ମାଲକାନଗିରି,୧୦/୨ : ଓଡିଶା ସରକାର ବିଦ୍ୟାଳୟ ଓ ଗଣଶିକ୍ଷା ବିଭାଗ ତରଫରୁ ମାଲକାନଗିରି ମହାବିଦ୍ୟାଳୟରେ ପ୍ରଥମ ଥର ପାଇଁ ଯୁକ୍ତ ଦୁଇ କଳା ବିଷୟରେ ପରୀକ୍ଷା ଖାତା ମୂଲ୍ୟାୟନ ପାଇଁ ସରକାରଙ୍କ ତରଫରୁ ଅନୁମତି ପ୍ରଦାନ କରାଯାଇଛି l ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଭୁବନେଶ୍ୱର ଚେୟାର ପର୍ସନ ଅଶ୍ୱିନୀ କୁମାର ମିଶ୍ର ଙ୍କ ନିର୍ଦ୍ଦେଶ କ୍ରମେ ପରୀକ୍ଷା ନିୟନ୍ତ୍ରକ ଡକ୍ଟର ଅଶୋକ କୁମାର ନାୟକ ଏ ନେଇ ଚିଠି ପ୍ରେରଣ କରିଛନ୍ତି l ଏହି ଖବର ପାଇବା ପରେ ମାଲକାନଗିରି ମହାବିଦ୍ୟାଳୟରେ ଏକ ଆନନ୍ଦର ଲହରୀ ଖେଳି ଯାଇଛି l 

 ମାଲକାନଗିରି ମହାବିଦ୍ୟାଳୟ ଅଧ୍ୟକ୍ଷଙ୍କ ପ୍ରକୋଷ୍ଠରେ ଏକ ନିରାଡ଼ମ୍ବରପୂର୍ଣ୍ଣ ଉତ୍ସବ ପାଳନ କରାଯାଇଛି l ମାଲକାନଗିରି ମହାବିଦ୍ୟାଳୟର ବାଣିଜ୍ୟ ବିଭାଗର ମୁଖ୍ୟ ଡକ୍ଟର ରଞ୍ଜନ କୁମାର ସ୍ବାଇଁ ଅଧ୍ୟକ୍ଷ ଲିଙ୍ଗରାଜ ମିଶ୍ରଙ୍କୁ ଅଭିନନ୍ଦନ ଜଣାଇଥିଲେ। ଏହି ଅବସରରେ ଗୌତମ ନାୟକ, ଆରତୀ ଲୁଗୁନ, ପ୍ରମୋଦ ପରିଡା ଏବଂ ଅନ୍ୟାନ୍ୟ ଅଧ୍ୟାପକ ଓ ଅଧ୍ୟାପିକା ତଥା ଛାତ୍ରଛାତ୍ରୀ ଉପସ୍ଥିତ ଥିଲେ। ଏହା ଦ୍ୱାରା ମାଲକାନଗିରି ଜିଲ୍ଲାର ଅଧ୍ୟାପକ ଏବଂ ଅଧ୍ୟାପିକା ଦୂରତାରୁ ରକ୍ଷା ପାଇବା ସହିତ ସହଜରେ ଖାତା ମୂଲ୍ୟlୟନ କରି ପାରିବେ ।

ଆହୁରି ପଢନ୍ତୁ : ଜନଜାତି କଳା ଓ ସଂସ୍କୃତି ଓଡ଼ିଶାର ସଂସ୍କୃତିକୁ ସମୃଦ୍ଧ କରିଛି : ମୁଖ୍ୟମନ୍ତ୍ରୀ