ନୀଳଗିରି,୧୨/୨ : ନୀଳଗିରି ତହସିଲ ଅଧୀନ ମାଟିଆଳୀ (ବଇଁଚା)ବାଲି ଖାଦାନରୁ ଦୈନନ୍ଦିନ ବିନା କାଗଜପତ୍ରରେ ଚାଲାଣ ହେଉଛି ଶହଶହ ଟ୍ରିପବାଲି। ଆଜି ବରମପୁର ପୋଲିସ ଏକ ବାଲି ବୋଝେଇ ଡ଼ମ୍ଫରକୁ ବିଶେଷ ସୂତ୍ରରୁ ଖବରପାଇ ମାଡ଼ି ବସିଥିବା ଜଣାପଡିଛି । ଆଜି ବରହମପୁର ଥାନା ଏଏସଆଇ ସସ୍ମିତା ପାଣିଗ୍ରାହୀ ମାଟିଆଳୀ ଘାଟରୁ ବାଲି ଉତ୍ତୋଳନ କରି ବରହମପୁର ଅଭିମୁଖେ ଆସୁଥିବା ଏକ ଡ଼ମ୍ଫରକୁ ଯାଞ୍ଚ କରିଥିଲା। 

ହେଲେ ପରମିଟ ନ ଥିବାରୁ ଗାଡ଼ିଟିକୁ ଜବତ କରି କେଶ ନଂ ୩୫/୨୪ରେ ଏକ ମାମଲା ରୁଜ୍ଜୁ କରିଛନ୍ତି। ଜବତ ହୋଇଥିବା ବାଲି ବୋଝେଇ ଡ଼ମ୍ଫରଟି ମାଲିକ ନୀଳଗିରି ଥାନା ଅଧିନ ଖରଡ଼ିଆ ଅଞ୍ଚଳର ସନ୍ତୋଷ ବିଶ୍ଵାଳଙ୍କ ନାମରେ ଥିବାବେଳେ ଗାଡ଼ି ନମ୍ବର ଓଡି-୦୧-ଡି-୦୭୯୯ ଜଣାପଡ଼ିଛି। ତେବେ ସୋନ ନଦୀରେ ଦିନକୁ ଦିନ ବାଲି ଚୋରା ଚାଲାଣ ହେଉଥିବାବେଳେ ରାଜସ୍ୱ ବିଭାଗ ଓ ଖଣିଜ ବିଭାଗ ଯତ୍ନବାନ ହେବା ଆବଶ୍ୟକ ବୋଲି ମତପ୍ରକାଶ ପାଇଛି ।