ପ୍ରମୁଖ ଖବର
  • ବୌଦ୍ଧ : ବାଇକ୍କୁ ଧକ୍କା ଦେଲା ରେଲୱେ ବିଭାଗର ବୋଲେରୋ, ବାଇକ୍ ଆରୋହୀ ମୃତ
  • ||
  • ଖରସ୍ରୋତାରେ ୨ ଭାଇ ନିଖୋଜ ଘଟଣା, ବଡ଼ଭାଇର ମୃତଦେହ ଉଦ୍ଧାର
  • ||
  • ବରଗଡ଼: ଡ଼ଭା ଛକରେ ପୋଲିସର ଚେକିଂ ବେଳେ ୬ ଲକ୍ଷ ୫୨ ହଜାର ୮୦୦ଟଙ୍କା ଜବତ, ୨ ଜଣ ଅଟକ
  • ||
  • ନନ୍ଦନକାନନରେ ଆଖିବୁଜିଲା ଧଳା ବାଘୁଣୀ ସ୍ନେହା, ଗୁରୁତର ଅବସ୍ଥାରେ ଚାଲିଥିଲା ଚିକିତ୍ସା
  • ||
  • ନିର୍ଘାତ ତାତି: ସାଢ଼େ ୮ଟା ସୁଦ୍ଧା ୩୫ ଡିଗ୍ରୀ ଉପରେ ତାଳଚେର ତାପମାତ୍ରା, ୩୦ ଡିଗ୍ରୀ ଉପରେ ୧୪ ସହର ପାରଦ
  • ||
  • ସୁନା ଦରରେ ଲାଗିଲା ବ୍ରେକ୍‌, ୨୪ କ୍ୟାରେଟ୍‌ ସୁନା ଦର ୩୩୦ ଟଙ୍କା ହ୍ରାସ
  • ||
  • ବିଦ୍ରୋହୀ ବିଗାଡ଼ିବେ ଅଙ୍କ, ଚିନ୍ତାରେ ବିଜେପି: ପ୍ରଥମ ଦଫା ଭୋଟ ପାଇଁ ନାମାଙ୍କନ ଆରମ୍ଭ,ଜୟପୁର ପାଇଁ ପ୍ରାର୍ଥୀ ପାଉନି ଦଳ
  • ||
  • ନିୟମଗିରିରେ ମ୍ୟାଲେରିଆ ଆତଙ୍କ: ବହୁସଂଖ୍ୟାରେ ଡଙ୍ଗରିଆ ପୀଡ଼ିତ, ପହଞ୍ଚିଲା ଡାକ୍ତରୀ ଟିମ୍
  • ||
  • ବିଜେଡି ଛାଡ଼ି ବିଜେପି ଯିବେ ପ୍ରସନ୍ନ ପାଟ୍ଟଶାଣୀ ! ଆଜି ହୋଇପାରେ କିଛି ବଡ଼ ଘୋଷଣା
  • ||
  • IPL 2024 : ସୁପର ଜାଏଣ୍ଟସ୍‌କୁ ଭେଟିବ ସୁପରକିଙ୍ଗସ୍, ଏକାନ୍ନା ଷ୍ଟାଡ଼ିୟମ୍‌ର ଦେଖିବାକୁ ମିଳିବ ସଂଘର୍ଷପୂର୍ଣ୍ଣ ମ୍ୟାଚ୍‌
  • ||
  • ଗଣତନ୍ତ୍ରର ମହାପର୍ବ: ପ୍ରଥମ ପର୍ଯ୍ୟାୟରେ ୧୭ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳର ୧୦୨ ଆସନରେ ମତଦାନ
  • ||
  • ବିପଜ୍ଜନକ ଖରା: ଆଜି ଅତି ଭୀଷଣ ଗ୍ରୀଷ୍ମ ପ୍ରବାହ ସମ୍ଭାବନା, ଆହୁରି ୩ ଦିନ ଜଳାଇବ, ୨୨ରୁ ହାଲୁକା ଆଶ୍ୱସ୍ତ
  • ||

