ପ୍ରମୁଖ ଖବର
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ବାଲିଯାତ୍ରା ପଡିଆରେ ବିଜେପି ପ୍ରଚାର ମଞ୍ଚ; ଚା’, ପାଣି ଦେଇ ସଫଳତା ବଖାଣିଲେ

କଟକ,୦୪/୧୨: ପ୍ରତିଦିନ ଲକ୍ଷଲକ୍ଷ ଲୋକଙ୍କ ସମାଗମ ହେତୁ ବାଲିଯାତ୍ରାକୁ ରାଜନୈତିକ ପୃଷ୍ଠଭୂମି ଭାବେ ବ୍ୟବହାର କରିଛି ବିଜେପି । ଜିଲ୍ଲା ବିଜେପି ଓ ନଗର ବିଜେପି ମିଳିତ ଭାବେ ବାଲିଯାତ୍ରାରେ ‘ପ୍ରଚାର ମଞ୍ଚ’ ନାମରେ ଏକ ଷ୍ଟଲ୍‌ ଖୋଲି ଜନସମର୍ଥନ ଯୋଗାଡ଼ିବାକୁ ଉଦ୍ୟମ କରିଛନ୍ତି । ଲୋକଙ୍କୁ ଚା’ପାଣି ଓ ଖାଦ୍ୟପେୟ ଦେଇ, ରେଷ୍ଟ୍‌ ରୁମ୍‌ରେ ବସାଇ ମୋଦି ସରକାରର ଉନ୍ନତିମୂଳକ ଯୋଜନା ଗୁଡିକ ସମ୍ପର୍କରେ ବୁଝାଯାଉଛି । କେବଳ ସେତିକି ନୁହେଁ, ଆଜି ତିନି ରାଜ୍ୟର ନିର୍ବାଚନୀ ଫଳାଫଳକୁ ନେଇ ବାଲିଯାତ୍ରା ପଡ଼ିଆସ୍ଥିତ ବିଜେପି ଷ୍ଟଲ୍‌ ସାମ୍ନାରେ ବିଜୟ ଉତ୍ସବ ପାଳନ କରିଛି ବିଜେପି ।

କଟକ ଇନ୍‌ କଟକ ସମ୍ମୁଖରେ ଥିବା ଏହି ପ୍ରଚାର ମଞ୍ଚକୁ ବିଜେପି ଜିଲ୍ଲା ସଭାପତି ପ୍ରକାଶ ବେହେରା ଉଦ୍‌ଘାଟନ କରିଛନ୍ତି । ନଗର ସଭାପତି ଲଲାଟେନ୍ଦୁ ବଡୁଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଜିଲ୍ଲାର ପ୍ରାୟ ନିର୍ବାଚନ ମଣ୍ଡଳୀରୁ ଛାମୁଆ ନେତାମାନେ ଯୋଗ ଦେଇଥିଲେ । ବାଲିଯାତ୍ରାରେ ପ୍ରଚାର ମଞ୍ଚ କରି ଜନସମର୍ଥନ ଯୋଗାଡ଼ କରିବା ଲକ୍ଷ୍ୟରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଛି । ଯୋଜନା ମୁତାବକ, ଏହି ମଞ୍ଚରେ ଆଗକୁ ବାଲିଯାତ୍ରା ସରିବା ପର୍ଯ୍ୟନ୍ତ ବିଜେପି କର୍ମୀମାନେ ଉପସ୍ଥିତ ରହିବେ । ସାରା ରାଜ୍ୟରୁ ଯେଉଁ ଦର୍ଶକମାନେ ବାଲିଯାତ୍ରାକୁ ବୁଲି ଆସୁଛନ୍ତି ସେମାନଙ୍କ ଭଲମନ୍ଦ ବୁଝିବେ । ବୃଦ୍ଧବୃଦ୍ଧାଙ୍କୁ ମେଳା ବୁଲିବାରେ ସହାୟତା କରିବେ । ଥକିଗଲେ ଆଣି ବିଶ୍ରାମ ଗୃହରେ ବସାଇ ଚା’ ଓ ପାଣି ଯୋଗାଇ ଦେବେ । ବିଶ୍ରାମ ନେଉଥିବା ଲୋକଙ୍କୁ ବିଜେପିର ଆଭିମୁଖ୍ୟ ସମ୍ପର୍କରେ ବୁଝାଇବେ ।

ମଞ୍ଚ ବିଷୟରେ ଜିଲ୍ଲା ସଭାପତି ଶ୍ରୀ ବେହେରା କହିଛନ୍ତି ଯେ, ସାରା ରାଜ୍ୟରୁ ଆସିଥିବା ଅତିଥିମାନଙ୍କୁ ସେବା ଯୋଗାଇଦେବା ଉଦ୍ଦେଶ୍ୟରେ ଏହି ମଞ୍ଚ ସମର୍ପିତ । ଯେ କୌଣସି ସମସ୍ୟାରେ ସମ୍ମୁଖୀନ ହେଉଥିବା ଲୋକମାନଙ୍କୁ ଉପଯୁକ୍ତ ସେବା ଯୋଗାଇ ଦେବା ହେଉଛି ଆମର ପ୍ରାଥମିକତା । ଏହି କାର୍ଯ୍ୟକ୍ରମରେ ବରିଷ୍ଠ ନେତା ନୟନ କିଶାର ମହାନ୍ତି, ବ୍ରଜେନ୍ଦ୍ର ରାୟ, ଶୁଭ୍ରାଂଶୁ ମୋହନ ପାଢ଼ୀ, ହୃଷିକେଶ ଜେନା, ସିକନ୍ଦର ଅଲ୍ଲୀ, ରାମନାରାୟଣ ମହାନ୍ତି, ଆଲୋକ ଚନ୍ଦ୍ର ମହାନ୍ତି, ପ୍ରଭାସ ରାଉତ, ବିନୋଦ ଦାଶ, ପ୍ରଦୀପ ବେହେରା, ବୁଲୁ ସ୍ୱାଇଁ, ବାବୁ ସ୍ୱାଇଁ, ସୁଶାନ୍ତ ଜେନା, ନିର୍ମଳ ପତ୍ରୀ, ଅଶୋକ ସାହୁ, କର୍ପୋରେଟର ଗୋପାଳ ବେହେରା, ଲକ୍ଷ୍ମୀଧର ବେହେରା, ଦୀପକ ଦାସଙ୍କ ସମେତ ଅନ୍ୟମାନେ ଉପସ୍ଥିତ ରହିଥିଲେ । ତିନି ରାଜ୍ୟରେ ଆଜି ବିଜେପିର ବିଜୟ ଲାଗି ବାଲିଯାତ୍ରାରେ ବାଣ ଫୁଟାଇ, ମିଠା ବଣ୍ଟାଯାଇ ଉତ୍ସବ ପାଳନ କରାଯାଇଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.