କଲୋମ୍ବୋ, ୦୯/୦୯: ଏସିଆ କପର ସୁପର୍-୪ରେ ଆସନ୍ତାକାଲି ମୁହାଁମୁହିଁ ହେବେ ଭାରତ-ପାକିସ୍ତାନ । ଉଭୟ ଦେଶ ମଧ୍ୟରେ କଲୋମ୍ବୋରେ ଖେଳାଯିବାକୁ ଥିବା ମ୍ୟାଚ୍ ଭାରତୀୟ ସମୟ ଅପରାହ୍ଣ ୩ଟାରେ ଖେଳାଯିବ । ବାବର ଆଜାମ ପାକିସ୍ତାନ ଟିମର ନେତୃତ୍ୱ ନେଉଥିବା ବେଳେ ରୋହିତ ଶର୍ମାଙ୍କ ନେତୃତ୍ୱରେ ଖେଳୁଛି ଭାରତ । ଏହା ପୂର୍ବରୁ ଗ୍ରୁପ୍ ପର୍ଯ୍ୟାୟରେ ଦୁଇ ପଡ଼ୋଶୀଙ୍କ ମଧ୍ୟରେ ଖେଳା ଯାଇଥିବା ବେଳେ ବର୍ଷା ପାଇଁ ମ୍ୟାଚ୍ ରଦ୍ଦ ହୋଇଥିଲା ।
ସୁପର୍-୪ ମୁକାବିଲା ପୂର୍ବରୁ ଭାରତୀୟ ଦଳ ପାଇଁ ଭଲ ଖବର ଆସିଛି । ଦଳର ଷ୍ଟାର୍ ବୋଲର ଯଶପ୍ରୀତ ବୁମରା ଟିମ୍ ସହ ଯୋଡ଼ି ହୋଇଛନ୍ତି । ବ୍ୟକ୍ତିଗତ କାରଣ ପାଇଁ ବୁମରା ନେପାଳ ବିପକ୍ଷ ମ୍ୟାଚ୍ ନ ଖେଳି ଭାରତ ଆସିଥିଲେ । ବୁମରାଙ୍କ ଅନୁପସ୍ଥିତିରେ ପେସ୍ ବୋଲର ମୋହମ୍ମଦ ଶାମିଙ୍କୁ ନେପାଳ ବିପକ୍ଷ ମ୍ୟାଚରେ ଚୂଡ଼ାନ୍ତ ଏକାଦେଶରେ ସାମିଲ୍ କରାଯାଇଥିଲା । ନେପାଳ ବିପକ୍ଷ ମ୍ୟାଚରେ ମୋହମ୍ମଦ ଶାମି ୭ ଓଭରରେ ୨୯ ରନ୍ ଦେଇ ଗୋଟିଏ ୱିକେଟ୍ ନେଇଥିଲେ । ଏବେ ବୁମରା ଦଳକୁ ଫେରିଥିବାରୁ ଶାମିଙ୍କୁ ଚୂଡ଼ାନ୍ତ ଏକାଦେଶରେ ସ୍ଥାନ ମିଳି ନପାରେ ।
ଯୌତୁକ ମାମଲାରେ ମନମୁଖି ଗିରଫ ମନା, ପୁଲିସ୍ ଉପରେ ଲାଗିଲା ଅଙ୍କୁଶ: ହାଇକୋର୍ଟ ଜାରି କଲେ ବିଜ୍ଞପ୍ତି
