ବଲାଙ୍ଗିର, ୦୯/୦୮ : ବଲାଙ୍ଗିର ଭୀମଭୋଇ ମେଡିକାଲ କଲେଜ ହସ୍ପିଟାଲ ପଛପଟୁ ନବଜାତ ଶିଶୁ ଉଦ୍ଧାର। ମେଡିକାଲ ସାତ ମହଲା କୋଠା ପଛପଟେ ଥିବା ଏକ ଡ୍ରେନରୁ ଉଦ୍ଧାର ହେଲା ନବଜାତକ। ଶିଶୁଟିକୁ ଆଇସିୟୁରେ ଭର୍ତ୍ତି କରାଯାଇଛି। ବର୍ତ୍ତମାନ ତାର ସ୍ଵାସ୍ଥ୍ୟାବସ୍ଥା ସ୍ଥିର ରହିଛି। 

ଶନିବାର ଭୋର ସକାଳେ ଡ୍ରେନରେ ଏକ ଶିଶୁ ପରିତ୍ୟକ୍ତ ଅବସ୍ଥାରେ ପଡ଼ିଥିବା ସ୍ଥାନୀୟ ଲୋକେ ଦେଖିଥିଲେ । ଏନେଇ ଖବର ପାଇବା ପରେ ମେଡିକାଲ କର୍ମଚାରୀମାନେ ପହଞ୍ଚି ଶିଶୁଟିକୁ ଉଦ୍ଧାର କରିଥିଲେ । ଶିଶୁଟିକୁ ସ୍ତ୍ରୀ ଓ ପ୍ରସୂତି ରୋଗ ବିଭାଗର ଆଇସିୟୁରେ ଭର୍ତ୍ତି କରାଯାଇ ଚିକିତ୍ସ କରାଯାଉଛି । ବର୍ତ୍ତମାନ ଶିଶୁଟିର ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ଶିଶୁଟି ଦିନେ କିମ୍ବା ଦୁଇଦିନର ହେବ ବୋଲି ଅନୁମାନ କରାଯାଉଛି । ତେବେ କିଏ ଏବଂ କାହିଁକି ଶିଶୁଟିକୁ ସେଠାରେ ଫିଙ୍ଗି ଦେଲା ତାହା ଅସ୍ପଷ୍ଟ ରହିଛି।