ଜେରୁଜେଲମ୍, ୧୬/୧୧: ଇସ୍ରାଏଲ୍ ସେନା ଗାଜାର ଅଲ୍-ଶିଫା ହସ୍ପିଟାଲରେ ପଶିବା ପରେ ବଡ଼ ଦାବି କରିଛି । କହିଛି, ହସ୍ପିଟାଲ୍ ପରିସରରେ ଥିବା କମାଣ୍ଡ ସେଣ୍ଟରରୁ ଅସ୍ତ୍ରଶସ୍ତ୍ର ମିଳିଛି । ତେବେ ଇସ୍ରାଏଲ୍ କରିଥିବା ଦାବିକୁ ଅଗ୍ରାହ୍ୟ କରିଛି ହମାସ୍ । ଇସ୍ରାଏଲ୍ ସେନା ଏବେ ବି ଅଲ୍-ଶିଫା ହସ୍ପିଟାଲ୍ ପରିସରରେ ଛାନଭିନ୍ ଜାରି ରଖିଛି ।

ଇସ୍ରାଏଲ୍ ସେନାର ମୁଖପାତ୍ର ଡେନିଏଲ୍ ହଗାରୀଙ୍କ ଅନୁସାରେ, ହସ୍ପିଟାଲରେ ଖୋଳତାଡ଼ ବେଳେ ସେନାକୁ ଗୁଇନ୍ଦା ତଥ୍ୟ ହାସଲ ଉପକରଣ, ସୈନ୍ୟ ଅସ୍ତ୍ରଶସ୍ତ୍ର ମିଳିଛି । ହସ୍ପିଟାଲ୍ ଭିତରେ ରହିଛି ଏକ ଅପରେସନାଲ୍ ମୁଖ୍ୟାଳୟ । ସେଠାରୁ ଆକ୍ରମଣ ପାଇଁ ବ୍ୟବହୃତ ସାମଗ୍ରୀ ସହ ହମାସର ପୋଷାକ ମିଳିଛି ।

ଓଡ଼ିଶାର ସବୁ ବନ୍ଦରରେ ୧ ନମ୍ବର ବିପଦ ସଂକେତ, ୧୬ରୁ ୧୮ ପର୍ଯ୍ୟନ୍ତ ମତ୍ସ୍ୟଜୀବୀଙ୍କୁ ସମୁଦ୍ର ମନା

ଆଇଡିଏଫ୍ ପକ୍ଷରୁ ଏକ ଭିଡିଓ ଜାରି କରାଯାଇଛି । ଯେଉଁଥିରେ ହସ୍ପିଟାଲ୍ ପରିସରରେ ଥିବା ଏକ ଅଜଣା କୋଠାରେ ସ୍ୱୟଂଚାଳିତ ଅସ୍ତ୍ରଶସ୍ତ୍ର ସହ ଗୁଳିଗୋଳା ଓ ଜ୍ୟାକେଟ୍ ରହିଛି । ଡେନିଏଲ୍ କହିଛନ୍ତି, ଏ ସମସ୍ତ ସାମଗ୍ରୀ ସଂକେତ ଦେଉଛି ଅଲ୍-ଶିଫା ହସ୍ପିଟାଲର ବ୍ୟବହାର ଆତଙ୍କବାଦ ପାଇଁ କରାଯାଉଥିଲା ।

ଅଲ୍-ଶିଫା ହସ୍ପିଟାଲରେ ଛାନଭିନ୍ ପରେ ଇସ୍ରାଏଲ୍ ସେନା ଚିକିତ୍ସାଧୀନ ରୋଗୀଙ୍କ ପାଇଁ ସହାୟତା ସାମଗ୍ରୀ ପଠାଇଛି । ସେନା ପକ୍ଷରୁ କୁହାଯାଇଛି, ସାଧାରଣ ନାଗରିକଙ୍କୁ କମ୍ କ୍ଷତି ପହଞ୍ଚାଇ ଇସ୍ରାଏଲ୍ ଡିଫେନ୍ସ ଫୋର୍ସ ମାନବୀୟ ସହାୟତା ପ୍ରଦାନ କରିଛି ।

ତେଲଙ୍ଗାନା ଭୋଟ୍ ପୂର୍ବରୁ ବିଆରଏସ୍ ପ୍ରାର୍ଥୀଙ୍କ ଘରେ ଆୟକର ଚଢ଼ାଉ

ଅଲ୍-ଶିଫା ହସ୍ପିଟାଲେ ଇସ୍ରାଏଲ୍ ଡିଫେନ୍ସ ଫୋର୍ସ ପଶିବା ପରେ ବେଞ୍ଜାମିନ୍ ନେତନ୍ୟାହୁ କହିଥିଲେ, ଗାଜାରେ ଏଭଳି କୌଣସି ସ୍ଥାନ ନାହିଁ । ଯେଉଁଠି ଆମ ସେନା ପହଞ୍ଚି ପାରିବ ନାହିଁ । ଆମେ ହମାସ୍ ପାଖରେ ପହଞ୍ଚିବୁ, ତାକୁ ଶେଷ କରିବା ସହ ପଣବନ୍ଦୀ ଥିବା ନାଗରିକଙ୍କୁ ମୁକ୍ତ କରି ଫେରାଇ ଆଣିବୁ ।