ଇସଲାମାବାଦ୍‌, ୦୯/୦୯: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ଶରିଫ ସ୍ବଦେଶ ଫେରିବା ପାଇଁ ପ୍ରସ୍ତୁତ ଥିବା ଜଣାପଡ଼ିଛି । ପାକିସ୍ତାନ ରାଜନୀତିରେ ପୁଣି ଥରେ ନଓ୍ବାଜଙ୍କ ପ୍ରତ୍ୟାବର୍ତ୍ତନ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଅକ୍ଟୋବରରେ ପାକିସ୍ତାନ ଫେରିପାରନ୍ତି ନଓ୍ବାଜ । ଗତ ୪ ବର୍ଷ ହେଲା ଲଣ୍ଡନରେ ନିର୍ବାସିତ ଜୀବନ ବିତାଉଥିବା ନଓ୍ବାଜ ଶରିଫଙ୍କ ଫେରିବା ନେଇ ଚର୍ଚ୍ଚା ଲାଗି ରହିଛି । ସାନଭାଇ ଶେହବାଜ ଶରିଫ ପାକିସ୍ତାନର ପ୍ରଧାନମନ୍ତ୍ରୀ ହେବା ପାଖରୁ ନଓ୍ବାଜଙ୍କୁ ଫେରାଇ ଆଣିବା ଲାଗି ପ୍ରୟାସ ଜାରି ରଖିଛନ୍ତି। ଏବେ ଯଦିଓ ପାକିସ୍ତାନରେ ଅନ୍ତରୀଣ ସରକାର ରହିଛି ହେଲେ ଦେଶରେ ନିର୍ବାଚନ ହେବାକୁ ଯାଉଛି । ଆଉ  ନିର୍ବାଚନ ପୂର୍ବରୁ ଦେଶକୁ ଫେରିବା ସହ ରାଜନୀତିରେ ପୁଣି ଥରେ କାୟା ବିସ୍ତାର କରିପାରନ୍ତି ନଓ୍ବାଜ । 

୭୫ ତମ ପ୍ରତିଷ୍ଠା ଦିବସ ପାଳୁଛି ଉତ୍ତର କୋରିଆ, ପରେଡରେ ଯୋଗ ଦେଲେ ରୁଷ ଏବଂ ଚୀନର ପ୍ରତିନିଧିମଣ୍ଡଳୀ

ପାକିସ୍ତାନ ମୁସଲିମ ଲିଗ୍‌-ନଓ୍ବାଜର ନେତା ନଓ୍ବାଜ ଶରିଫ ଲଣ୍ଡନରେ ଦଳୀୟ କର୍ମୀଙ୍କ ସହ ଆଲୋଚନା ପରେ ଖୁବଶୀଘ୍ର ସ୍ବଦେଶ ଫେରିବା ନେଇ ସଂକେତ ଦେଇଛନ୍ତି । ଯଦିଓ ତାରିଖ ସ୍ପଷ୍ଟ ହୋଇନାହିଁ କିନ୍ତୁ ଅକ୍ଟୋବରରେ ପାକିସ୍ତାନ ଫେରିପାରନ୍ତି ନଓ୍ବାଜ ଶରିଫ । ୨୦୧୮ରେ ନୁର୍ନୀତି ମାମଲରେ ଦୋଷୀ ସାବ୍ୟସ୍ତ ହେବା ପରେ ନଓ୍ବାଜଙ୍କୁ ୭ ବର୍ଷ ଜେଲ ଦଣ୍ଡାଦେଶ ଦେଇଥିଲେ କୋର୍ଟ । ପରବର୍ତ୍ତୀ ସମୟରେ ସେ ସ୍ବାସ୍ଥ୍ୟଗତ ସମସ୍ୟା ଦର୍ଶାଇ ଚିକିତ୍ସା ଲାଗି ଲଣ୍ଡନ ଯାଇଥିଲେ।  ହେଲେ ୨୦୧୯ରେ ଲଣ୍ଡନ ଯାଇଥିବା ନଓ୍ବାଜ ଶରିଫ ଆଉ ପାକିସ୍ତାନ ଫେରିନଥିଲେ ।

ଗତ ଅଗଷ୍ଟ ୨୫ ତାରିଖରେ ଶେହବାଜ ଶରିଫ କହିଥିଲେ ଯେ, ନଓ୍ବାଜ ଶରିଫ ଅକ୍ଟୋବରରେ ପାକିସ୍ତାନ ଫେରିବେ । ଏବଂ ନ୍ୟାୟିକ ତଦନ୍ତର ସାମ୍ନା କରିବେ । ଏହା ସହ ନଓ୍ବାଜ ଶରିଫ ପାର୍ଟିର ନେତୃତ୍ବ ନେବେ । ଏପରିକି ଦେଶର ମଙ୍ଗ ନଓ୍ବାଜ ଶରିଫ ଧରିବେ ବୋଲି କହିଥିଲେ ଶେହବାଜ । ଏଥିରୁ ସ୍ପଷ୍ଟ ହେଉଛି ଆଗାମୀ ସାଧାରଣ ନିର୍ବାଚନରେ ନଓ୍ବାଜ ଶରିଫ ପିଏମଏଲ-ଏନ ଦଳରୁ ପ୍ରଧାନମନ୍ତ୍ରୀ ପ୍ରାର୍ଥୀ ହେବେ । ସପେଟେ ପାକିସ୍ତାନରେ ସଂସଦ ଭଙ୍ଗ ହୋଇସାରିଥିବା ବେଳେ ସାଧାରଣ ନିର୍ବାଚନ ହେବାକୁ ଯାଉଛି । 

You can also read: ୭୫ ତମ ପ୍ରତିଷ୍ଠା ଦିବସ ପାଳୁଛି ଉତ୍ତର କୋରିଆ, ପରେଡରେ ଯୋଗ ଦେଲେ ରୁଷ ଏବଂ ଚୀନର ପ୍ରତିନିଧିମଣ୍ଡଳୀ