ଢେଙ୍କାନାଳ, ୨୧/୧୧ : ବେକରେ ରଶି ଲଗାଇ ଝୁଲିପଡ଼ିଲେ ପ୍ରେମୀଯୁଗଳ। ଗୁରୁତର ଅବସ୍ଥାରେ ପ୍ରେମିକାକୁ ଡାକ୍ତରଖାନାରେ ଭର୍ତ୍ତି। ପ୍ରେମକ ମୃତ। ଢେଙ୍କାନାଳ ଜିଲ୍ଲା ଗୋବିନ୍ଦପୁର ନୂଆସାହି ଆମ୍ବ ତୋଟାରେ ଏଭଳି ଅଭାବନୀୟ ଘଟଣା ଘଟିଛି। 

ସୂଚନାନୁଯାୟୀ, ଗୋବିନ୍ଦପୁର ଅଞ୍ଚଳର ଜଣେ ଯୁବକ ବଳଦିଆବନ୍ଧ ନୂଆ ସାହିର ଯୁବତୀଙ୍କୁ ଭଲ ପାଉଥିଲେ। ତେବେ କୌଣସି କାରଣବଶତଃ ଉଭୟ ନୂଆସାହି ଆମ୍ବ ତୋଟାରେ ଆତ୍ମହତ୍ୟା ଉଦ୍ୟମ କରିଛନ୍ତି। ଯୁବତୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଯୁବକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ଘଟଣାସ୍ଥଳରେ ସଦର ଥାନା ଗୋବିନ୍ଦ ପୁର ଫାଣ୍ଡି ପୁଲିସର ତଦନ୍ତ ଆରମ୍ଭ କରିଛି। କେଉଁ କାରଣ ପାଇଁ ଉଭୟ ଆତ୍ମହତ୍ୟା କରୁଥିଲେ ତାହା ଅସ୍ପଷ୍ଟ ରହିଛି।