ତେଲକୋଇ,୧୯/୧୧ : ତେଲକୋଇ ରେଞ୍ଜରେ ପୁଣି ଏକ ହାତୀର ମୃତଦେହ ଉଦ୍ଧାର । ଗତ ୧୧ତାରିଖରେ ଗୋଳାବନ୍ଧ ସେକ୍ସନରେ ଏକ ଦନ୍ତାହାତୀର ବିଦ୍ୟୁତ ଆଘାତରେ ମୃତ୍ୟୁ ଘଟିଥିବାବେଳେ ରବିବାର ବିମଳା ଫରେଷ୍ଟ ବିଟ ଆକୁଳ ଗାଁ ନିଳାପଶି ମୁଣ୍ଡାସାହି ନିକଟ ଧାନ ଜମି ପାଖରେ ଗୋଟିଏ ୧୦ବର୍ଷର ହାତୀର ମୃତ୍ୟୁ ଘଟିଛି ।
ପାରିପାର୍ଶ୍ବିକ ଅବସ୍ଥାରୁ ହାତୀପଲଙ୍କ ଭିତରେ ସଂର୍ଘଷ ଘଟି ହାତୀର ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ତେଲକୋଇ ରେଞ୍ଜରେ ବାରମ୍ବାର ହାତୀ ମୃତ୍ୟୁ ଘଟୁଥିଲେ ମଧ୍ୟ ବନବିଭାଗ ପକ୍ଷରୁ ହାତୀ ସୁରକ୍ଷା ନେଇ କୌଣସି ଠୋସ ପଦକ୍ଷେପ ଗ୍ରହଣ କରୁନଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି ।
