ରାଞ୍ଚି : ଉତ୍ତରକାଶୀର ସିଲକ୍ୟାରା ଟନେଲରେ ୧୭ ଦିନ ଯାଏ ଫସି ରହିବା ପରେ ସୁରକ୍ଷିତ ବାହାରି ଆସିଛନ୍ତି। ବାହାରକୁ ଆସିବା ପରେ ଝାଡ଼ଖଣ୍ଡରେ ନିଜ ଗାଁରେ ପହଞ୍ଚି ସୁଖରାମ ଗତ ଦିନର କଥା ଗୋଟି ଗୋଟି କରି ପରିବାର ଓ ସଂପର୍କୀୟଙ୍କୁ ଶୁଣାଇଛନ୍ତି। ଚୋର-ପୁଲିସ ଭଳି ଖେଳ ତାଙ୍କୁ ସୁଡ଼ଙ୍ଗରେ ଦୀର୍ଘ ସମୟ ଧରି ଜୀବିତ ରଖିଥିଲା। ରାଞ୍ଚି ବାହାର ଅଞ୍ଚଳରେ ଥିବା ଖିରାବେଡା ଗାଁରେ ରହୁଥିବା ସୁଖରାମ ଘଟଣାକୁ ମନେପକାଇ କହିଛନ୍ତି , ହଠାତ୍ ତାଙ୍କୁ କଣ ଖସି ପଡିବାର ଜୋରରେ ଶବ୍ଦ ଶୁଣାଗଲା, କିନ୍ତୁ ସେ ଏସବୁକୁ ବୁଝିବା ଆଗରୁ ଆତଙ୍କ ବାଟ ଜଗି ସାରିଥିଲା।
ସୁଖରାମ ଶୁକ୍ରବାର ବିଳମ୍ୱିତ ରାତିରେ ନିଜ ଘରେ ପହଞ୍ଚି ଥିଲେ। ଏଠାରେ ପହଞ୍ଚିବା ପରେ ତାଙ୍କର ଜୋରଦାର ସ୍ୱାଗତ କରାଯାଇ ଥିଲା। ନିଜର ପସନ୍ଦର ଭୋଜନ ମୁର୍ଗା-ଭାତର ଆନନ୍ଦ ନେବା ପରେ ସୁଖରାମ କହିଥିଲେ , ରାଜା-ରାଣୀ ଓ ଚୋର-ପୁଲିସ ଭଳି ପିଲାଦିନର ଖେଳ ଆମକୁ ଜୀବିତ ରଖିଥିଲା ଏବଂ ପ୍ରାରମ୍ଭିକ ଦିନରେ ହତାଶା ଓ ନିରାଶାକୁ ପଛରେ ପକାଇବାରେ ସାହାଯ୍ୟ କରିଥିଲା। ସେ କହିଛନ୍ତି କି , ଆମେ ସୁଡ଼ଙ୍ଗ ଭିତରେ କଂକ୍ରିଟର କାମ କରୁଥିଲୁ। ସେତେବେଳେ ହଠାତ୍ ଭାଙ୍ଗି ପଡ଼ିବାର ଶବ୍ଦ ଶୁଣାଗଲା ଏବଂ ଆମେ ବହୁତ ଡ଼ରିଗଲୁ। ଆମେ ଚିନ୍ତିତ ହୋଇ ଓ ଧୈର୍ଯ୍ୟର ସହ ଠିଆ ହୋଇ ଥିଲୁ। ଏହା ଆମକୁ ସ୍ତବ୍ଧ କରି ଦେଲା ଏବଂ ଆମ ଭିତରୁ ଅନେକ ଭାବିନେଲେ କି ଏହା ଶେଷ ସମୟ ।
ସୁଖରାମ କହିଛନ୍ତି କି , ସେ ବାହାରୁ ପାଣି ବାହାର କରୁଥିବା ପାଇପକୁ ଗ୍ୟାସ କଟରରେ କାଟି ଭିତରେ ଫସି ଥିବାର ସଙ୍କେତ ଦେଲେ। ସେ କହିଛନ୍ତି , ଯେମିତି ବାହାର ସଂପର୍କ ସ୍ଥାପିତ ହେଲା ଆଶା ଜାଗି ଉଠିଲା ଏବଂ ଖୁବ୍ ଶୀଘ୍ର ଆମେ ଏକ ପାଇପ୍ ମାଧ୍ୟମରେ ମୁଢି , କାଜୁ ଓ କିସମିସ ଭଳି ଖାଦ୍ୟ ସାମଗ୍ରୀ ମିଳିବା ଆରମ୍ଭ ହୋଇଗଲା।
ସୁଖରାମ କହିଛନ୍ତି , ଯାହାବି ବାହାରୁ ଭିତରକୁ ପଠାଯାଏ ଆମେ ୪୧ ଜଣ ଯାକ ବାଣ୍ଟି ଖାଇଥା । ପାଣି ପାଇଁ ସେମାନେ ପ୍ରାରମ୍ଭିକ ଦିନରେ ଚଟାଣରେ ଥିବା ପାଣିକୁ ପିଉ ଥିଲେ। କେବେ କେବେ ଖେଳ ଖେଳୁ ଥିଲେ। ଆଉ ମଧ୍ୟ ପରସ୍ପର ଭିତରେ ନିଜ ପରିବାର କଥା ମନେପକାଇ କଥାବାର୍ତ୍ତା ହେଉଥିଲେ। ନିଜ ନିଜର ଭବିଷ୍ୟତ ବିଷୟରେ ବି କଥା ହେଉଥିଲେ।
ସୁଖରାମ କହିଛନ୍ତି ଶୌଚ କରିବାକୁ ଆମ ପାଖରେ ସୁଡ଼ଙ୍ଗରେ କୌଣସି ଅନ୍ୟ ବିକଳ୍ପ ନଥିଲା। ଏଠାରେ ସବୁଠୁ ଦୂର ସ୍ଥାନରେ ଯାଇ ଶୌଚ ହେଉଥିଲୁ ଏବଂ ପରେ ଏହାକୁ ମାଟିରେ ଢାଙ୍କି ଦେଉଥିଲୁ। ଭାବୁକ ସୁଖରାମ କହିଛନ୍ତି ,ପ୍ରାର୍ଥନା କିରିବା ଆମ ପାଇଁ ଦିନଚର୍ଯ୍ୟା ପାଲଟି ଯାଇଥିଲା। ଶେଷରେ ଭଗବାନ ଆମ କଥା ଶୁଣିଲେ।
