ନୂଆଦିଲ୍ଲୀ, ୦୫/୧୧: ସେନାରେ ଏଣିକି ମାତୃତ୍ୱ ଛୁଟିକୁ ନେଇ ରାଙ୍କରେ ଆଉ ଭେଦଭାବ ହେବ ନାହିଁ । ମହିଳା ସୈନିକ, ନୌସେନା ଓ ବାୟୁ ସେନାରେ ସମସ୍ତଙ୍କୁ ସମାନ ବା ବରାବର ମାତୃତ୍ୱ, ଛୁଆର ଦେଖାଶୁଣା ଓ ଆଇନ୍ ଅନୁସାରେ ଛୁଆ ଜନ୍ମ ବେଳେ ଛୁଟି ମିଳିବ ।

ରବିବାର ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଏ ସମ୍ପର୍କିତ ପ୍ରସ୍ତାବକୁ ଅନୁମୋଦନ ମିଳିଛି । ମନ୍ତ୍ରଣାଳୟ ଅନୁସାରେ, ନିୟମ ଜାରି ହେବା ସହ ସେନାରେ ସମସ୍ତ ମହିଳାଙ୍କ କ୍ଷେତ୍ରରେ ଏଭଳି ଛୁଟି ସମାନ ଭାବେ ଲାଗୁ କରାଯିବ । ସିଏ ଅଧିକାରୀ ହୁଅନ୍ତୁ ଅବା ଅନ୍ୟ କୌଣସି ରାଙ୍କର ସମସ୍ତଙ୍କ ପାଇଁ ଛୁଟି ନିୟମ ସମାନ ରହିବ ।

ଗାଜା ଉପରେ ପରମାଣୁ ବୋମା ପକାଇବା ‘ବିକଳ୍ପ’ ହୋଇପାରେ ବୋଲି କହିଲେ ଇସ୍ରାଏଲର ମନ୍ତ୍ରୀ

ପ୍ରତିରକ୍ଷା ମନ୍ତ୍ରଣାଳୟ ଅନୁସାରେ, ଏହି ପଦକ୍ଷେପ ଦ୍ୱାରା ସେନାରେ ମହିଳାଙ୍କ କାର୍ଯ୍ୟରେ ସ୍ଥିରତା ଆସିବା ସହ ସୁଧାର ଆସିବ । ସେମାନଙ୍କ ପେଶାଗତ ଓ ପାରିବାରିକ ଜୀବନରେ ଉତ୍ତମ ସନ୍ତୁଳନ ଆଣିବାକୁ ସହାୟକ ହେବ । ଏବେ ଦୁନିଆର ସବୁଠୁ ଉଚ୍ଚ ଯୁଦ୍ଧକ୍ଷେତ୍ର ସିଆଚିନ୍ ସହ ଯୁଦ୍ଧପୋତ ଏବଂ ଆକାଶ ମାର୍ଗରେ ସବୁଠି ସେନାରେ ମହିଳା ସବୁ ବାଧାବିଘ୍ନକୁ ପାର୍ କରି କାର୍ଯ୍ୟ କରୁଛନ୍ତି ।

୨୦୧୯ରେ ଭାରତୀୟ ସେନାର ସୈନ୍ୟ ପୋଲିସ କୋରରେ ସୈନିକ ଭାବେ ମହିଳାଙ୍କୁ ଭର୍ତ୍ତି ଦେବା ଲାଗି ଏକ ମହତ୍ତ୍ୱପୂର୍ଣ୍ଣ ଉପଲବ୍ଧି ହାସଲ କରିଥିଲା ଭାରତ । 

କଂଗ୍ରେସର ଛତିଶଗଡ଼ ନିର୍ବାଚନ ପ୍ରତିଶ୍ରୁତି; ଘୋଷଣା ପତ୍ରରେ ୧୭ ଗ୍ୟାରେଣ୍ଟି, ୨୦୦ ୟୁନିଟ୍ ଯାଏଁ ମାଗଣା ବିଦ୍ୟୁତ୍