ୱାଶିଂଟନ,୧୨/୦୨: ଆମେରିକାରେ ଚଳିତ ବର୍ଷ ଶେଷ ଭାଗରେ ରାଷ୍ଟ୍ରପତି  ନିର୍ବାଚନ ହେବାକୁ ଯାଉଛି ।  ଏଥିରେ ପୂର୍ବତନ ରାଷ୍ଟ୍ରପତି ବାରାକ୍‌ ଓବାମାଙ୍କ ପତ୍ନୀ ମିସେଲ୍‌ ଓବାମା ଅବତୀର୍ଣ୍ଣ ହେବା ନେଇ ଖବର ଆସିଛି । 

ଫକ୍ସ ନ୍ୟୁଜ୍‌  ରିପୋର୍ଟ ମୁତାବକ ରାଷ୍ଟ୍ରପତି ଜୋ ବାଇଡେନ୍‌ ବର୍ତ୍ତମାନ ମାନସିକ ଓ ଶାରୀରିକ ସମସ୍ୟା ଦେଇ ଗତି କରୁଛନ୍ତି । ସେ ଠିକଣା ସମୟରେ ପ୍ରାର୍ଥୀ ଦୌଡ଼ରୁ ଓହରି ପାରନ୍ତି । ତାଙ୍କ ସ୍ଥାନରେ ଡେମୋକ୍ରାଟିକ୍‌  ପାର୍ଟି ମିସେଲ୍‌ ଓବାମାଙ୍କୁ ପ୍ରାର୍ଥୀ କରିପାରେ । ବାଇଡେନ୍‌ ମାନସିକ  ଓ ଶାରୀରିକ ଦୁର୍ବଳତାର  ସମ୍ମୁଖୀନ ହେଉଥିବାରୁ ସେ  ନିର୍ବାଚନ ଲଢ଼ିବା ଉଚିତ  ହେବନାହିଁ ବୋଲି ଦଳ ଭାବୁଛି । ଅନ୍ୟପକ୍ଷରେ ଏହି ରିପୋର୍ଟକୁ  ଖଣ୍ଡନ କରି ବାଇଡେନ୍‌ କହିଛନ୍ତି, ବୟସ ବଢ଼ିଲେ କିଛି ସମସ୍ୟା  ଆସେ । କିନ୍ତୁ ଏହାର ଅର୍ଥ ନୁହେଁ  ଯେ ମୁଁ ଫିଟ୍‌ ନାହିଁ ।