ପ୍ରମୁଖ ଖବର
  • ଇଓଡବ୍ଲ୍ୟୁ ପଞ୍ଝାରେ ୨ କୁଖ୍ୟାତ କ୍ରିପ୍ଟୋ ଠକ, ୧୫ କୋଟି ଟଙ୍କାର ଠକେଇ ଅଭିଯୋଗ
  • ||
  • ସ୍ଵାମୀ ସରୋଜଙ୍କ ସହ ବିଜେପିରେ ମିଶିଲେ ଜ୍ୟୋତି ପାଣିଗ୍ରାହୀ, ବିଜେଡିରୁ ଦେଇଥିଲେ ଇସ୍ତଫା
  • ||
  • ମେ ୩୧ରେ ଆସିବ ‘ମିଷ୍ଟର ଆଣ୍ଡ ମିସେସ୍‌ ମାହି’, ଦେଖିବାକୁ ମିଳିବ ରାଜକୁମାର-ଜାହ୍ନବୀଙ୍କ ଜବରଦସ୍ତ କେମେଷ୍ଟ୍ରି
  • ||
  • ଖାଉଟିଙ୍କ ପକେଟକୁ ମହଙ୍ଗା ମାଡ଼: ଟ୍ୱିନ୍‌ ସିଟିରେ ଆଳୁ କିଲୋ ୩୦ ଟଙ୍କା, ସପ୍ତାହକରେ ୮ ଟଙ୍କା ବଢ଼ିଲାଣି
  • ||
  • ପ୍ଲାଷ୍ଟିକ ବଜାରକୁ ନେଇ ବିବାଦ: ଆଜି ୧୨ ସଂଘ-ବିଏମ୍‌ସି ବୈଠକ
  • ||
  • ସୋମବାର ଶ୍ରୀଲିଙ୍ଗରାଜଙ୍କ ରୁକୁଣା ରଥ ପ୍ରତିଷ୍ଠା ଉତ୍ସବ, ମଙ୍ଗଳବାର ଶ୍ରୀଜିଉଙ୍କ ରଥଯାତ୍ରା
  • ||
  • ପାରାଦୀପରେ ୬୧ ଦିନ ଯାଏଁ ମାଛଧରା ବନ୍ଦ, ମାଛ ସଂରକ୍ଷଣକୁ ଦୃଷ୍ଟିରେ ରଖି ମତ୍ସ୍ୟ ବିଭାଗ ପକ୍ଷରୁ ନିର୍ଦ୍ଦେଶ
  • ||
  • ଓଡ଼ିଶାରେ ମୋଦି ନୁହେଁ, ‘ନବୀନ ଗ୍ୟାରେଣ୍ଟି’: ଚାଲିଛି ମତାମତ ସଂଗ୍ରହ, ଖୁବ୍‌ଶୀଘ୍ର ବିଜେଡିର ଇସ୍ତାହାର
  • ||
  • IPL 2024: ବେଙ୍ଗାଲୁରୁ-ହାଇଦ୍ରାବାଦ ମଧ୍ୟରେ ଟକ୍କର, ରୟାଲର କ୍ଲାସେନ ଭୟ
  • ||
  • ରାଜ୍ୟରେ ପୁଣି ପ୍ରଚଣ୍ଡ ତାତି, ଆହୁରି ୪ରୁ ୬ ଡିଗ୍ରୀ ବଢ଼ିବ ପାରଦ: ୧୮ ଯାଏ ଭୀଷଣ ଗ୍ରୀଷ୍ମପ୍ରବାହ
  • ||

ଲୋକୋ-ପାଇଲଟ୍ ବିନା ୮୪ କିଲୋମିଟର ଗଡ଼ିଲା ଗୁଡ୍ସ୍ ଟ୍ରେନ୍, ଚା ପିଇବାକୁ ଯାଇ ହ୍ୟାଣ୍ଡବ୍ରେକ୍ ଲଗାଇ ନଥିଲେ ଡ୍ରାଇଭର

ନୂଆଦିଲ୍ଲୀ, ୨୫/୦୨: ରେଲୱେର ପୁଣି ବଡ଼ ଖାମଖିଆଲି ଦେଖିବାକୁ ମିଳିଛି । ମାଲବାହୀ ଟ୍ରେନ୍ ଲୋକ୍ ପାଇଲଟ୍ ବିନା ଗୋଟିଏ ରାଜ୍ୟରୁ ଗଡ଼ି ଯାଇ ଅନ୍ୟ ରାଜ୍ୟରେ ପହଞ୍ଚିଛି । ସୌଭାଗ୍ୟବଶତଃ ଘଟଣାରେ କୌଣସି ଧନଜୀବନ ହାନି ହୋଇ ନଥିବା ବେଳେ ତଦନ୍ତ ନିର୍ଦ୍ଦେଶ ଦେଇଛି ଭାରତୀୟ ରେଲୱେ ।