ଆହତ ସମସ୍ୟାରୁ ମୁକ୍ତ ହୋଇ ୱିକେଟ୍ କିପର କେଏଲ୍ ରାହୁଲ ଦଳରେ ସାମିଲ୍ ହୋଇଛନ୍ତି । ଶୁକ୍ରବାର କଏଲ୍ ରାହୁଲ ଅଭ୍ୟାସ କରୁଥିବା ଦେଖିବାକୁ ମିଳିଛି । ଏବେ ପ୍ରଶ୍ନ ଚୂଡ଼ାନ୍ତ ଏକାଦେଶରେ ରାହୁଲଙ୍କୁ ସ୍ଥାନ ମିଳିଲେ କିଏ ବାଦ ପଡ଼ିବେ । କାରଣ ପାକିସ୍ତାନ ବିପକ୍ଷ ଗ୍ରୁପ୍ ମ୍ୟାଚରେ ଭଲ ବ୍ୟାଟିଂ କରି ଚୂଡ଼ାନ୍ତ ଏକାଦେଶରେ ପ୍ରାୟତଃ ସ୍ଥାନ ପକ୍କା କରି ନେଇଛନ୍ତି ଈଶାନ କିଷନ ।
ଚତୁର୍ଥ ସ୍ଥାନରେ ବ୍ୟାଟିଂ କରୁଥିବା ଶ୍ରେୟସ ଆୟରଙ୍କୁ ଚୂଡ଼ାନ୍ତ ଏକାଦେଶରେ ସ୍ଥାନ ମିଳି ନପାରେ । ପାକିସ୍ତାନ ବିପକ୍ଷ ମ୍ୟାଚରେ ଶ୍ରେୟସଙ୍କ ବ୍ୟାଟରୁ ସେଭଳି ବଡ଼ ସଟ୍ ଦେଖିବାକୁ ମିଳି ନଥିଲା । ତଥାପି ଚୟନ କମିଟି ଶ୍ରେୟସଙ୍କୁ ଆଉ ଏକ ସୁଯୋଗ ଦେବାକୁ ଚାହୁଁଛି । ଶ୍ରେୟସ ଆୟର ଖେଳିଲେ କେଏଲ୍ ରାହୁଲଙ୍କୁ ଟିମରେ ସ୍ଥାନ ମିଳି ନପାରେ ।
୧୨୦ ବର୍ଷରେ ସବୁଠୁ ଶକ୍ତିଶାଳୀ ଭୂମିକମ୍ପ; ୬.୮ ତୀବ୍ରତାରେ ଥରିଲା ମୋରୋକ୍କୋ, ୨୯୬ ଜଣଙ୍କ ମୃତ୍ୟୁ
ପାକିସ୍ତାନ ବିପକ୍ଷ ମ୍ୟାଚରେ ଶାର୍ଦ୍ଦୁଲ ଠାକୁରଙ୍କ ପରିବର୍ତ୍ତେ ଆଉ ଜଣେ ସ୍ପିନରଙ୍କୁ ସ୍ଥାନ ମିଳିପାରେ । ସିରିଜରେ ବୁମରା ଫ୍ରଣ୍ଟଲାଇନ୍ ପେସର୍ ହୋଇଥିବା ବେଳେ ହାର୍ଦ୍ଦିକ ପାଣ୍ଡ୍ୟା ସିମର ଭାବେ ରହିବେ । ସ୍ପିନର୍ ଭାବେ କୁଲଦୀପ ଯାଦବ, ରବୀନ୍ଦ୍ର ଜାଡ଼େଜା ଓ ଅକ୍ଷର ପଟେଲ ଖେଳିବେ ।
ଆସନ୍ତାକାଲି ମ୍ୟାଚ୍ କଲୋମ୍ବୋରେ ଖେଳାଯିବ । ଯଦି ୧୦ ତାରିଖ ମ୍ୟାଚରେ ବର୍ଷା ବାଧକ ସାଜେ ତ ୧୧ ତାରିଖରେ ପୁଣି ମୁକାବିଲା ହେବ । କାରଣ ଏସିସି ରିଜର୍ଭ ଡେ ରଖିଛି । ଟୁର୍ଣ୍ଣାମେଣ୍ଟରେ ଅନ୍ୟ କୌଣସି ଦିନ ରିଜର୍ଭ ଡେ ନଥିଲା ।
