ଉମରକୋଟ,୨।୩ : ଭିଜିଲାନ୍ସ ଜାଲରେ ଡାବୁଗାଁ ପୋଲିସ ଏଏସଆଇ ସୀମାଞ୍ଚଳ ମହାରଣା । ଗୋଟିଏ ଗଣ୍ଡଗୋଳ କେସ୍ କୁ ରଫାଦଫା କରିବା ପାଇଁ ପାଞ୍ଚ ହଜାର ଟଙ୍କା ଲାଂଚ ନେବା ବେଳେ ଭିଜିଲାନ୍ସ ମାଡି ବସିଥିଲା ।
ସୂଚନା ଅନୁସାରେ ଡାବୁଗାଁ ଥାନା ଏଏସଆଇ ସୀମାଞ୍ଚଳ ମହାରଣା ଗୋଟିଏ ଗଣ୍ଡଗୋଳ କେସକୁ ରଫାଦଫା କରିବା ପାଇଁ ରାଉଲିଗୁଡା ଗ୍ରାମର ମକରନ୍ଦ ଜାନୀଙ୍କୁ ୫ ହଜାର ଟଙ୍କା ଲାଞ୍ଚ ମାଗିଥିଲେ। ରାଉଲିଗୁଡା ଗ୍ରାମର ମକରନ୍ଦ ଜାନୀଙ୍କ ଠାରୁ ସୀମାଞ୍ଚଳ ପାଞ୍ଚ ହଜାର ଟଙ୍କା ଲାଞ୍ଚ ନେଉଥିବା ବେଳେ ପୂର୍ବରୁ ଛକି ରହିଥବା ଭିଜିଲାନ୍ସ ମାଡି ବସିଥିଲେ । ଏହି ସମୟରେ ଏଏସଆଇ ମହାରଣା ଟଙ୍କାକୁ ଥାନା ହାଜତ ଭିତରକୁ ଫିଙ୍ଗି ଦେଇଥିଲେ । ଭିଜିଲାନ୍ସ ହାଜତ ଭିତରୁ ଟଙ୍କା ଜବତ କରିବା ସହ ଏଏସଆଇ ମହାରଣା କୁ ଗିରଫ କରିଛି । ମାଲକାନଗିରି ଭିଜିଲାନ୍ସ ଡିଏସପି ସଦାନନ୍ଦ ପାଣି ଙ୍କ ନେତୃତ୍ବରେ ଜୟପୁର ଭିଜିଲାନ୍ସ ଟିମ୍ ନବରଙ୍ଗପୁର ଟିମ୍ ମିଳିତ ଚଢ଼ାଉ କରିଥିଲେ ।