କଟକ,୨୦/୧୧: ସୋମବାର ସିଏମ୍‌ସିରେ ସ୍ୱତନ୍ତ୍ର  କାଉନ୍‌ସିଲ୍‌ ବୈଠକ ହେବ । ଏଥିରେ ମେୟର ସୁବାସ ସିଂହ  ଅଧ୍ୟକ୍ଷତା କରିବେ । ଏଥିରେ ବାଲିଯାତ୍ରା ପ୍ରସ୍ତୁତି ସମ୍ପର୍କରେ  ଆଲୋଚନା କରାଯିବା ସହିତ ନୂଆ କାର୍ଯ୍ୟକ୍ରମ ସମ୍ପର୍କରେ  କାଉନ୍‌ସିଲ୍‌କୁ ଅବଗତ କରାଇବେ କର୍ତ୍ତୃପକ୍ଷ । 

ଚଳିତ  ବର୍ଷ ସିଏମ୍‌ସି ପକ୍ଷରୁ ବିଭିନ୍ନ କାର୍ଯ୍ୟ ପାଇଁ କୋଟିକୋଟି ଟଙ୍କା ଖର୍ଚ୍ଚ କରାଯାଉଛି । ପ୍ରାୟ ସମସ୍ତ କାର୍ଯ୍ୟ ପାଇଁ ଟେଣ୍ଡର୍‌ ଡକାଯାଇଥିଲା ବେଳେ କିଛି କାମକୁ ବିନା ଟେଣ୍ଡର୍‌ରେ ଠିକା ସଂସ୍ଥା ହାତକୁ ଟେକି ଦିଆଯାଇଛି । ଯାହାକୁ ନେଇ ଗତ କାଉନ୍‌ସିଲ୍‌ ବୈଠକରେ ଏହାକୁ ନେଇ ପ୍ରସଙ୍ଗ କରିଥିଲେ  ବିରୋଧୀ । କିନ୍ତୁ ବୈଠକରେ ଉତ୍ତେଜନା ପ୍ରକାଶ ପାଇବାରୁ  ଏହାକୁ ବାତିଲ୍‌ କରାଯାଇଥିଲା । ସୋମବାର ବିଜୁ ଭବନ  ବୈଠକରେ ଗୋଟିଏ ପକ୍ଷରେ ପ୍ରଶାସନ ନିଜ ପ୍ରସ୍ତାବ  ରଖିବାକୁ ଥିଲାବେଳେ ବିନା ଟେଣ୍ଡର୍‌ରେ ପରିମଳ ଦାୟିତ୍ୱ  ଦିଆଯାଇଥିବା ପ୍ରସଙ୍ଗରେ ବିରୋଧୀ କର୍ପୋରେଟରମାନେ  ଆଲୋଚନା କରିବେ ବୋଲି ଯୋଜନା ରହିଛି ।