୧୦୦ ଆସନରେ ବିଜେପି ପ୍ରାର୍ଥୀ ଚୂଡାନ୍ତ ! କଟିପାରେ ୭୦ ସାଂସଦଙ୍କ ଟିକେଟ, ନୂଆ ମୁହଁ ଓ ମହିଳାଙ୍କୁ ମିଳିପାରେ ସୁଯୋଗ

ନୂଆଦିଲ୍ଲୀ, ୦୨/୦୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗୁରୁବାର ଅନୁଷ୍ଠିତ ବିଜେପି  ବୈଠକରେ ଲୋକସଭା ନିର୍ବାଚନ ଲାଗି ୧୦୦  ପ୍ରାର୍ଥୀଙ୍କ ନାଁ ଚୂଡ଼ାନ୍ତ ହୋଇଥିବା ଚର୍ଚ୍ଚା ହେଉଛି । କିଛି ଦନ ମଧ୍ୟରେ ପ୍ରଥମ ପର୍ଯ୍ୟାୟ ପ୍ରାର୍ଥୀ  ତାଲିକା ପ୍ରକାଶ ପାଇପାରେ । ଏହି ତାଲିକାରେ  ମୋଦି ବାରାଣସୀରୁ, ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ  ଗୁଜରାଟର ଗାନ୍ଧୀନଗରରୁ, ପ୍ରତିରକ୍ଷା ମନ୍ତ୍ରୀ  ରାଜନାଥ ସିଂ ଲକ୍ଷ୍ନୌରୁ ପ୍ରାର୍ଥୀ ହେବା ନେଇ  ଫୋକସ୍‌ କରାଯାଇଥିବାବେଳେ ୨୦୧୯ରେ  ଅଳ୍ପ ଭୋଟ ବ୍ୟବଧାନରେ ହାତରୁ ଯାଇଥିବା  ଆସନଗୁଡ଼ିକ ଉପରେ ଗୁରୁତ୍ୱ ଦିଆଯାଇଛି ।  ବିଳମ୍ବିତ ରାତିରେ ୪ ଘଣ୍ଟା ଧରି ବସିଥିବା ଏହି  ବୈଠକରେ ଉତ୍ତରପ୍ରଦେଶ, ମଧ୍ୟପ୍ରଦେଶ,  ଗୁଜରାଟ, ଆସାମ, କେରଳ, ତେଲଙ୍ଗାନା ପ୍ରମୁଖ  ରାଜ୍ୟକୁ ବିଜେପି ଫୋକସ୍‌ କରିଛି । ବୈଠକରେ  ବିଜେପି ଅଧ୍ୟକ୍ଷ ଜେ.ପି ନଡ୍ଡା, ଶାହ, ରାଜନାଥ  ସିଂ ପ୍ରମୁଖ ଉପସ୍ଥିତ ଥିଲେ । 

