ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁବାଇରେ ଆୟୋଜିତ ସିଓପି ୨୮ ସମ୍ମିଳନୀ ଅବସରରେ, ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନୀଙ୍କ ସହ ନିଆଯାଇ ଥିବା ସେଲଫି ଉପରେ ପ୍ରତିକ୍ରିୟା ଦେଇଛନ୍ତି। ଶନିବାର ପ୍ରଧାନମନ୍ତ୍ରୀ ମୋଦି କହିଛନ୍ତି , ବନ୍ଧୁଙ୍କ ସହ ଭେଟ ହେବା ସର୍ବଦା ସୁଖଦ ଅନୁଭବ ହୋଇଥାଏ। ମିଲୋନୀ ଶୁକ୍ରବାର ଏକ୍ସରେ ସିଓସି ୨୮ରେ ଭଲ ମିତ୍ରର ଟିପ୍ପଣୀ ଦେବା ସହ ସେଲଫି ପୋଷ୍ଟ କରିଥିଲେ। ମୋଦି ଓ ମେଲୋନୀଙ୍କ ସରନେମ୍କୁ ମିଶାଇ ହ୍ୟାଟ୍ୟାଗ୍ ମେଲୋଦି ମଧ୍ୟ ଲେଖାଯାଇ ଥିଲା। କ୍ୟାମେରା ସାମନାରେ ହସୁ ଥିବାର ଉଭୟ ନେତାଙ୍କ ଖୁସିମିଜାଜ ଫଟୋ ଖୁବ୍ ଭାଇରାଲ ହେଉଛି।
ଇଟାଲୀର ପ୍ରଧାନମନ୍ତ୍ରୀ ମେଲୋନୀଙ୍କ ଦ୍ୱାରା ସେୟାର କରାଯାଇ ଥିବା ଫଟୋକୁ ଶନିବାର ସନ୍ଧ୍ୟା ଯାଏ ୩ ଲକ୍ଷରୁ ଅଧିକ ଲୋକ ଲାଇକ୍ କରିଥିବା ବେଳେ, ୧୬ ହଜାରରୁ ଅଧିକ ଲୋକ କମେଣ୍ଟ କରି ସାରିଛନ୍ତି। ୫୫ ହଜାର ରି-ପୋଷ୍ଟ ମଧ୍ୟ କରିଛନ୍ତି। ସେପଟେ ପ୍ରଧାନମନ୍ତ୍ରୀ ମୋଦିଙ୍କ ଦ୍ୱାରା ଦିଆଯାଇ ଥିବା ଏହି ସେଲଫି ଉପରେ ପ୍ରତିକ୍ରିୟାର ପୋଷ୍ଟକୁ ଏବେସୁଦ୍ଧା ୨୪ ଲକ୍ଷରୁ ଅଧିକ ଭ୍ୟୁଜ୍ ମିଳି ସାରିଛି।
Meeting friends is always a delight. https://t.co/4PWqZZaDKC
— Narendra Modi (@narendramodi) December 2, 2023
ଉଲ୍ଲେଖନୀୟ ଯେ, ଏହା ପୂର୍ବରୁ ସେପ୍ଟେମ୍ୱର ମାସରେ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଆୟୋଜିତ କରାଯାଇ ଥିବା ଜି-୨୦ ସମିତିରେ ସାମିଲ ହେବାକୁ ଇଟାଲୀର ପ୍ରଧାନମନ୍ତ୍ରୀ ମେଲୋନୀ ଭାରତ ଆସିଥିଲେ। ଏହି ସମୟରେ ମଧ୍ୟ ସେ ପିଏମ୍ ମୋଦିଙ୍କୁ ସାକ୍ଷାତ କରିଥିଲେ। ଉଭୟ ନେତା ଦୁଇ ଦେଶ ମଧ୍ୟରେ ରାଜନୈତିକ ସମ୍ୱନ୍ଧର ସ୍ଥାପନାର ୭୫ବର୍ଷ ପୂରା ହେବାରେ ସନ୍ତୋଷ ବ୍ୟକ୍ତ କରିଥିଲେ। ସେ ଭାରତ-ଇଟାଲୀ ରଣନୀତିକ ପାର୍ଟନରସିପ୍ର ବିଭିନ୍ନ କ୍ଷେତ୍ରରେ ପ୍ରଗତିର ମଧ୍ୟ ଆଲୋଚନା କରିଥିଲେ ଏବଂ ପ୍ରତିରକ୍ଷା ଓ ଆଉ ନୂଆ ସୂଚନା ପ୍ରଯୁକ୍ତି ଭଳି କ୍ଷେତ୍ରରେ ସହଯୋଗ ବୃଦ୍ଧି ଉପରେ ସହମତି ପ୍ରକାଶ କରିଥିଲେ।