ମୁମ୍ବାଇ, ୧୫/୧୧: ଇଏମ୍ଆଇ କାର୍ଡରେ ଋଣ ଦେଇ ପାରିବନି ବଜାଜ୍ ଫାଇନାନ୍ସ । ଡିଜିଟାଲ୍ ଲେଣ୍ଡିଂ ରୁଲ୍ସର ଉଲ୍ଲଂଘନ ଅଭିଯୋଗରେ ଆରବିଆଇ ଏହି ନିର୍ଦ୍ଦେଶନାମା ଜାରି କରିଛି । ଜାରି ନିର୍ଦ୍ଦେଶନାମାରେ ଆରବିଆଇ ପକ୍ଷରୁ କୁହାଯାଇଛି, ବଜାଜ ଫିନସର୍ଭ ଲିମିଟେଡର ଅଂଶ ବଜାଜ ଫାଇନାନ୍ସ ଇକମର୍ସ ଓ ଇନଷ୍ଟା ଇଏମ୍ଆଇ କାର୍ଡରେ ଋଣ ଦେଇ ପାରିବ ନାହିଁ । ଏହା ତତ୍କାଳ ଲାଗୁ ପାଇଁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ନିର୍ଦ୍ଦେଶ ଦେଇଛନ୍ତି ।

ବର୍ତ୍ତମାନ କେନ୍ଦ୍ରୀୟ ବ୍ୟାଙ୍କ ଜାରି କରିଥିବା ଡିଜିଟାଲ୍ ଲେଣ୍ଡିଂ ଗାଇଡଲାଇନର ଉଲ୍ଲଂଘନ ବଜାଜ ଫାଇନାନ୍ସ କରୁଥିବା ଆରବିଆଇ କହିଛି । ଇକମ୍ ଓ ଇନଷ୍ଟା ଇଏମ୍ଆଇ କାର୍ଡରେ ତତ୍କାଳ ଋଣ ଦେବା ବନ୍ଦ କରିବାକୁ କୁହାଯାଇଛି । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଆକ୍ଟ ୧୯୩୪ର ଧାରା ୪୫ଏଲ୍(୧)(ବି) ଆଧାରରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି ।

ଉତ୍ତରକାଶୀ ଟନେଲରେ ୫୦ ମିଟର ପାଇପ୍ ଭରସାରେ ୪୦ ଶ୍ରମିକଙ୍କ ଜୀବନ, ଧାରଣାରେ ସାଥୀ ଶ୍ରମିକ

ଏବେ ବଜାଜର ଇକମ୍ ଓ ଇନଷ୍ଟା ଇଏମ୍ଆଇ କାର୍ଡ ଋଣ ଉପରେ ରୋକ୍ ଲାଗିଥିବା ବେଳେ କମ୍ପାନୀ ଏଥିରେ ସଂଶୋଧନ କରିବାକୁ ଆରବିଆଇ କହିଛି । କମ୍ପାନୀର ସଂଶୋଧନରେ ଆରବିଆଇ ସନ୍ତୁଷ୍ଟ ହେଲେ ପୁଣି ଇକମ୍ ଓ ଇନଷ୍ଟା ଇଏମ୍ଆଇ କାର୍ଡରେ ଋଣ ଦେଇ ପାରିବ ବଜାଜ ଫାଇନାନ୍ସ ।

ଗତବର୍ଷ ଅଗଷ୍ଟରେ ଡିଜିଟାଲ୍ ଲେଣ୍ଡିଂ ଗାଇଡଲାଇନ୍ସ ଆଣିଥିଲା ଆରବିଆଇ । ଡିଜିଟାଲ୍ ଲୋନ୍ ଏଗ୍ରିମେଣ୍ଟ୍ସରେ ହେଉଥିବା ଠକାମୀ ରୋକିବା ଲାଗି ଗାଇଡଲାଇନ୍ସ ଆସିଥିଲା । ଋଣ ଗ୍ରହୀତାଙ୍କ ସ୍ୱାର୍ଥ ରକ୍ଷାକୁ ଗୁରୁତ୍ୱ ଦିଆ ଯାଇଥିଲା । ଅଣବ୍ୟାଙ୍କିଂ ସହ ବ୍ୟାଙ୍କିଂ ସଂସ୍ଥାକୁ ନୂଆ ଗାଇଡଲାଇନ୍ସ ପାଳନ ପାଇଁ ଆରବିଆଇ ନିର୍ଦ୍ଦେଶ ଦେଇଥିଲା । 

ବିଶ୍ବକପ୍‌ ଇତିହାସରେ ହୋଇନଥିଲା ଏଭଳି ରେକର୍ଡ, ଶୀର୍ଷରେ ବିରାଟ କୋହଲି