ନୂଆଦିଲ୍ଲୀ ୨୮/୧୧: ମହୁ ପ୍ରକୃତିର ଏମିତି ଏକ ଉପହାର ଯାହାର ଗୋଟିଏ ନୁହେଁ ରହିଛି ଅନେକ ଲାଭ । ଏହା ସ୍ୱାଦିଷ୍ଟ ସାଙ୍ଗକୁ ଔଷଧୀୟ ଗୁଣରେ ଭରପୂର । ଏବେ ଅଫଲାଇନ୍ ଏବଂ ଅନଲାଇନ୍ରେ ମହୁର ବ୍ୟବସାୟ ବୃଦ୍ଧି ପାଇଛି । କିନ୍ତୁ ବେଳେ ବେଳେ ନକଲି ମହୁ ମଧ୍ୟ ମିଳୁଛି । ଯେଉଁଥିପାଇଁ ଆମେ ଅସଲି ଏବଂ ନକଲି ମହୁ ଭିତରେ ଫରକ ଜାଣି ପାରୁନାହୁଁ । ତେବେ ମହୁ ଅସଲି ନା ନକଲି କିପରି ଜାଣିବେ ଆସନ୍ତୁ ଜାଣିବା ସେ ବିଷୟରେ।
-ତୁଳା ନିଅନ୍ତୁ ଏବଂ ଏହାକୁ ଦିଆସିଲି କାଠିରେ ଗୁଡାଇ ଦିଅନ୍ତୁ । ଏହାପରେ ତାକୁ ମହୁରେ ବୁଡାଇ ଦିଅନ୍ତୁ । କିଛି ସମୟ ପରେ ଏଥିରେ ନିଆଁ ଲଗାଇ ଦେଖନ୍ତୁ ଯଦି ତୁଳାରେ ନିଆଁ ଲାଗିଯିବ ତା’ହେଲେ ଜାଣିବେ ମହୁ ଅସଲି । ନିଆଁ ନ ଲାଗିଲେ ଜାଣିବେ ନକଲି ।
-ଗୋଟିଏ ଗ୍ଲାସ୍ରେ ପାଣି ନିଅନ୍ତୁ । ଏଥିରେ ଚାମଚ ସାହାଯ୍ୟରେ ମହୁ ପକାଇ ଦେଖନ୍ତୁ । ଯଦି ମହୁ ପାଣିରେ ଭାସିବ କିମ୍ବା ମିଳେଇ ଯିବ ଜାଣି ନେବେ ଯେ ଏହା ନକଲି ମହୁ । ମହୁର ବୁନ୍ଦା ପାଣିର ତଳକୁ ଖସିଗଲେ ଏହା ଅସଲି ।
-ଏକ ପାତ୍ରରେ ବଡ଼ ଚାମଚ ମହୁ ନିଅନ୍ତୁ । ଏହା ଉପରେ ଭିନେଗାରର ଗୋଟିଏ ବୁନ୍ଦା ପକାନ୍ତୁ । ଯଦି ଏହି ଘୋଳରୁ ଫେଣ ସୃଷ୍ଟି ହେବ ଜାଣିବେ ମହୁ ନକଲି ।
-କୌଣସି କପଡ଼ାରେ ମହୁର କିଛି ବୁନ୍ଦା ପକାନ୍ତୁ । ଏହାପରେ କପଡ଼ାକୁ ପାଣିରେ ଧୋଇ ନିଅନ୍ତୁ । ଯଦି ଦାଗ ରହିଯିବ ଜାଣିବେ ମହୁ ନକଲି । ସ୍ୱାସ୍ଥ୍ୟ ପାଇଁ ଖରାପ ନକଲି ମହୁ ଖାଇଲେ ପେଟ ଖରାପ ହେବା ସାଙ୍ଗକୁ ବିଭିନ୍ନ ସ୍ୱାସ୍ଥ୍ୟ ସମସ୍ୟା ଦେଖାଦିଏ । ନକଲି ମହୁରେ ମିଠା ସ୍ୱାଦ ବୃଦ୍ଧି କରିବା ପାଇଁ ଆବଶ୍ୟକତାଠାରୁ ଅଧିକ ଚିନି ବ୍ୟବହୃତ ହୋଇଥାଏ । ଏହି ପ୍ରକାର ମହୁ ବ୍ୟବହାର କଲେ ଶୀଘଅର ଓଜନ ବୃଦ୍ଧି ପାଏ ।