ସୂଚନା ଅନୁସାରେ, ରବିବାର ସକାଳେ ବଜୁରି ବୋଝେଇ ମାଲଗାଡ଼ିଟି ଜମ୍ମୁ-କାଶ୍ମୀରର କଠୁଆ ରେଲୱେ ଷ୍ଟେସନରେ ଛିଡ଼ା ହୋଇଥିବା ବେଳେ ଚା ପିଇବାକୁ ଯାଇଥିଲେ ଲୋକୋ ପାଇଲଟ୍ । ଛିଡ଼ା ହୋଇଥିବା ଟ୍ରେନଟି ଅଚାନକ ପଠାନକୋଟ ଆଡ଼କୁ ଗଡ଼ି ଯାଇଥିଲା । ବିନା ଡ୍ରାଇଭରରେ ଟ୍ରେନର ଗତି ବଢ଼ିବା ସହ ଏହା ୮୪ କିଲୋମିଟର ଅତିକ୍ରମ କରି ପଞ୍ଜାବରେ ପହଞ୍ଚିଥିଲା ।

ଟ୍ରେନ୍ ହଠାତ୍ ଦୌଡ଼ିବା ଦେଖି ଚା ପିଉଥିବା ଲୋକୋ ପାଇଲଟଙ୍କ ହୋସ୍ ଉଡ଼ି ଯାଇଥିଲା । ତତ୍କାଳ ରେଲୱେ ଅଧିକାରୀଙ୍କୁ ଅବଗତ କରାଯିବା ପରେ ପଞ୍ଜାବର ମୁକେରିୟାରେ ମାଲବାହୀ ଟ୍ରେନକୁ ଅଟକା ଯାଇଛି । ଜମ୍ମୁର ଡିଭିଜନାଲ୍ ମ୍ୟାନେଜର କହିଛନ୍ତି, ମାମଲାର ତଦନ୍ତ ପାଇଁ ନିର୍ଦ୍ଦେଶ ଦିଆ ଯାଇଛି ।

ସକାଳ ୭ଟା ୧୦ରେ ମାଲବାହୀ ଗାଡ଼ି ସଂଖ୍ୟା ୧୪୮୦୬ଆର୍ ଜମ୍ମୁର କଠୁଆ ଷ୍ଟେସନରେ ଅଟକି ଥିଲା । ଇଞ୍ଜିନ୍ ଚାଲୁ ରହିଥିବା ବେଳେ ଲୋକୋ ପାଇଲଟ୍ ଓହ୍ଲାଇ ଚା ପିଉଥିଲେ । ଏହା ପରେ ଟ୍ରେନ୍ ହଠାତ୍ ଗଡ଼ିବା ସହ ବେଗ ବଢ଼ିଥିଲା ।

କଠୁଆ ଷ୍ଟେସନ କର୍ତ୍ତୃପକ୍ଷଙ୍କ ଅନୁସାରେ, ଇଞ୍ଜିନ୍ ଚାଲୁ ରହିଥିବା ଅବସ୍ଥାରେ ଲୋକୋ ପାଇଲଟ୍ ଓ ତାଙ୍କ ସହାୟକ ଓହ୍ଲାଇଥିଲେ । କୁହା ଯାଉଛି, ଲୋକୋ ପାଇଲଟ୍ ଟ୍ରେନର ହ୍ୟାଣ୍ଡବ୍ରେକ୍ ଦେଇ ନଥିଲେ । ଟ୍ରେନ୍ ଅଚାନକ ଗଡ଼ିବା ପରେ ରୋକିବାକୁ ପ୍ରୟାସ କରାଯାଇଥିଲା । ସୌଭାଗ୍ୟକୁ ସେହି ଟ୍ରାକରେ ଅନ୍ୟ କୌଣସି ଟ୍ରେନ୍ ଆସୁ ନଥିଲା । ଗୁଡ୍ସ ଟ୍ରେନଟି ୮୪ କିଲୋମିଟର ଗଡ଼ିବା ପରେ ପଞ୍ଜାବର ମୁକେରିୟାରେ ଅଟକାଇ ଦିଆ ଯାଇଛି । ଟ୍ରେନ୍ କେଉଁ ପରିସ୍ଥିତିରେ ଗଡ଼ିଲା ତାର ତଦନ୍ତ ନିର୍ଦ୍ଦେଶ ଦିଆ ଯାଇଥିବା ବେଳେ ଫିରୋଜପୁରରୁ ଏକ ଟିମ୍ ପଠା ଯାଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.