କୋଲକାତା,୧୭/୧୧: ବିଶ୍ୱର ଅନ୍ୟତମ ଶ୍ରେଷ୍ଠ ୱିକେଟ୍‌ କିପର-ବ୍ୟାଟର କ୍ୱିଣ୍ଟନ ଡି କକ୍‌ଙ୍କୁ ଆଉ ଦିନିକିଆ କ୍ରିକେଟ୍‌ରେ ଦେଖିବାକୁ ମିଳିବ ନାହିଁ ।  ଅଷ୍ଟ୍ରେଲିଆ ବିପକ୍ଷ ସେମି ଫାଇନାଲ୍‌ ମୁକାବିଲା ଖେଳି ସେ ଦିନିକିଆ କ୍ରିକେଟ୍‌କୁ ଅଲ୍‌ବିଦା କହିଛନ୍ତି । ମାତ୍ର  ୩୦ବର୍ଷ ବୟସରେ ସେ ଦିନିକିଆ କ୍ରିକେଟ୍‌ରୁ ଅପସର ନେଇଛନ୍ତି । କ୍ୟାରିୟର୍‌ର ଶ୍ରେଷ୍ଠ ଫର୍ମରେ ରହିଥିଲେ ହେଁ ଡି କକ୍‌ ନିଜ ପୂର୍ବ ନିଷ୍ପତ୍ତିରେ ଅଟଳ ରହିଛନ୍ତି ।

ଚଳିତ ବିଶ୍ୱକପ୍‌ରେ ତାଙ୍କ ପ୍ରଦର୍ଶନ ବେଶ୍‌ ଚମତ୍କାର  ରହିଥିଲା । ସେ ୧୦ଟି ମ୍ୟାଚ୍‌ରୁ ୬୫.୬୭ ହାରରେ ମୋଟ୍‌  ୫୯୧ ରନ୍‌ ସଂଗ୍ରହ କରିଥିଲେ । ଏଥର ବିଶ୍ୱକପ୍‌ରେ  ସେ ୪ଟି ଶତକ ଅର୍ଜନ କରିଥିଲେ । ୨୦୧୩ରେ ମାତ୍ର  ୨୦ ବର୍ଷ ବୟସରେ ଡି କକ୍‌ ଦିନିକିଆ ପଦାର୍ପଣ  କରିଥିଲେ । ୧୦ବର୍ଷର କ୍ୟାରିୟର ମଧ୍ୟରେ ସେ ୧୫୪ଟି  ଦିନିକିଆ ଖେଳି ୪୬.୦୩ ହାରରେ ମୋଟ୍‌ ୬୯୯୧  ରନ୍‌ ସଂଗ୍ରହ କରିଛନ୍ତି । ଏଥିରେ ୨୧ଟି ଶତକ ଓ ୩୦ଟି  ଅର୍ଦ୍ଧଶତକ ରହିଛି । ସୂଚନାଯୋଗ୍ୟ, ଡି କକ୍‌ ୨ବର୍ଷ  ତଳୁ ଟେଷ୍ଟ କ୍ରିକେଟ୍‌ରୁ ଅବସର ଘୋଷଣା କରିସାରିଛନ୍ତି ।