ସୂଚନା ଅନୁସାରେ, ଆସନ୍ତା ଏପ୍ରିଲ-ମେ’ରେ ହେବାକୁ ଥିବା ସାଧାରଣ ନିର୍ବାଚନରେ  ଏବେ ରାଜ୍ୟସଭାରେ ଥିବା କେତେକ ପ୍ରମୁଖ  ନେତା ଲୋକସଭା ନିର୍ବାଚନ ଲଢ଼ିପାରନ୍ତି ।  କେନ୍ଦ୍ରମନ୍ତ୍ରୀ ଭୂପେନ୍ଦର ଯାଦବ, ନିର୍ମଳା  ସୀତାରମଣ, ସର୍ବାନନ୍ଦ ସୋନୋୱାଲ,  ଜ୍ୟୋତିରାଦିତ୍ୟ ସିନ୍ଧିଆ, କେନ୍ଦ୍ର ରାଷ୍ଟ୍ରମନ୍ତ୍ରୀ ଭି. ମୁରଲୀଧରନ ପ୍ରମୁଖ ରାଜ୍ୟସଭା ସାଂସଦ  ଏହି ତାଲିକାରେ ରହିଛନ୍ତି । ଏଥିସହ ବିଜେପି  କେତେକ ପ୍ରମୁଖ ନୂଆ ଚେହେରା ଏବଂ ମହିଳାଙ୍କୁ  ସିଧାସଳଖ ଲୋକସଭା ଟିକେଟ ଦେବାକୁ ନିଷ୍ପତ୍ତି  ନେଇଛି । ଉଦାହରଣ ଭାବେ ବିଜେପି ଭୋଜପୁରୀ  ଷ୍ଟାର ପୱନ ସିଂଙ୍କୁ ପଶ୍ଚିମବଙ୍ଗର ଆସାନସୋଲ  ଟିକେଟ ଦେଇପାରେ । ପ୍ରାର୍ଥୀ ତାଲିକା ପ୍ରସ୍ତୁତି  ପାଇଁ ବିଜେପି ଜୋରଦାର କସରତ ଚଳାଇଛି ।  ନମୋ ଆପ୍‌ ଏବଂ ଅନ୍ୟ ମାଧ୍ୟମରେ ଦଳ ଜନମତ  ସଂଗ୍ରହ ମଧ୍ୟ କରୁଛି । ସେମାନଙ୍କ ନିଜ ନିଜ  ଅଞ୍ଚଳରେ କେଉଁ ନେତାଙ୍କୁ ଲୋକେ ଚାହୁଁଛନ୍ତି  ତାହା ଜଣାଇବାକୁ ବିଜେପି ଅପିଲ କରିଛି ।  ଏଥିସହ ବିଜେପି ଶାସିତ ରାଜ୍ୟଗୁଡ଼ିକରେ  ସାଂସଦମାନେ କରିଥିବା କାମର ରିପୋର୍ଟ ମଧ୍ୟ  ହାଇକମାଣ୍ଡ ମଗାଇଛନ୍ତି ।  

ସେହିପରି କେତେକ ପୁରୁଣା ନେତାଙ୍କ  ଟିକେଟ କଟିବା ଉପରେ ମଧ୍ୟ ବୈଠକରେ  ଆଲୋଚନା ହୋଇଥିବା ଜଣାଯାଇଛି । ସୂଚନା ଅନୁସାରେ, ଆସନ୍ତା ୩ ତାରିଖରେ ମୋଦିଙ୍କ  ଅଧ୍ୟକ୍ଷତାରେ ପରବର୍ତ୍ତୀ ବୈଠକ ବସିବ ।  ଏଥିରେ ସମସ୍ତ ସାଂସଦଙ୍କ ରିପୋର୍ଟ କାର୍ଡର ହିସାବ କରାଯିବ । କାର୍ଯ୍ୟ ପ୍ରଦର୍ଶନ ଆଧାରରେ  ପୁରୁଣା ସାଂସଦଙ୍କ ଟିକେଟ ମଧ୍ୟ କଟିପାରେ।  ସେମାନଙ୍କ ମଧ୍ୟରେ ଉତ୍ତରପ୍ରଦେଶ ଏବଂ ବିହାରର  କେତେଜଣ ପ୍ରମୁଖ ମନ୍ତ୍ରୀ ରହିଛନ୍ତି । ଅନ୍ୟୁନ  ୬୦ରୁ ୭୦ ସାଂସଦଙ୍କ ଟିକେଟ କଟିପାରେ ।  ସେମାନଙ୍କ ସ୍ଥାନରେ ନୂଆ କିମ୍ବା କେତେଜଣ  ପ୍ରମୁଖ ନେତାଙ୍କୁ ଟିକେଟ ଦିଆଯାଇପାରେ ।  ତେବେ କୌଣସି ଓବିସି ସାଂସଦଙ୍କ ଟିକେଟ କଟିବା  ସମ୍ଭାବନା କମ୍‌ ରହିଛି । ୨୦୧୯ରେ ଦଳ ଯେଉଁ  ୩୦୩ ଓବିସି ସାଂସଦଙ୍କୁ ମଇଦାନକୁ ଓହ୍ଲାଇଥିଲା ସେମାନଙ୍କ ମଧ୍ୟରୁ ୮୫ ଜଣ ବିଜୟୀ ହୋଇଥିଲେ ।

  • General Election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.