା। ମୃତକଙ୍କ ସଂଖ୍ୟା ଅତି କମ୍ରେ ୯୧ରେ ପହଞ୍ଚିଛି ।
ରିପୋର୍ଟରେ କିନ୍ତୁ ମୃତକଙ୍କ ପରିଚୟର ଖୁଲାସା କରାଯାଇ ନାହିଁ । ପ୍ରୋଥୋମ ଅଲୋ ସମ୍ୱାଦପତ୍ର ନିଜ ଖବରରେ କହିଛି , ବାଂଲାଦେଶର ୧୩ଟି ଜିଲ୍ଲାରେ ସଂଘର୍ଷ ହୋଇଛି।
